Mak Lembang:
Nomor duo, nan sederhana no sen panjawab tanyo kamanakan Rudy, sungai di
bawah tanah antaro danau Maninjau jo danau Singkarak itu indak ado doh.
Kaduo danauko "tajadi" jo fenomena alam nan balain. Danau Maninjau adolah
kawah gunuang api purba (saisuak bana) nan alah mati. Di bagian dasar danau
masih tasimpan siso-siso muntahan gunuang api tu sarupo balerang, nan kecek
Z. Chaniago, sakali samusin dalam sataun naik kateh jadi tubo, mambunuhi
ikan-ikan danau. Naiakno tubotu dek pusaran angin dari ateh nan mangacau aia
danau ko.
Bantuak kawahko rancak bana kalau dicaliak dari ateh Puncak Lawang atau dari
Ambun Pagi.>>>>
Mak Lembang Yth.
Soal Danau Maninjau ko ambo jadi tertarik karano batambah pangatahuan ciek
untuk anak bujang ambo. Ambo tertarik jo bahasan Mamak bahwa danau tu
saisuaknyo adolah kawah gunuang marapi purba.
Manuruik pandapek Ambo, mungkin bana bahwa lubang nan mewadahi aie danau itu
mungkin sajo adolah lubang nan ditinggakan gunuang marapi purba tapi dari
maa aienyo datang yang kemudian mambantuak danau adolah soal lain. Bahwa ado
urang mangatokan, sarupo kecek Rudy, bahwa di bawah danau maninjau dan
singkarak ado sungai,manuruik ambo, indak saluruhnyo salah. Satahu ambo aie
nan mambantuak danau, rawa, atau mato aie tu biasonyo barasa dari Akuifer
(lapisan tanah manganduang aie) nan kalau dari peta paruik bumi tampak
sambuang manyambuang dan bakelok-kelok manyarupoi sungai. Cubo Mamak
paratikan peta Sumatera muloi dari Aceh. Di sapanjang ketinggian 1000-1500
dari permukaan lauik (sepanjang gugusan bukit Barisan) disitu tadapek danau
Lauttawar, turun saketek basuo kito jo Danau Toba, sudah tu d.maninjau,
d.singkarak, d.dibawah dan d.diateh,d.kerinci, d.tes, dan nan paliang
selatan adolah d. Rahau nan talatak di propinsi Lampung. Jikok danau-danau
tu awak hubuangkan jo garih-garih akan tabantuak suatu pola sarupo pola
sungai. Jadi ambo curiga bahwa aie nan bakumpua di danau-danua nan ambo
sabuikan tadi barasa dari satu Akuifer. Sadangkan lubang nan bisa
menyababkan aie Akuifer muncul ke permukaan bisa sajo bacam-macam
panyababnyo, mulo dari erosi tanah sehinggo mancapai permukaan Akuifer,
Akuifer dan mambelok ka ateh tapek basuo di bakeh kapundan marapai purba
atau bagesesrnyo tanah di paruik bumi sahinggi jalur Akuifer tu patah dan
taputuih lalu aienyo mancari aliran lain ka permukaan lewat retakan nan
tajadi tu. Tapi nan terakhir biasonyo mambantuak mato aie nan di sabuik
Artesis, jadi bukan danau.
Itulah hasil kiro-kiro ambo nan indak mangarati ilmu Geologi, Mak. Talabiah
tak kurang mohon maaf.
Wassalam,
Evi
Ps. Untuak da Gindo.
Akhirnyo sampai juo Evi di Lapau, da.
<<<Danau Singkarak tajadi dek tanah rangkah kalau dibaaso awakkan. Bumi nan
awak pijakko amuah rangkah, amuah bageser, amuah taban, dek karano akibaik
"garak jo garik" nan ado di dalam paruik bumi.>>>
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
