Assalamu'alaikum wr.wb.,
Nan dikecekan Rangkayo Eviko, bahaso ado suatu pola bakatarusan sajak mulo di ujuang
utara pulau Sumatera sampai kaujuang salatan, nan sambuang basambuang dalam pagunungan
Bukik Barisan, batua bana. Didalam kajian geologi 'jalur' sapanjang ampia 2000 km ko
disabuik jo jalur patahan Semangko. Namoko namo sabuikan sajo, manyalang namo taluak
Semangko di daerah Lampuang. Disabuik patahan dek karano pulau Sumatera awaktu patah
sapanjang jalur cakotu manjadi duo bagian dan masiang-masiang bageser balawan arah.
Sacaro sederhana, kecek urang geologi, bumi awakko tabantuak dari banyak
lempengan-lempengan karak bumi nan tarapuang di ateh massa caia isi paruik bumi nan
disabuik magma. Lempengan-lempenganko disabuik lempengan tektonik. Sacaro labiah
sederhana pulo lai, isi paruik bumiko ditampek nan relatif agak lunak manakan kateh,
manggeser lempengan di atehno kaarah ma sajo. Lempengan nan tageserko di tampek-tampek
tatantu balago jo lempengan nan lain. Di tampek lempengan balagotu nan!
ciek (nan labiah plastis) manunjam kabawah, nan lain patah-patah dan taangkek kateh.
Daerah tampek lempeng balagoko biaso ditandoi dek rangkaian gunuang api. Baitu pulo
dek karano asia lagotu, daerahko rawan bana taradok gampo nan disabuik gampo tektonik
Pulau Sumatera awaktu, barado di tampek ajang lago lempengan tadi, lempeng samudera
India nan tibo dari arah barat / selatan balago jo lempeng kontinen disabalah
utara/timur.
Kini, baa pulo caro aia takumpua jo basirkulasi. Aia lauik, naiak kateh jadi awan,
turun baliak kabumi jadi ujan, mangalir diateh muko bumi sabagai sungai, sabagian
marasok kabawah ditampek nan mungkinno marasok, media porous samisal pasia. Walaupun
barado didalam tanah, sifaik aia ko tatap mancari kasatimbangan hidrostatis, salalu
turun kabawah salamo indak ado nan maalangino. A nan bisa maalangi? Tantu media nan
indak porous. Media sarupo itu bisa sajo barupo batuan sarupo tanah liek, batu kapua
nan masif atau bisa juo kadang-kadang bidang patahan antaro batu nan ciek jo batu nan
lain. Aia nan alah takumpua diapik media non porous di tampek nan relatif karandahan
disabuik akuifer. Kalau dibor ditampekko manyamburek aia kateh (artesis) dek takanan
hidrostatis (lo baliak) dari tampek nan labiah tinggi.
Panjang amek carito ambo, kasimpulanno sinlah, antaro Maninjau jo Singkarak, banyak
patahan-patahan tadi nan kamaalangi aia antaro kaduo danautu baubungan. Kaduo danauko
mampunyoi sistim panampungan aiano masiang-masiang. Kaduo danauko talatak diateh
elevasi nan indak samo tinggi, danau Maninjau sakitar 100 - 200m diateh muko lauik,
danau Singkarak sakitar 400m diateh muko lauik. Kok no baubungan (bejana baubungan)
tantu lah kadaulu kariang nan labiah tinggi.
Samantaro alah katajawab tanyo rangkayo?
Wassalamu'alaikum wr.wb.,
Lembang Alam
>From: "Evi" <[EMAIL PROTECTED]>
>Soal Danau Maninjau ko ambo jadi tertarik karano batambah pangatahuan ciek
>untuk anak bujang ambo. Ambo tertarik jo bahasan Mamak bahwa danau tu
>saisuaknyo adolah kawah gunuang marapi purba.
>
>
>Manuruik pandapek Ambo, mungkin bana bahwa lubang nan mewadahi aie danau itu
>mungkin sajo adolah lubang nan ditinggakan gunuang marapi purba tapi dari
>maa aienyo datang yang kemudian mambantuak danau adolah soal lain. Bahwa ado
>urang mangatokan, sarupo kecek Rudy, bahwa di bawah danau maninjau dan
>singkarak ado sungai,manuruik ambo, indak saluruhnyo salah. Satahu ambo aie
>nan mambantuak danau, rawa, atau mato aie tu biasonyo barasa dari Akuifer
>(lapisan tanah manganduang aie) nan kalau dari peta paruik bumi tampak
>sambuang manyambuang dan bakelok-kelok manyarupoi sungai. Cubo Mamak
>paratikan peta Sumatera muloi dari Aceh. Di sapanjang ketinggian 1000-1500
>dari permukaan lauik (sepanjang gugusan bukit Barisan) disitu tadapek danau
>Lauttawar, turun saketek basuo kito jo Danau Toba, sudah tu d.maninjau,
>d.singkarak, d.dibawah dan d.diateh,d.kerinci, d.tes, dan nan paliang
>selatan adolah d. Rahau nan talatak di propinsi Lampung. Jikok danau-danau
>tu awak hubuangkan jo garih-garih akan tabantuak suatu pola sarupo pola
>sungai. Jadi ambo curiga bahwa aie nan bakumpua di danau-danua nan ambo
>sabuikan tadi barasa dari satu Akuifer. Sadangkan lubang nan bisa
>menyababkan aie Akuifer muncul ke permukaan bisa sajo bacam-macam
>panyababnyo, mulo dari erosi tanah sehinggo mancapai permukaan Akuifer,
>Akuifer dan mambelok ka ateh tapek basuo di bakeh kapundan marapai purba
>atau bagesesrnyo tanah di paruik bumi sahinggi jalur Akuifer tu patah dan
>taputuih lalu aienyo mancari aliran lain ka permukaan lewat retakan nan
>tajadi tu. Tapi nan terakhir biasonyo mambantuak mato aie nan di sabuik
>Artesis, jadi bukan danau.
>
>Itulah hasil kiro-kiro ambo nan indak mangarati ilmu Geologi, Mak. Talabiah
>tak kurang mohon maaf.
>
>
>Wassalam,
>
>
>Evi
------------------------------------------------------------
Free Web-email ---> http://mail.rantaunet.web.id
Minangkabau WebPortal ---> http://www.rantaunet.web.id
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
