Agak badakek, tapi balain. 'Samo-samo jalanan'
Hari Kamis nan lapeh (30/3/2000) kami maadokan "Pertunjukan dan Diskusi
Pemusik Jalanan". Tampeknyo di kampus. Cainan pulo ambo babagi curito
tantang itu.
Ide acara tu dek acok mancaliak jo mandanga, dan bacurito jo kawan-kawan nan
manjadi pamusik jalanan (pengamen) tu. Tanyato kawan-kawan tu banyak juo
mambuek lagu, dan rancak-rancak. Isi dan iramanyo macam-macam.
Kabatulan ado dana saketek dari LPM Unand.
Kami undang sakitar 30 urang pamusik jalanan (5 grup) untuak tampil di
kampus. Untuak diskusi, pembicaranyo Agusli Taher (nan mambuek lagu 'Kasiak
Tujuah Muaro dan pemilik Pitunang Rekor) dan Yusril Ad. Sirompak (Pengamat
musik dan wartawan The Jakarta Post).
Indak disangko, 4 jam acara tu, panuah dek mahasiswa jo dosen. Panonton
antusias jo diskusi, apo lai jo lagu-lagu karya pemusik jalanan tu. Memang
kami mintak, kawan-kawan tu mambaokan lagu ciptaan sendiri, bukan lagu orang
lain. Dek mungkin iyo rancak, Da Agus bantuaknyo lai baminat marekam dan
mamproduksi. TVRI juo marancang di acara ma kawan-kawan dari Kelompok
Pemusik Jalanan (KPJ) tu akan ditampilkan. Agak sajuak hati, karano gagasan
mampatamukan KPJ jo produser, pengamat musik dan TVRI lai ado tanggapan.
Bagi ambo, lagu-lagu kawan dari KPJ paralu ditampilkan dan dipublikasikan,
karano lagu Minang nan baredar kini ko indak sandereh musik jo lagunyo.
Musiknyo dijiplak dari musik india atau Indonesia; syair lagunya nan kalamak
dek paruik panyanyi sajo sahinggo malu awak mandanga.
Rang lapau, kok jadi lagu KPJ tu direkam, bali kasetnyo. Bia kawan-kawan tu
indak mangamen sajo sampai tuo.
Ivan.
=================================================
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
