At 8:21 PM -0700 5/14/00, Sjamsir Sjarif wrote:
>Maa Rang Lapau nan Basamo,
>
>Ambo baru dapek talipon dari saurang kawan di Santa Cruz (Eddy
>Pongkapadang) nan bahaso kawan kami banamo Agus dari Lombok tapaso pulang
>karano adiaknyo, anak gadih (20han) diculik urang di kampuangnyo. Gadih
>diota-ota dek duo urang, sudah tu disemba dimasuakkannyo ka oto dan
>dilarikan jo oto tu dari kampuangnyo.
>
>Ruponyo sindikat pancilok urang saroman di Thailand tu alah marajolelo
>sampai-sampai ka kampuang-kampuang kini tu. Kabanyo gadih-gadih kampuang
>nan rancak-rancak tu jadi sasaran sindikat pancilok gadih tu untuak dijua
>dijadikan palacur atau TKW. Adiak Agus ko manuruik Eddypongkapadang memang
>gadih rancak di kampuangnyo.
>
>Hati-hati baranak Gadih.
>
>Salam,
>Mak Ngah
>
>****************************************************************************
>"The real contest now is not so much airplanes, trucks, roadways or ships,
>but who has the best information and who knows how to use it" IBM
>*****************************************************************************��
>�
Alhamdulillah, kami dapek kaba baik dari Lombok. Agus tabang dari Santa
Cruz, California mancari adiaknyo nan diculik urang alah manamukan adiaknyo
kapatang. Sayangnyo adiaknyo alah bangkak-bangkak, kulabu-kulabu,
badarah-darah dan indak diageh makan dalam kurungan panculik di suatu
panginapan di Pulau Sumbawa.
Panculiknyo duo urang pun alah ditangkok polisi. Sayangnyo Polisi di
Sumbawa mintak pitih pulo banyak-banyak untuak itu. Agus alah maagiah
saribu dolar karano sakitu pitihnyo nan ado, tapi polisi Sumbawa mintak
tambah juo lai....
Wakatu Agus mandanga adiaknyo diculik urang, inyo langsuang maninggakan
Santa Cruz tabang dari San Francisco ka Bali taruih ka Lombok. Inyo
langsuang pulang ka rumah urang gaeknyo mamareso dan mandanga carito
kito-kiro sajam baa duduak kajadiannyo. Sudah tu inyo langsuang
mancari-cari kssagalok palosok di Lombok dan Sumbawa.
Sabalun pulang tu isteri Agus mancetak selebaran sabanyak 5000 lembar
untuak dibawo Agus tergesa-gesa nan manyatokan adiaknyo hilang, anak gadih
langkok jo fotonyo. Samantaro tabang ka Indonesia istrinyo mangirim Fax
pulo ka kawannyo di Indonesia. Kawannyo mampabanyak surek selebaran tu 5000
lembar lai. Pambari tahuan tu disebarkannyo di Bali, Lombok dan Sumbawa.
Kabatulan ado saurang anak ketek di Sumbawa nan mancaliak gambar tu,
dicaritokannyo ka Polisi nan akhianyo manamukan oto pancilok tu diparkir di
pakarangan panginapan di Sumbawa tu. Kaduo pancilok ditangkok dan adiak
Agus nan dikuruang di panginapan tu basuo tapi sudah dalam kaadaan nan
manyadiahkan tu.
Jadi, iyo bana hati-hatilah baranak gadih.
Sudah tu kok ado kajadian-kajadian apo-aponyo tanyato alat komunikasi nan
ado di kito saroman Fax, Talipon, Email dapek mambantu gerak cepat jiko ado
antaro kito nan ditimpo kamalangan.
Salam,
Mak Ngah
X____________________________ Sjamsir Sjarif
Indonesian Translator and Cultural Consultant
Tel. (831)-426-1333 Fax (831)-426-8907
Email: [EMAIL PROTECTED]
Web Page: http://www.usindo.net/hambo
************************************************************
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method�dRecord&tbl=1
����������������WEB-EMAIL GRATIS ... @rantaunet.web.id --->
http://mail.rantaunet.web.id
����������������Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
����������������WebPage RantauNet http://www.rantaunet.web.id dan Mailing List
RantauNet
adalah servis dari EEBNET http://eebnet.com, Airland Groups, USA
����������������
