On Tue, 23 May 2000, Sjamsir Sjarif wrote:
> >
> >>Des,
> >>Apo caro awaknyo "Star Anise"?
> >
> >Frankly speaking, ambo sendiri indak tau apo 'star anise' tu, baa lo ka tau
> >caro awaknyo :) Nan ado di kamus: aniseed= adas. Apo ado adas nan bantuak
> >bintang, ogut kurang tau pulo. Mungkin ado sanak lain nan tau?
> >
> >Salam jo maoh,
> >dr
> >
>
> Dalam Bahaso Inggirh ado macam-macam pulo ADAS (atau ADAS MANIS) ko nan
> digolongkannyo dalam "the parsley family":
> anise, aniseed (L. anisum, Gr. aneson, a plant Pimpinella anisum)
> fennel (L. Foeniculum vulgare)
>
> Kaduonyo tu saroman adas manih di awak dan oleh Orang Kamus (Echol-Shadily
> jo Peter Salim) memang diterjemahkan sebagai adas atau adas manis.
>
> Tapi nan ciek (anise) tampaknyo labiah haluih, labiah ketek-ketek dari biji
> padi, dan baunnyo saroman adas manis nan biaso awak pakai di Kampuang. Kok
> ambo kana amak jo uni di rumah dahulu, memang iko nan takana dek ambo nan
> dinamokan adas manis.
>
> Fennel, agak gadang saketek, sagadang biji padi, sagadang biji padi Katiak
> Taram di awak di Ampek Angkek. Agak kareh saketek kalau digigik dan baunnyo
> indak samanih adas manih tu doh.
>
> Sadangkan nan Star Anise ko indak sabantuak jo adas manih awak doh.
>
> "Star Anis" ko baunnyo memang hampia samo bana jo "anise" tu tapi
> bantuaknyo balain. Bintangnyo tu memang saroman bintang anam, tiok sayok
> bintangnyo tu ado pulo babiji. Gadangnyo kiro-kiro sagadang ampu jaari ambo
> tapi layah saroman bintang anam tu. Wakatu alah masak, dan masiak, agak
> kareh, indak bisa ditapuang-bagai doh. Biasonyo ambo umbankan sajo ka
> pariuak kalau mambuek gulai kalio. Warnonyo labiah sirah dari kulik manih
> nan masiak, saroman kulik kayu surian nan alah tuo. Aaah, kiro kiro
> saroman bintang bungo manggih masak.
>
> Mungkin takana di ambo di Kampuang dahulu dinamokan bungo palo (bungonyo,
> bukan buah palo doh), tapi baun nan saroman baun adas manih tu indak sabaun
> doh jo baun buah palo tu. Mungkin Rita nan banyak buah palo jo kulik manih
> di Kampuang labiah tahu tantang itu. Baa tu Ita?
>
> Mak Ngah
--------
Batua Mak Ngah...
Adas manis katiko mudo memang bantuak 'padi' babongkah di ujuang-ujuang
rantiangnyo, setelah tuo tapisah-pisah dan bongkahan tu kambang bantuak
bintang-bintang di langik :-), (tapeknyo bantuak kambang api nan sadang
mekar... caile... hehe),
mungkin itu sababnyo ado urang manyabuik 'star'.
(Walaupun kadang-kadang lah 'rancu' pulo jo jintan. Sabab jintan jo adas
manis samo-samo di pakai untuak bumbu randang, dan bantuaknyo samo-samo
mirip padi.)
Ibu di Kukuban dulu mananam adas manis di halaman samo jo mananam bungo.
Kalau lah masak, lah bantuak padi kuniang, talambek maambiaknyo, lah
rontok se taserak ka tanah.
Tapi kalau nan bantuaknyo sarupo bintang, nan tiok sayok babijo, dan
kulik kareh mirip kayu surian nan alah tuo, nampaknyo nan mak Ngah
mukasuik adolah 'Bungo Lawang'. Ambo ndak tahu pulo baa kok banamo bungo
lawang, tapi kami di Maninjau manyabuiknyo baitu. Bungo Lawang ko nyo
kareh bantuak bungo kariang.
'Tiok sayok bintang biasonyo babijo, dan kalau sayok tu lah marakah,
sahinggo bijonyo lah nampak, tandonyo lah cukuik tuo. (Ambo sendiri
alun pernah pulo maliek baa bantuak pohon 'bungo lawang' ko lai.)
Tapi sayok bintang bungo lawang tu ndak selalu anam, bisa juo tujuah atau
salapan, hanyo sajo kadang-kadang indak sadonyo sayok lai babijo. Ado nan
kosong kincuih sajo.
Bungo lawang ko iyo dimasuakkan ka kalio, atau ka gulai cancang. Tapi di
ambo kadang-kadang ka sup bamasuakkan juo. Sabab rasonyo cocok kalau lah
bacampua jo raso 'kapulago' atau 'garda munggu'.
Ndeh lapa paruik eh..... :-)
alah tu.... mudah-mudahan memang itu nan mak Ngah mukasuik...
salam
murai
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
