At 10:12 AM +0700 5/26/00, ivan wrote:
>Subject: RE: Re: [Rantau-Net] Sedkit saran dari nan mudo ( Pantun rang Mudo)
>
>ralat saketek,
>kok tak kaliru, bukan kandih, tapi kundi.
>jadinyo.
>nan kuriak iyolah kundi
>nan sirah iyolah sago
>nan baiak iyolah budi
>nan indah (endah?) iyolah baso
>Nyiak Sunguik, batanyo ciek. ma nan batua. indah atau endah? Babedo ko lah
>aratinyo. sabab ado gala nan mamakai endah. misanyo, syamsuddin St. Rajo
>Endah, pangarang kaba nan tanamo tu.
>Kecek satangah urang babedo, tapi ambo alu yakin lai.
>
Soal "kundi" lah Mak Ngah katangahkan dalam postiang sabalunyo.
Kaduonyo "endah" jo "indah" sabagai kato Caro Awak memang dipakai dalam
papatah tu.
Angku Anas Nafis dalam "Pribahasa Minangkabau" mandaftarkannyo di duo
tampek di bawah abjad "endah" dan "indah".
"Endah" dan "indah" dalam Caro Awak baitu juo dalam Bahaso Malayu samo
aratinyo jo "indah" Bahaso Indonesia. Dalam Bahaso Indonesia indak dikenal
kato "endah" doh.
Dalam Caro Awak "indah" ado aratinyo ciek lai yaitu paduli, misanyo "Indak
maindahkan kecek Urang Gaeknyo" (indak mampadulikan". Sadangkan dalam
Bahaso Malayu kaduonyo kato "endah" dan "indah" pun dipakai dalam arati
paduli tu juo. Jadi tampak di ambo ado beda pamakaian dalam Bahaso Malayu
jo Caro Awak.
Kasamoan kato "indah" jo "endah" dalam Bahaso Malayu dan Caro Awak tu
mungkin karano dalam "Huruf Malayu" (manuruik Caro Awak) yaitu huruf Arab
nan dimalayukan atau "Huruf Jawi" kato Rang Simananjuang, kato tu ditulih
jo "Alif nun dal ha" dan wakatu mambaconyo tagantuang dari gaya lidah
sipambaco kadang-kadang tabaco "indah" kadang-kadang tabaco "endah"
walaupun dalam vowel (bunyi suaro) Bahaso Arab indak ado bunyi "e" doh.
Bahaso Arab cuma mampunyaoi tigo bunyi suaro (vowel) tu, yaitu
(1) "fatha" (barih ateh, atau "a",
(2) "kasra" (barih bawah, atau "i",
(3) "dhamma" barih dapan atau saroman wau ketek, "u".
dan ado ciek lai tando bunyi nan indak babunyi atau huruf mati, namonyo
"sukun" jo bundaran ketek saroman "buah sukun" awak di Kampuang.
Baitu juo pamindahan bunyi ka lidah urang nan bukan Arab ko tampak pulo
dalam Lidah Jawa nan mambaco "Shalat" manjadi "Sholat" pado hal dalam
Bahaso Arab indak ado voal "o" ko doh.
Dalam Pala Pusako di Minangkabau diasonyo dipakai "Endah" misalnyo dalam
Datuak Rajo Endah atau Sutan Rajo Endah. Baitu juo Katik Endah nan pulang
bakudo tu:
Ramo-ramo si Kumbang Jati
Katik Endah pulang bakudo
Patah tumbuah ilang baganti
Pomle lamo takana juo ... :)
Salam,
Mak Ngah
X____________________________ Sjamsir Sjarif
Indonesian Translator and Cultural Consultant
Tel. (831)-426-1333 Fax (831)-426-8907
Email: [EMAIL PROTECTED]
Web Page: http://www.usindo.net/hambo
************************************************************
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
