Ass, wr, wb.
Dunsanak Asmardi Arbi dan perantau minang di seantero Nusantara ko,
Kok kito caliak hasil Pemilu Caleg dan DPD kapatang sacaro lokal kami nan di
Palembang maupun nasional, nampaknyo agak sadiah hati awak kasadonyo, sabab
pado periode 5 tahun kamuko ko indak banyak lai ("indak ado") urang awak nan
ka mewakili awak di Dewan maupun di MPR melalui sistim baru DPD.
Dari 31 urang calon DPD Sumsel hanyo surang dunsanak kito Afdal Azmi Jambak
nan muncul menjadi calon, dunsanak ko adolah Redaktur harian Transparan
Palembang dan Sekjen BMKM Sumsel.
Kecek urang di Sumsel ado 300 000 urang labiah perantau Minang, tapi apo nan
tajadi suaro nan dapek dek dunsanak kito tu hanyo puluhan ribu sajo dengan
nomor urut duo dari bawah alias no 29 (karano ciek maundurkan diri). Apo
indak sadiah kito rang Minang di Palembang khususnyo Sumsel umumnyo.
Jadi sasuai pertanyaan dunsanak Asmardi, apo nan salah di kito ko ? paralu
kito jawek basamo. Mungkin dunsanak IJP bisa manjaweknyo.
Apolagi perolehan suaro caleg2 kito nan sabalunnyo alah jadi anggota dewan
kini sangaik bakurang suaro nan didapeknyo, untuak melewati batas BPP sajo
sulik, otomatis 5 tahun kamuko ko tapaso inyo mananggakan dan maninggakan
kursi empuk nan salamoko diduduki nyo
Mari kito diskusikan dan pecahkan basamo.Wassalam, M.St.Bangsawan (47 th) Rang Sulik Ayie di Pusri Palembang ----- Original Message ----- From: "Asmardi Arbi" <[EMAIL PROTECTED]> To: "Komunitas MINANGKABAU (Urang Awak) Pertama di Internet (sejak 1993)" <[EMAIL PROTECTED]> Sent: Monday, April 26, 2004 7:02 AM Subject: Re: [EMAIL PROTECTED] Indra J Piliang di Metro TV > > Yth.Dunsanak St.Bangsawan, dan duns.RN kasadonyo. > > Assalamualaikum wr.wb. > > Babicaro soal DPD DKI nan akan mambaok aspirasi urang Minang, ambo > pikie-pikie ado nan awak lupokan salamoko. Bilo koto caliak Calon DPD nan > akan duduak mawakili DKI tu nampak-nampaknyo mereka itu mewakili urang Jawa, > Urang Sunda,urang Batawi dan urang Batak. > Pada hal kecek pak Fazli Jalal dalam salah satu sambutannyo diperesmian > stasiun Suaro Radio Minang di Tangerang tahun lalu, urang Minang di DKI > labiah kurang 4 juta banayaknyo. Bahkan pado waktu itu baliau mangecek > bisa-bisa Gubernur atau paling saketek Wakil Gubernur bisa tapiliah nan > barasa dari Minang. > Jadi apo nan salah diawak urang Minang ko? > Di DKI ko sagalo ado organisasi urang Minang,mulai dari BK3AM, GEBU MINANG , > RUMAH GADANG dan banyak lagi organisasi lokal dan ado pulo SUARO RADIO > MINANG nan bisa maimbau urang Minang di DKI untuak mamiliah wakil urang > awak. > > Sahinggo iko dulu ,mohon maaf sabalunnyo . > > Asmardi Arbi ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
