Assalamu�alaikum wr.wb.,
Taun 79, katiko ambo baru kabakarajo di parusahaan tampek ambo mamangkua sampai kini,
ambo malalui sabuah proses dalam panarimoan pagawai nan banamo �screening� nan
kudian-kudianko labiah populer jo namo �litsus�. Tantu awak lah kasamo tau nan bahaso
nan disabuik �screening� tu adolah manyiasek lai bara loyal sasaurang (nan kabakarajo
di tampek nan dianggap vital) kabakeh pamarintah. Mako katiko itu talibaiklah ambo
dalam tanyo jawab nan labiah kurang nan masih lai takana di ambo sampai kini,
diantarono tantang Pancasila.
Dibaaso awakkan labiah kurang sarupo iko:
+ Baa manuruik pandapek angku tantang Pancasila sabagai falsafah iduik bangso?
- Rancak sajo, indak baa doh.
+ Kok nyampang ado urang nan baniaik nak marubah Pancasila ko sabagai dasar nagara ko
+baa kiro-kiro gak ati angku?
- Tantu paralu kito dangaan pulo apo alasan urang nan baniaik tu sarato joa
kadigantino.
+ Jadi manuruik angku lai buliah Pancasilako diganti?
- Kalau sapakaik umaik nagariko nak marubah, lai pulo masuak diaka nan kapanggantinotu
raso ati ambo indak baa pulo doh.
+ (Muko barubah bangih) Indak tampak diangku nan bahaso Pancasilako sangaik sakti? Nan
+bahaso Pancasilako alah tabukti sangaik ampuah, sangaik kuaik mampasatuan nagari awak
+Indonesiako? Nan bahaso Pancasilako alah baulang kali manyalamaikan bangsoko dari
+kahancuran?
- Sabanano bana pak nan saktiko baa? Batanyo ambo saketek. Nan manyalamaikan bangso
kito apo bukan Tuhan pak? Allah Nan Maha Kuaso, apo bukan itu?
+ Iyo bodoh angku, parcuma sajo sikola tinggi-tinggi. Kan jaleh-jaleh dalam
+Pancasilatu ado sila nan partamu, �Ke Tuhanan Yang Maha Esa�. Tuhan itu nan
+manyalamaikan bangso awak. Dan Tuhan itu ado dalam Pancasila awak, lai jaleh.
- O jadi baitu pak.(jadi batampek talatak Tuhanko)
+ Jadi kaangku pabiaan juo kok nyampang ado urang nak manuka Pancasilako?
- Kalau diambo iyo tagantuang joa kadigantino pak, kok jo nan labiah elok baa mangko
kaindak?
+ Kok jo kuminih bagai misalno, baa gak ati?
- Iyo indak doh
+ Kok jo ekstrim kanan bagai agakno?
- Nama nan ekstrim kanan ko go pak?
+ Golongan Islam fanatik nan ingin manang surang, nan ingin nak mangganti Pancasila jo
+hukum Islam, baa gak ati?
- Kalau iyo bana jo hukum Islam kadigantino iyo indak baa diambo doh. Sabab ustad
mangecekan Islamko rahmat bagi saluruah alam dan ambo picayo itu.
+ (Mambulalang) A iyo babahayo urang sarupo angku ko. Indak jaleh nan bahaso panduduak
+nagariko babagai macam jinihno, babagai macam bangsono, babagai macam agamono. Kalau
+awak mangecekan hukum Islam nan rancak, urang Kristen kamangecekan pulo hukum Kristen
+nan elok, urang Hindu kamangecekan pulo hukum Hindu nan elok, kan kakacau nagariko.
+Indak jaleh diangkutu? Jadi Pancasila kolah nan jadi parakek awak dibumi Nusantarako,
+nan mampasatuan awak, nan kamangayomi masiang-masiang awak sainggo indak ado fihak
+nan basilanteh angan satu samo lain. Lai jaleh.
- O jadi baitu pak.
+ Kini ambo tanyo, paralu ndak Pancasila ko dipupuak taruih supayo langgeng sampai ari
+kiamaik?
- Buliah sajo pak. Tapi baa kok nyampang di anak cucu awak isuak basuo ado nan labiah
elok pado Pancasilako kan indak kadapek awak manjamin. Apo lai sampai ari kiamaik, kan
barek amek tangguang jawab awak tu pak.
+ Musti awak usaokan. Musti awak siapkan sajak kini jan sampai ado urang nan barani
+manggisia-gisia Pancasila ko. Jadi musti bana awak pupuak.
- Itu iyo antahlah tu pak. Joa dipupuak pak?
+ Jo diamalkan. Pancasilatu indak buliah hanyo dimuluik sajo tapi diamalkan.
- O jadi baitu pak. (baa golah maamalkan Pancasila ko)
+ Jadi baa, kok nyampang ado anak-anak awak kudian nak mangganti Pancasilako sabagai
+falsafah bangso buliah awak pabiaan?
- Kalau isuak nan kadisabuik, katiko awak alah tuo-tuo tantu tasarah kamareka. Kalau
di mareka lai ado alasan nan jaleh untuak mangganti, dan sapakaik pulono nan
kamanggantitu kabaa pulo kecek awak pak. Dilawan kok dicampakan mareka tungkek awak
biko.
+ E kapunduang lai jaleh diangku.(mambulaliak lo baliak). Musti awak tanai sajak kini,
+Jan sampai anak cucu awak mangkhianati Pancasilatu biko. Musti awak ajaan sajak
+kini-kini makna Pancasilatu. Lai jaleh.
- O jadi baitu pak.
+ Kambuik di angku sajak cako iyo baitu ka iyo baitu tapi indak ciek juo nan jaleh doh.
- Kan lai apak nan kamanjalehan.
Kini, sasudah 20 taun labiah, nampak-nampak juo diambo roman urang nan tukang
sikurining tu lai. Lah samo nampak lo diawak kini iyo sabana santiang falsafahko nan
alah mandidik umaik nagariko sampai sarupo iko kini moral jo budayono.
Wallahu a�lam
Wassalamu�alaikum wr.wb.,
Lembang Alam
------------------------------------------------------------
Free Web-email ---> http://mail.rantaunet.web.id
Minangkabau WebPortal ---> http://www.rantaunet.web.id
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
