Assalamu'alaikum.w.w.
Maaf ambo ndak amuah manggaduah diskusi, cuma
rasonyo kok buang-buang ukatu mambahas kewajiban
jilbab samantaro urang nan manulih tu lah jaleh
pulo kwalitasnyo. Karajo lah jaleh tu aa juo lai ?,
bantuak sumbayang paralu ndak ?. Batua dino tu, jawek
se lah surang.
Ok lah, kito taruihkan kaji kito ko, panyambuang
nan ka patang.
....
Kito baliak baliak, jadi aratinyo, kalau kito baco
hadits tu,
Urang sibuk dunia ko, huru hara di hari kiamat, kubua
tu kiamat nan ketek.
�Wal �azabun syadid�, azab labiah barek lo.
�Wal hasathu thawiila� dan penyesalan yang
berkepanjangan. Rancak awak manyasa kini, Sabananyo
ukatu awak banyak, tapi indak dipagunokan sapanuah
panuahnyo. Handaklah awak bertaqwa dan marasokan nan
banyak tu saketek, aratinyo kok beramal banyak,
handaklah dirasokan masih saketek. Masih alun cukuik
amalan awak lai. Rasonyo kok nyo imbau dek Allah swt.
malam kini, raso alun ka cukuik lai do. Kalau nyo
imbau
awak pulang dek Allah swt. Sanggup atau indak ?. Raso
ndak sanggup, raso ndak cukuik do. Bilo ka cukuik, tu
mangko indak buliah ditangguahkan lai. Mesti
ditaruihkan mancari dan bauek amal-amal nan
mandatangkan pahalo banyak. Tu mako mancaliak urang
mati, kana lah bahaso gilirannyo lah sampai, awak ka
tibo lo maso giliran untuak awak. Nan paliang takuik
mati mangajuik, mati tibo-tibo. Ndak sempat
manga-manga
eh lah mati si anu tu. Tu sababnyo kito baco do�a
�Allahumma laa tak khuzna �alaa ghirrah�,
Yaa Allah jangan engkau ambil nyawa kami tiba tiba.
Bialah damam dulu, sakik agak saminggu, masih sempat
istighfar, bertaubat, tu mako malam-malam ka lalok
baco do�a
�Allahumma anta rabbi, Laa ilaaha illa anta,
khalaqtani, wa ana �abduka, wa alaa �ala �ahdika wa
wa�dika mastata�tu, abu ulaka........� sampai habis.
Malam tu kalau mati, akan masuk sarugo. Ka lalok baco,
pagi bisuak baco. Istighfar dibaco 100 kali, standby
awak, antah kini, antah kini. Sabab mati ko diantaro
mamiciangkan mato jo mancaliak. Wakatu mato mancaliak
khawatir ndak tapiaciangkan, wakatu tapiciang khawatir
indak tacaliakkan lai.
Ukatu bitu pulo, ado tigo ukatu. Tadi, kini, sabanta
lai. Nan tadi lah ndak ado, nan sabanta lai alun tahu,
nan ado nan kini. Nafas nan kini Itu lah nan ado,
itulah nan digunokan untuak baramal. Nafas nan kini.
Tu mako kecek Nabi, �Idzaa amsaita fa laa tamtazilu
sabah�. Kalau lah patang jan tunggu bisuak, kok subuah
jan ditunggu patang. Awak kan acok mangecek, �bisuak
kan bisa�, eh bisuak alun tau lai do. Nan kapatang lah
masuak dalam sejarah, bisuak alun tahu, nan hari
kiniko
lah nan kito punyo. Untuang Allah swt.ndak maagiah
tahu
bilo awak mati. Kalau diagiah tahu kan payah. Tau
payah, ndak tahu labiah mudah. Kalau tau lah bilo mati
baa ?.
�Aaa kaba mak ?, �...., �Alhamdulillah sehaat�
�Dima kini ko ?..�......, �di kampuang�
�Anak lah bara ? �.....�lah limo�
�Bilo maningga ? �.....�ampek minggu lai�....
aaa kan.... susah...:)
Kito baliak baliak, ado ayat babunyi
�Falaa taghuran nakumull hayatud dunya wa laa
yaghurannakum..............dst...�,
Wahai manusia sekalian, sesungguhnya janji Allah itu
benar, janganlah hidup dalam dunia ini menipu kamu,
dan janganlah kamu terpedaya lalu meninggalkan Allah
karena tipuan yang lain�.
Bumi nan awak caliak ko memang rancak, hijau. Tapi
sabananyo untuak samantaro sajo. Sarupo sabuah kapa,
balaia sudah tu balabuah di suatu pulau. Sado
penumpang turun. Kapten kapa mangatokan, tuan-tuan
turun sadonyo, ambiak dan bao baka, kayu ko,
buah-buahan ko, aia ko, sudah tu bao kakapa baliak.
Pukua sekian-sekian naiak. Turnlah sado penumpang,
tapacah manjadi tigo golongan.
Nan partamo, urang mancari aia ko, kayu api dan
sagalonyo tu, tibo masonyo nyo baliak.
Nan kaduo, urang nan raun-raun, �ah lamo lai ko mah�,
tapi tibo masonyo nyo baliak.
Nan katigo, urang nan lupo kasadonyo, Lalai di pulau
tu dek karano bamain-main macari kesenangan, sudah tu
ditinggakan kapa. Baitulah awak dalam dunia ko.
Ado nan hiduik di dunia ko, ikuik undang-undang Allah
ta�ala, cukuik ibadat nyo, tibo masonyo nyo mati,
salamaik nyo. Ado pulo nan kaduo, lah pensiun baru
start, untuang juo baru, lah pensiun start,
mudah-mudahan diampuni Allah swt. dosonyo. Nan katigo
langsuang lupo, lalai sampai matinyo langsuang ndak
beriman ndak beramal.
Dalam satu hadits dikatokan, kalau seorang itu mati,
tiga orang berkata ia baik, maka baiklah orang itu,
sahabat bertanya,
�yaa Rasulullah bagaimana kalau dua orang�,
Rasulullah menjawab �baik orang itu�, kata sahabat
�aku segan bertanya kalau seorang berkata baik
bagaimana�. Maknanyo urang ko tantu salamaik di
akhirat
nantik.
Tu lah makonyo awak acok terpesona jo dunia ko.
Bacaliak-caliak diri di camin, ooo mudo lai, raso ka
bataun-taun baru ka mati. Awak lupo mumbang jatuah
kalapo jatuah.
Tu makonyo awak mintak supayo jan mati tibo-tibo dan
mintak umua jan panjang bana.
Umua panjang bana payah pulo, bukan awak nan susah,
tapi urang nan manunggu nan susah.
Alun abih lai do, tapi kito cukuikkan hinggo iko
dulu, nantik awak sambuang lo jo judul nan lain.
Mudah-mudahan diberkati Allah swt.
Aqul qauli hadza, Astaghfirullahu li walakum
Wabillahil hidayah wat taufiq
Wassalammu�alikum.w.w
Khairi Yusuf
__________________________________
Do you Yahoo!?
Yahoo! Search - Find what you�re looking for faster
http://search.yahoo.com
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
