Assalamualikumwarahmatllahiwabarakatuh.
Mohon ma'af kapado mamak-mamak, Uda-uda, Uni-uni dipalanta ko jiko tulisan
ambo ko agak manggaduah sagetek.
Ma'af, Batanyo ambo ciek ka mamak-mamak dipalanta ko, apo surek ambo dulu
(nasib sebuah dusun) nan alah direply oleh Administrator rantau net ka
anggota rantaunet, lai koh sampai ka PLN Bukik Tinggi ?.
Kok lai sampai, tarimo kasih banyak ambo ucapkan kapado mamak-mamak
dipalantako, lai taraso pulo kahadiran rantaunet iko oleh rakyaik kecil.
Babarapo minggu lalu ambo dapek patunjuak dari salah seorang mamak dipalanta
ko tantang ba'a caro-caro mauruih listrik untuak dusun ambo. Baliau
manunjuakan babarapo langkah, langkah partamo iolah mambao motor-motor desa
ka PLN, langkah kaduo manggunokan LBH.Langkah katigo datangi DPRD atau PLN
sacaro barami-rami jo LSM, langkah kampek minta surek dukungan ka Rantaunet.
Langkah partamo alah ambo cubo pado tanggal 01/06/01 kapatangko, yaitu
kakantua PLN rantiang Baso-Kab. Agam.Kami batamu jo kapalo rantiang PLN tu,
Alah kami kecekan kasadonyo masalah kami. Kecek kapalo rantiang tu akan
disurvei baliak dusun amboko, sasuai jo parmohonan kami nan alah masuak.Tim
survei akan diturunkan sakitar tanggal 05/06/01.
Seandainyo kapalo rantiang ko babohong baliak sarupo jo Ir Januar Muin dulu
mambujuak urang kampuang jo janjinyo yaitu desa Titih akan perai mambaia
listrik. Apo kanyataannyo kini jo musajik-musajik tatap mambaia listrik.
Alah ambo usahokan pulo langkah kaduo. Pailah ambo ka Padang manamui
Muhammad Hasbi MH untuak mananyokan ba'a pulo caronyo untuak mandapekan
palayanan dari LBH ko, kecek Uda Hasbi ko daftarkan sajolah ka Universitas
Muhammadiyah Bukik Tinggi, tamui dekan Fakultas Hukum dan sampaikan
masaalahnyo. Iko ambo rancanakan pai tgl 01/07/01 kalau respon PLN alun ado
juo lai.
Tapi kabatulan Uda Hasbi ko ado Form untuak ketertiban hukum dari kehakiman,
alah ambo isi pulo ciek form itu , ambo tulih keluhan tantang listrik iko.
Kalau indak ado juo respon dari PLN dalam bulan iko akan baliau masuakan
surek tu.
Atau langkah nan lain bisa pulo ditampuah kecek baliau yaitu dimasukan ka
koran masaalah iko.
Disiko ambo nan alun parenah lai, ba'a pulo caro mamuek dikoran masalah iko
dan apo-apo syaratnyo.
Sakalilai ambo mintak tolong ka mamak-mamak nan cadiak pandai dipalanta ko
untuk manunjuaki jalan apo sajo nan ka ambo tampuah, maklumlah ambo urang
ketek baru sagalo banyak nan indak tahu.
Kok ado mamak di palanta ko nan wartawan, ambo minta tolong ciek untuak
dimuekan dikoran masalah kami ko.Bialah ambo sabagai panangguang jawab isi
barito tu nanti.
Jikok ado ambo nan alah talonsong tolong dipinteh, kok anyuik tolong
dibubuik.
Wassalam,
Amrizal.
NDC Plant
Kotak Pos 50 Duri - Riau.
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
