At 12:55 PM +0700 6/2/00, Irwandi L. wrote:
>Mamak Lembang Alam nan dianjuang tinggi dijamba gadang.
...
>
>Kamanakan Mamak
>Irwandi St. Iskandar.
>
Maa Angku Irwandi St. Iskandar sarato Rang Lapau nan Basamo,
Mungkin kato "dijamba" tu salah tep.
Ambo raso kato nan dipakai adolah "diambak"
saroman dalam ungkapan atau papatah adat:
"Gadang diambak, tinggi dianjuang"
suatu ungkapan nan diarahkan ka
panghulu nan dihormati anak buahnyo.
Kalau "jamba" aratinyo Hidangan di Pinggan Gadang
nan dimakan duduak basamo sabanyak Anam Urang.
Sajamba aratinyo anam urang duduak makan basamo.
Ado ungkapan atau papatah nan mamakai kato jamba antaro lain:
"Sajamba makan kakinyo"
bisa manyipakkan anam urang sakali bacakak.
"Indak dibawo urang makan sajamba"
aratinyo dikuciakan atau dipanciakan urang.
"Maadoki jamba surang-surang"
mangarajokan karajo surang-surang.
Nan terakhirko, "Maadoki jamba surang-surang"
ambo raso mungkin pulo dapek diinterpretasikan sabagai
tendensi kacobeh urang awak ka arah individualisme.
Kok kurang luruih tolong luruihkan pulo,
tapi jan sampai saluruih sabik lo ... :)
Salam,
Mak Ngah
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
