>From: "Evi" <[EMAIL PROTECTED]>
>Reply-To: [EMAIL PROTECTED]
>To: <[EMAIL PROTECTED]>
>Subject: Re: [Rantau-Net] Hanyo 5 Propinsi Nan Siap Otonomi
>Date: Thu, 4 May 2000 17:13:34 +0700
>
>
> Kalau selama ini yang paling vokal menuntut otomi seluas-luasnya adalah
>Aceh, Riau, dan Irian Jaya - karena provinsi ini perut buminya penuh harta
>karun - sampai mereka berani minta bagian sampai 80%, minimal 60%--
>sebagian orang merasa maklum. Sebab mereka memang kaya tapi rakyat dan
>daerahnya miskin. Jika berpegang pada asas keadilan dan hati nurani,
>prinsip seharusnya adalah: orang yang bisa menghasilkan lebih banyak -
>kekayaannya berlebih - mestinya mendapatkan bagian yang lebih banyak.
>Sedangkan kenyataan prinsip keadilan menjadi permainan politis. Mereka yang
>diatas kertas kaya malah menerima sedikit. Ini persis seperti sabuik
>inyiak ambo dulu--bak ayam mati kelaparan di ateh lumbuang.
Tarimo kasih tanggapan ni Evi, observasi ni Evi cukuik tajam dan ambo
satuju. Namun samantangpun baitu, nan manuruik sigi ambo sakileh nan mambuek
dunsanak awak di Riau, Aceh jo Papua (kapatang lewat kongres mereka lah
manyatokan diri bukan bagian dari Indonesia..masalah baru) tabik suga
sabananyo indak tuntutan untuak labiah makmur dari propinsi lain, tapi bak
kecek ni Evi maruyaknyo kemiskinan (kasus Papua dan Riau) dan represi (Aceh)
di wilayah tsb. Kalau sudah baitu tantu inyo sabuik sagalo jasonyo lai
ditambah pulo tuntutan merdeka. Sadonyo bamuaro dari ketidak mampuan
pemerintah untuak memakmurkan daerah sacaro "equity" karano orientasi
pembangunan (lewat Repelita) adolah pertumbuhan. Jadi paradigmanyo bukan
"untuak tampil beda" tapi untuak "tampil sejajar". Di siko gagalnyo
pemerintah.
Sabananyo awak harus alah manuka tampek tagak dalam membangun, ijan
diharokkan bana ka Migas ko. Dulu lah digalakkan ekspor non migas. Kalau
urang Aceh, Riau, Papua atau Kaltim bisa manjadikan migas-ko sanjato untuak
manaiakkan "posisi tawar"nyo OKlah. Baa di awak, lah jaleh migas indak ado..
alternatif lain alun juo nampak dek ambo lai, kecuali kiriman dari rantau.
Namun untuak ekspor non-migas awak harus bagaua elok-elok.
Sacaro level nasional ikuti ketentuan dunia internasional melalui
regim-regim trade nan ado. WTO, AFTA dll. Untuak di tarimo di sinan tantu
awak indak paralu basikareh jo caro awak doh. Masuaklah issue upah buruh,
demokrasi, product contains, standar produksi, dumping, proteksi dll. Di
siko awak harus batenggang, konsekuensi dari globalisasi di international
trade basingguangan jo isu kedaulatan, sistem nilai dll. Di siko awak harus
bersikap terbuka, toleran, koperatid dst. Dima sektornyo Agroindustri?,
kelautan? parawisata? pendidikan? mari kito cari aka basamo-samo.
Tapi bukankah pendapat daerah tidak hanya berasal dari migas? Bagaimana
dengan Pajak Daerah dan Retribusi Daerah, yang bernama, PBB, IHH, pajak
hotel, juga pajak BBM? Saya tak tahu persis berapa pendapatan asli daerah
Sumbar pertahun dan dari angka-angka 60:40, 70:30, 80:20, angka mana yang
di tunjuk pemda Sumbar.
Diskusi tentang perpajakan-ko menarik sekali ko mah. Alternatif nan
nampaknyo agak mudah namun indak murah doh. Dalam konsep "negara
kesejahteraan" (welfare state) nan contoh akuratnyo adolah negara
Skandinavia (sosialis demokrat) tamasuak Canada. Pajak bisa tinggi tapi
harus diimbangi jo servis pemerintah ka rakyat sacaro optimal. Karano pajak
ko indak uang takuik doh. Inyo adolah harago nan harus dibayian rakyat
untuak hiduik sejahtera. Lai ka mampu pemerintah mengelola uang nan
dipunguik dari rakyat ko sacaro "bijaksana", efisien dan efektif. Kalau ka
hilang atau salah uruih indak tapek pajak ditingkekkan.
Tapi nampaknyo memang masih ado ruang di bidang perpajakan ko nan bisa di
genjot. Namun peningkatan pajak hanyo bisa dilakukan di daerah nan roda
ekonominyo surplus, kalau urang bansaik dipajaki.. kacau ampok. Alun lai
soal sistem pajak (pemungutan, penghitungan, tax return, pertanggungjawaban)
nan harus dibenahi tautamo ditingkek pelaksanaan di lapangan.
Contoh cabang perpajakan nan paliang amburadul pengurusannyo dek awak adolah
masalah perparkiran. Iko hanyo lahan bagi-bagi pitih dek urang nan "punyo"
wilayah parlir, bahkan pengelolaannyo bantuak "mafia". Ado wilayah di Kodya
Padang nan milik urang Piaman, urang Batak, urang Nieh dll. Alhasil sangaik
saketek kontribusinyo ka PAD (Kodya Padang nan ambo tahu). Padahal
potensinyo cukuik menjanjikan. Setidaknyo, mungkin pajak konsumsi nampaknyo
bisa diterai, untuk barang mewah misalnyo (oto, alat elektronik ..dst.dst).
Di babarapo negara maju, debat di parlemen nan paliang paneh (dan
batele-tele) indak masalah politik doh, tapi masalah pajak nan juo sacaro
indak langsuang sangaik kental nuansa politik-nyo. Karano hanyo partai nan
mampu menjamin kesejahteraan rakyaik nan akan populer di Pemilihan Umum.
Kalau diawak takahnyo alun itu ukurannyo lai, masih tradisi, idiologi,
sejarah dll.
wassalam
Parmato Alam
________________________________________________________________________
Get Your Private, Free E-mail from MSN Hotmail at http://www.hotmail.com
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
