Diskusi soal danau Maninjau mambuek kami taingek jo danau Singkarak. Kabatulan
kami ko urang dari Solok (tapeknyo Koto Anau), mako satiok urang Solok pastilah
punyo kenangan yo Danau Singkarak. Danau Singkarak terkenal yo ikan bilihnyo,
nan lamak dimasak manjadi palai atau uwok bada. Salain tu, di saputa Danau
Singkarak ado jalan raya jo jalan kereta api. Katiko kereta api lewat di Danau
Singkarak, iyo romantis kesan dan pemandangan alam jadinyo. Taingek-ingek dimato
kaindahan Danau Singkarak.
Tapi bukan soal ikan bilih dan kereta api tu tu nan kami caritokan. Tapi maso
depan Danau Singkarak nan mamprihatinkan. Sajak PLTA Singkarak baoperasi,
permukaan aia danau Singkarak alah turun sampai sameter. Kasusnyo ko mirip yo
Danau Toba di Sumut, nan juo alah samakin dangka sajak PLTA dibangun pulo di
situ. Danau Toba kini alah mulai ditinggakan turih asiang, indak manarik lai
doh. Mungkin baitu pulo nasib Danau Singkarak nanti. Urang PLTA mambantah
turunnyo muko aia Danau Singkarak karano PLTA-nyo. Tapi, urang panduduak di situ
nan dapek manjadi saksi mato. Sabalun ado PLTA Singkarak, muko aia Danau tetap
tinggi. Kini? Alah susuik. Barangkali kalau sacaro ilmiah, panyebabnyo bukan
PLTA sajo barangkali, tapi mungkin juo ndek panabangan hutan di bukik-bukik
sakaliliang Danau Singkarak. Caliaklah sanak, bukik-bukik sakaliliang Danau
Singkarak tampak gundua.
Antahlah sanak, ba-a nasib Danau Singkarak sarato Danau Maninjau nanti ko.
Apokah hanyo tingga kenangan sajo?
Wassalam
Rinaldi Munir
Bandung
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
