Assalamualaikum Wr. Wb.
Basusun jari nan sapuluah mohon maaf kapado mamak-mamak, bapak-bapak
kasadonyo karano ambo malewakan surek tabuka ko di palantako. Ambo sangaik
maarokan uluran tangan jo bantuan mamak-mamak jo bapak-bapak nan lai punyo
akses ka intansi takaik saparti ka PLN khususnyo atau ka Pemda pado umumnyo.
Baiklah, ambo caritokan saketek latar balakang dari dusun ambo ko.
Dusun iko banamo Bukik Duo - desa Titih - kecamatan Baso - kabupaten Agam.
Dusun iko talatak di sakitar 1 Km dari Bendungan atau kolam (resrvoir) dari
PLTA Batang Agam. PLTA Batang Agam iko dibangun pado taun 1972, dengan
kapasitas � 10 MW.
Pokok permasaalahannyo nan ingin ambo kamukokan adolah indak masuaknyo
listrik ka dusun amboko, padahal PLTA iko badiri indak jauh dari dusun nan
saharusnyo mandapek manfaat dari hasia listrik iko (tantu indak perai sajo
tu, dibaia pulolah bak cando di desa lain tu).
Alah babarapokali diajukan permohonan, nan ado baru ukua-kaukua sajo.
Sakadar manghibur kok lai kamasuak, sampai kini alah tigo kali diukua alun
juo lai nampak tando-tando listrik iko kadimasuakan.Kok ado tiang tapancang
mungkin lai agak sanag pulo hati masyarakat dusun ambo ko, samo sakali hanyo
janji-janji antah pabilo kajadi kanyataan.Sajak dari PLTA kadibangun sampai
kini, hanyo janji-janji muluk sajo nan kami dapekan. Ambo liek balakangan
iko kasabaran masyarakat alah mulai bakurang, ambo khawatir kok ka negatif
akibatnyo baiko. Mangko taniaik di ambo manulih surek tabuka ko, sakali lai
ambo maarokan mamak-mamak, bapak-bapak di palantako nan bisa manolong
mamparlancar parmohonan masyarakat ambo iko capek takabulkan.
Wassalam,
Amrizal Intan Bandaro.
Anak Dusun ditapian megahnya PLTA Batang Agam, tapi kalam (gelap).
RantauNet http://www.rantaunet.com
================================================Mendaftar atau berhenti menerima
RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
================================================WebPage RantauNet dan Mailing List
RantauNet adalah
servis dari EEBNET http://eebnet.com, Airland Groups, USA
================================================
