Assalamu'alaikum wr.wb.,
Maa angku Patiah,
Sapanjang nan angku sampaian batua. Indak buliah awak manambah-nambah dalam baugamo
sabab bisa-bisa jatuah awak ka bid'ah sadangkan bid'ah tu bahaso surauno tamasuak
'dhalalah', dan 'dhalalah' itu 'finnaar', aratino sasuatu nan di buek-buek dalam
urusan agamotu bid'ah atau tambah-tambahan namono, bid'ah tu 'sasek', dan sasektu
baresiko masuak 'narako'.
Namun ado hal-hal nan memang iyo paralu juo 'raso' jo 'pareso' dipakai. Dalam bahaso
surau nan agak tinggi 'ijtihad' namono, aratino, dalil nan basumber dari Quran jo
hadis indak ado, tapi pakaro paralu juo di putuih. Dalam baijtihadko, kalau memang iyo
paralu diijtihadkan, kalau batua dapek nilai duo, duo pahalono, pahalo ijtihad sarato
pahalo amal. Kalau salah, dapek juo pahalo ciek yoitu untuak urusan ijtihadno sajo,
sadang amalno indak dapek pahalo.
Raso jo paresoko acok juo basuo dalam agamo. Contoh;
Bagi laki-laki, nan namono aurat tu samo tau juo awak, ano sajak dari pusek sampai ka
bateh lutuik. Sarat sah sumbayang, tatutuik aurat. Tapi lai kalanteh angan kito
kiro-kiro pai sumbayang jumaaik mamakai sarawa nan sakadar manutuik bateh cako sajo?
Sacaro aturan, kalau kabapacik kabateh nan paralu sajo, kan indak ado paraluno awak
mamakai kain labiah pado itu? Disiko bapakai lo baliak, raso co pareso, nan di tarimo
aka masarakaik sacaro umum. Kok nyampang ado urang sakadar gagah-gagahan sajo
mangarajoan nan sarupo itu agak batanyo-tanyo awak baa urangko?
Baa kiro-kiro pandapek Patiah?
Wassalamu'alaikum wr.wb.,
Lembang Alam
>Ambo ingin sato ciek, sabanano ambo indak urang nan ahli jo ugamo Islam.
>
>Manuruik nan tau ambo, uluak tu wajib untuak shalat. Indak ado katantuan
>untuak nan lainno doh. Dek biaso mazhab Syafei maambiak nan paliang barek,
>nan paliang safe, nan paliang elok. Sahinggo banyak amalan nan di-takiki
>untuak bauluak dalam palaksanaannyo.
>
>Kalau mangecek hukum rasono ...... indak rancak jo perasaan doh. Sabok hukum
>tu biasonyo punyo minimum dan maksimum. Mampunyoi bateh nan jaleh.
>
>Sering ustaz dalam baceramah mangecekan paliang rancak. Tapi disiko sering
>manjadian kerancuan, kadang malah dianggap hasrus baitu, kalau indak indak
>sah. Fenomena patantangan kaum tuo jo kaum muda nan dipuak Bulando dulu,
>malah dalam hal nan sunat-sunat.
>
>Nan sabano syara' tu indak buliah dikurangi dan indak buliah ditukuak.
>Bid'ah adolah haram hukumnyo. Jadi ado garis bateh minimumnyo. Kadang dek
>awak ingin mancapai nan paliang rancak, nampak agamo tu barek bana. Pado hal
>dalam Firman, (kiro) agama itu tidak memberatkan, tapi mengarahkan manusia
>ke kedamaian dunia akhirat.
>
>Kini nan jadi patanyoan, baa hukumnyo urang nan manjalankan sesuatu diateh
>garih minimum nan harus dilaksanakan. Kalau standard biasonyo, diateh garis
>minimum, atau alah malalmpaui persyaratan minimum, alah buliah tu.
>
>Baa pak ustaz atau Bu ustazzah nan ado dibalerongko. Sabok jan taambek amal
>awak dek cuma lapeh uluak. Dek disyaratkan : kato2 "sarancakno" alias
>"sebaiknya". Tolonglah kami nan indak dari urang dalam ugamono.
>
>Wass.ww
>
>St.P
------------------------------------------------------------
Free Web-email ---> http://mail.rantaunet.web.id
Minangkabau WebPortal ---> http://www.rantaunet.web.id
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
