Iko, ambo cubo manyalin ka not balok dari lague "kampuang nan
jauah di mato" dengan "Digital Orchestrastor Pro"
Mudah-mudahan bisa dikirim melalui Attach.
Sakadar mancubo.
----- Original Message -----
Sent: Thursday, September 28, 2000
5:57 PM
Subject: Re: Dari Balai Kota Padang
(was Re: [RantauNet] Pelabuhan Muaro])
Assalamu Alaikum, Rang Lapau!
Iyo angek pulo ati mandanga urang di kantua Pak Wali sato di rantau
net ko. Lah ado pulo Sanak nan mangamukokan harapan untuak maso datang.
Ambo sato pulo maaminkan.
Ambo iyo sanang pulo mandanga Sanak Anida nan suko jo lagu Minang
tu. Ambo ado pulo kainginan nan tasuruak ciek. (Mungkin kok alah tuo-tuo
sarupo ko, ado-ado sajo nan takana!) Sabananyo ambo sadang mamikiakan
proyek untuak manulih/mambuek not balok untuak kasado lagu Minang nan
ado. Iko tantu iyo gadang karajonyo. Tapi, samuik pun bisa mambuek bukik
dari kasiak nan diangkuiknyo ciek-ciek. Ambo mangaku ambo iyo indak tau
apo-apo tantangan panulisan not tu, tapi gunonyo gadang bana. Lagu
Minang kan bisa dimainkan dek sia sajo, jo alaik musik apo sajo.
Kabatulan anak ambo main biola. Sarik bana mancari lagu awak nan dalam
not universal tu. Dek itulah takana dek ambo nak mancubo-cubo mancari
jalan untuak itu. Ado gagasan, Sanak?
Sakitu sajo dari ambo.
Ismet
----dikuduang------
