Ass.
Mamak jo dunsanak kasadonyo,
Saminggu nan lewat ambo dijakarta dijanguak dek mintuo dari kampuang. Kok oleh-oleh
nan di baokan dari kampuang iyo lai lamak, tapi kaba jo barito nan disampaikan
tantang kampuang sangaik sakik ditalingo. Ba a kaindak, Nagari awak nan sajak
dulu kuek adat sarato agamonyo kini lah di rasuoki dek kristenisasi.
Adolah Kabun namo desanyo, talatak dalam wilayah nagari Sisawah dalam kacamatan
Sumpur kudus, Kab. Sawahlunto/Sijunjuang. Desa ko lataknyo iyo jauah dalam rimbo,
7 km dari Muaro Sijunjuang dibateh dek batang Ombilin sahinggo agak taasiang
dari nan namonyo roda oto. Kalau dari kampuang Ambo Padang Laweh dibateh dek
bukik sarato gunuang sakitar 6 jo 7 Km. Tapi samanjak krisis malando nagari
awak, nan desa tu malah manjadi desa mandiri. nan labiah anehnyo kapalo desanyo
lah punyo oto tigo buah dalam rimbo tu. Ruponyo ado tigo jo ampek kaluarga didesa
tu nan dulunyo sumbayang jumaik ka Muaro Sijunjuang, kini sumbayang nyo lah
ka Sawahlunto di hari Ahad. Ruponyo itulah nan tajadi di daerah awak sajak krisis
malando nagari.
Mamak , Alim Ulama, cadiak Pandai sarato dun sanak kasadonyo.
Mandanga kaba co itu iyo lah bak kecek tukang randai,"Manggalagak banak di ubun-ubun,
Gumata tubuah nan satu, lamah sagalo Pasandian". Ba a kaindak, Kok Kristenisasi
iyo lai ta danga sajak dulu, tapi urang awak lai indak tadanga nan babelok co
itu bana. Kini sakali tadango di kampuang awak bana tibonyo.
Jikok dunsanak lai mambaco tulisan ambo ko, mintak tolong ambo bantuan sarato
paratiannyo, generasi awak juo nan ka tarancam.
saminggu nan lewaik ambo lah mangirim surek ka sanak Wilda Norita sahubungan
jo kabanyo mangani MPM, tantang kainginan rang kampuang Ambo nak madirikan
Pesantren/Pusat
pendidikan Islam. Nan dulutu ambo agak ragu manyampaikannyo karano Madrasyah
nan ado dikampuang Ambo tu alun punyo yayasan sarato kapangurusan nan Jaleh
bana. Apo lai rakening di Bank alunlaih ado.
makonyo di kasampatan nanko Ambo saratoan kutipan surek Ambo nan lalu,
nak dapek mamak sarato dunsanak mangatahuinyo.
---------------
>Ambo ko di agiah tugeh dek masyarakat sarato pangurus Madrasyah Tsanawiyah
di kampuang untuk mancari bantuan dana ataupun karajo samo jo yayasan ataupun
lembaga Islam untuak manolong ma iduikkan Madrasyah tu, karano sajak tahun 1994
nan liwaik lah iduik sagan mati pun indak. Kini ko untuak biaya operasional
nyo hanyo sumbangan dari masyarakat barupo bareh ganggam di rumah-rumah.
>Lai kok mungkin manuruik sanak, Ambo mamintak bantuan ka MPM untuak manolong
Madrasyah tu. Adopun kondisi Madrasyah tu kini, 6 buah ruang baraja + 1 ruangan
guru. Tigo dari ruang baraja lah rusak bana. Sadangkan guru nyo kini ado 7 urang
ba pendidikan IKIP Padang jo Tawalib dengan honor Rp. 2500/jam.
>Panduduak sarato pangurusnyo ingin bana Madrasyah tu dijadikan Pesantren jiko
lai ado nan namuah manolong dana ataupun kok lai ado Yayasan/lembaga Islam nan
namuah karajo samo, karano jarang bana ado pusat pendidikan Islam di dakek nagari
ambo tu.
>Alamaik Madrasyah ko:
>Padang Lawas
>Kec. Koto VII
>Kab. Sawahlunto/Sijunjuang
>
>Kironyo coitu dulu kaba dari Ambo.
>
>Wassalam
>Joni
______________________________________________________
Get Your FREE FlashMail Address now at http://www.flashmail.com
It's Free, Easy, & Fun !!!
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
