Wa'alaikum salam wr.wb., Babarapo bulan nan lalu, sabalun angku Zul mausuakan namo untuak lapangan tabang di Katapiang tu, ambo alah mausua katiko itu (sayang file email ambotu alah indak ado lai) supayo lapangan itu nanti dinamoi Dang Tuanku atau Bandara Dang Tuanku.
Tapi sasudah awak basamo-samo manyabuik babagai macam usua untuak namo bandara tu, jadi tasintak ambo, bahaso panamoan sarupo nan diusuakan kabanyakan awak, maagiah namo urang tanamo dari nagari awak sabagai namo bandara tu, rasono malahan ka manimbua-kan konflik. Ka timbua rasono partanyaan 'baa mangko - anto indak...... ' sasudah itu nan ka pakapanjangan. Misalno, kecek nan surang agiah sainlah namo Dang Tuanku. Kecek nan lain pulo, baa mangko Dang Tuanku, anto indak Bundo Kanduang. Baitu sataruihno. Baa mangko Datuak Parpatiah, anto indak Datuak Katumangguangan. Jadi kini ambo tuka usua. Namo bandara tu biko ambo usuakan KATAPIANG International Airport of Minangkabau Country atau kalau dalam bahaso Indonesia, Bandara antarbangsa KATAPIANG nagari Minangkabau. KATAPIANG, jaleh-jaleh. Indak KeTAPING, indak Ker TAPING indak pulo KATAPING (kurang 'a'). Sabab 'ano' (bandara tu) iyo talatak di Katapiang. Di jorong atau di nagari Katapiang. Samo-samo awak aragoi pulo kabaradoan nagari tu. Jadi awak indak latah maniru-niru namo Bandara di kota lain nan toh indak juo sadono mamakai namo 'urang tanamo daerah' doh. Ado Sepinggan di Balikpapan, ado Polonia di Medan. Baa kiro-kiro, angku Zul? Wassalamu'alaikum wr.wb., Lembang Alam --- zul amri <[EMAIL PROTECTED]> wrote: > Assalamualaikum wr.wb : > > Okey , ambo batangguang jawab mancatat dan marekap > usulan namo namo yang masuak melalui tigo situs > minang di internet antaro lain : rantaunet , urang > awak dan minangnet , namun agar usulan tu tidak > hanyo sebagai wacana sajo , rancaklah ditunjuak pulo > yang akan manaruihkan usulan ko kapado pihak nan > berwenang . __________________________________ Do you Yahoo!? Yahoo! Small Business $15K Web Design Giveaway http://promotions.yahoo.com/design_giveaway/ ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
