Ass.ww
Lai angku Lembang
Mandanga kasadoan nan angku Lembang katangahan, kok dikiro jo dipadani iyo
lai masuak ka kiro awak nan basmo. Namun baitu, mancaliak contoh ka nan
sudah, baraja ka nan lalu juo manaliti titah nan batarimo. Iyo rasono payah
awak bapacik ka raso jo pareso nangko. Raso jo pareso ko iyo sangat
tagantuang jo situasi/kondisi dan tompaik sarato adaik istiadat satompaik.
Baliak ka contoh nan dari Sutan sabanta ko. Iyo ndak talok diawak sumbayang
Jumat hanyo manutuik Aurat dari pusek sampai lutuik sajo.
Tapi kalau agak kritis saketek, kalau di Papua sinan mungkin bisa.
Ditompaik/dakek kantua ambo, agak jangga rasono urang sumbayang jumat bakain
saruang, dek mayoritas bakameja jo ba pintalon.
Kok dikampuang dulu jangga rasono urang sumbayang Jumat pakai pintalon, dek
itu pakaian urang Bulando. Apo lai padusi sumbayang basarawa panjang, ondeh
mak, bisa dikecekgan urang "indak bataratik" jadinyo.
Tapi di Jakarta banyak urang padusi basumbayang babaju panjang dan basarawa
galembong, apo iko salah??????????
Jikok buliah untuak contoh nan kaduo :
Kaum tuo jo kaum mudo saisuak, bisa diasuang Bulando untuak baparang, dek
karano nan surang ba kunut jo ba-Bismilah, dan nan ciek dikecek-an indak
mamakai (padohal indak di baco karehan).
Banyak contoh ka nan lalu mamak. Ambo cuma kurang satuju, untuak mambuek
agamo ko barek untuak dilaksanagan. Cubo banyak nan mansyaratkan untuak
baibadah harus bauluak, untuak mambaco Al-Quran harus bauluak, untuak bado'a
harus bauluak dst. Kok sampik dunia nanti, nan sabanano agamo tu indak
mampasulik umat doh, tapi manjadigan umat bahagia dunia walakhirat.
Sampai ado nan mangecekgan, urang Islam tu tabagi 73 golongan, ciek nan
masuak sarugo????
Baliak saketek kalingkungan awak. Ado pertanyaan nan lucu, wakatu mbo di SMA
dulu. Surang kawan saklas nan padusi batanyo ka guru agamo sbb: " Pak,
bagaimana hukumnya orang perempuan pakai celana dalam?" Patamu saluruh nan
ado diklas basorak ..........wwweeeeerrrrr ......hahahaaaaaaa.
Patanyoan nantun kan dek ditanyoan di Bukittinggi datahun 70 an, dinagari
nan jarang bana urang padusi basarawa panjang. Disampiang itu dikampuang
awak sarawa panjang tu banyak nan maucapkan sarawa dalam. Ruponyo " Celana
panjang indak samo jo celana dalam doh"
Jikok dirantang panjang iyo rancak, tapi eloklah dipapendek sajo, sabok awak
alah samo maklum. Jadi jikok awak mangecekan peraturan/syara' iyo sampai
disinan, ado batehno, nan lain indak paraturan doh, tapi raso jo pareso nan
cako.
Kalau sampai masuak ijtihat ....... Itulah masuak ka syara' tumah, tantu
harus jaleh ijtihat sia dan kapasitas nan baijtihat tu sampai dima.
Akhirul kata : Ambo bapandapek, bisa sajo bado'a walau lah lapeh uluak, dek
indak ado syarat syah doa jo uluak doh. Baramal lah awak sasuai jo pandapek
dan kamampuan awak. Labiah elok laksanaan apo nan dapek, apo nan bisa ta
capai, apo nan bisa saat kini. Kalau badoa harus bauluak, barek bana dek
urang kampuang, nan harus bauluak ka sungai diari malam nan dingin.
Tolong pak kiai baa nan sabananyo.
Sampai disiko dulu yo angku Lembang, ambo susun jari nan sapuluah, maaf
jikok ado kato nan salah.
Wass.ww
St.P
-----Original Message-----
From: [EMAIL PROTECTED] [mailto:[EMAIL PROTECTED]]
On Behalf Of muhammad dafiq saib
Sent: Tuesday, September 05, 2000 9:15 AM
To: [EMAIL PROTECTED]
Subject: RE: [Rantau-Net] Takantuik - Batas amal atau batas syarat sah
sholat?
Assalamu'alaikum wr.wb.,
Maa angku Patiah,
Sapanjang nan angku sampaian batua. Indak buliah awak manambah-nambah dalam
baugamo sabab bisa-bisa jatuah awak ka bid'ah sadangkan bid'ah tu bahaso
surauno tamasuak 'dhalalah', dan 'dhalalah' itu 'finnaar', aratino sasuatu
nan di buek-buek dalam urusan agamotu bid'ah atau tambah-tambahan namono,
bid'ah tu 'sasek', dan sasektu baresiko masuak 'narako'.
Namun ado hal-hal nan memang iyo paralu juo 'raso' jo 'pareso' dipakai.
Dalam bahaso surau nan agak tinggi 'ijtihad' namono, aratino, dalil nan
basumber dari Quran jo hadis indak ado, tapi pakaro paralu juo di putuih.
Dalam baijtihadko, kalau memang iyo paralu diijtihadkan, kalau batua dapek
nilai duo, duo pahalono, pahalo ijtihad sarato pahalo amal. Kalau salah,
dapek juo pahalo ciek yoitu untuak urusan ijtihadno sajo, sadang amalno
indak dapek pahalo.
Raso jo paresoko acok juo basuo dalam agamo. Contoh;
Bagi laki-laki, nan namono aurat tu samo tau juo awak, ano sajak dari pusek
sampai ka bateh lutuik. Sarat sah sumbayang, tatutuik aurat. Tapi lai
kalanteh angan kito kiro-kiro pai sumbayang jumaaik mamakai sarawa nan
sakadar manutuik bateh cako sajo? Sacaro aturan, kalau kabapacik kabateh nan
paralu sajo, kan indak ado paraluno awak mamakai kain labiah pado itu?
Disiko bapakai lo baliak, raso co pareso, nan di tarimo aka masarakaik
sacaro umum. Kok nyampang ado urang sakadar gagah-gagahan sajo mangarajoan
nan sarupo itu agak batanyo-tanyo awak baa urangko?
Baa kiro-kiro pandapek Patiah?
Wassalamu'alaikum wr.wb.,
Lembang Alam
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
