iko ambo cubo pulo saketek manngomentari satangtan acara di sanayan nan ma agiah gala ka sutiyoso, manuruik ambo itulah kanyataan dari pamimpin urang awak nan ado dijakarta ambo tapaso mauruik dado sajo, tantang parangai buruak sutiyoso ko alah manjadi rasio umum bagi urang di jakarta. kini nampaknyo awak alah ilang pangana bak kecek urang tuo awak dikampuang nan tajadi kini adolah " andie babali cadiak bajua" kabaa juo lai....secaro politik urang awak minang alah tagadai kaurang jawa...kini indak adolai nan bisa dibanggakan..................
----- Original Message ----- From: Bandaro Sent: Monday, May 21, 2001 7:55 AM To: RANTAUNET; Sjamsir Sjarif Subject: [Fwd: Gala Tituler, [RE: [RantauNet] Acara Gebu Minang di Senaya
Dari Sjamsir "mak Ngah" Sjarif, Santa Cruz, CA
Sjamsir Sjarif wrote:
>
> [Maa Angku Bandaro, Ambo indak dapek mancckan ka Lapau, karano
> takuruang di lua. Kok paralu, buliah diporowaikkan ka Rantaunet]
>
> Gala Tituler.
>
> Bana, ambo lai sato mancaliak-caliak di Bawah Jam Gadang
> wakatu parayaan malewakan Nyonya Hartini Sukarno tu manjadi
> "Bundo Kanduang". Tahunnyo tahun 1965, harinyo kiro-kiro
> duo-tigo hari manjalang tanggal 30 September 1965....
>
> Hari tu rancak tapi ado rasonyo ka galok-galok saketek.
> Tapi ado saurang "tukang sarang hari" di sekitar pentas tu
> nan mancaliak-caliak maningadah-mangingadah, maambuih-ambuih
> ka ateh langik untuak manulak hujan. Tampaknyo lai barakaik
> ambuih-ambuihnyo tu, karano indak ado hujan dalam upacara
> tu doh. Cuma sasudah itu ado hujan-badai-nasional nan
> mangkatutuih di seluruh nusantara.
>
> Ambo sambia manggeleng-gelengkan kapalo sajo mancaliak sacaro
> sinis galak sengeng jo kawan-kawan; mangaa lah urang goaa.
> Maklumlah wakatu itu urang awak indak dapek mek mangecek doh.
>
> Wakatu itu ado babarapo mantari kabinet dalam rombongan tu
> nan rasonyo saroman "lari" dari Jakarta "balinduang" di
> Bukittinggi dan bisuaknyo taruih ka Medan. Mungkin karano
> apo nan "ka tajadi" tanggal 30 September 1965 tu alah
> "tabaun" dek mareka. Rasonyo kalau ambo indak salah ado
> mantari Subandrio bagai, ambo lupo sia-sia dalam rombongan tu
> karano upacara tu takalinduang jo "Upacara Bundo Kanduang" tu.
> (Untuak nan ingin mariset upacara tu, bisa dicaliak surek kaba
> daerah manjalang akhia September 1965 tu). Tampaknyo upacara
> "palarian" dan "manggalai Bundo Kanduang" tu sabagai kamoflase
> pangaliahkan pandangan sajo dari situasi "angek" di Jakarta,
> suatu bisua nasional/internasional nan mambosek tanggal
> 30 September tu....
>
> Masih tabayang di mato ambo "Bundo Kanduang" Hartini tu
> manari lenso malenggok-lenggok di ateh pentas nan dipasang di
> suduik lapangan sabalah ka ujuang di lapangan Bawah Jam Gadang,
> tampek nan indah dengan latar bulakang Gunuang Marapi.
> Salah satu lagu nan malatar bulakangi Tari Lenso tu nan populer
> di kalangan elit politik wakatu itu adolah kalau indak salah
> namonyo Lagu Tari Lenso "Sukarno Ria" nan kalau indak salah
> ado salah satu ungkapan lagu tu:
>
> Mari kita begembira,
> bergembira semua ...
>
> Sudah tu antah apo lai lupo ambo, tapi iramanyo sarato
> Lenggang Lenggok "Bundo Kanduang" tu masih masih ado
> tabayang jaleh di banak ambo. Bagi nan suko mariset
> album teks lagu-lagu nasional, bisa dicari dalam
> arsip-arsip perpustakaan barangkali.
>
> Sudah tu, "Bundo Kanduang" Hartini tu indak di sabuik-sabuik
> lai, mungkin indak tadanga dek ambo caritonyo
> karano ambo pun lah tabang jauah maninggakan Kampuang Halaman
> salamo satu generasi. Atau, mungkin pulo gala "Bundo Kanduang"
> tu lah mangirok pulo ka langik tinggi jo "Dang Tuangku" nyo....
>
> Sekedar kenangan, satu snapshot, sebingkah kisah
> data budaya-campur-aduk-politik dari Bawah Jam Gadang
> hampir empat dekade yang lalu.
>
> Salam,
> Inyiak Sunguik
> (Ditapi Riah nan Badabua, 20 Mei 2001)
>
> At 09:28 PM 5/18/01 +0700, Bandaro wrote:
> >
> >
> >Iko kaan model orba saisuak ; agiah - maagiah gala, angkek maangkek.
> >Si Sutiyoso pulo lai, "urang lah batando".
> >Apolah tujuanno ko ha ???
> >Apokoh iyo ado efekno kawak ???
> >
> >Lai takana samaso saisuak ( 60an??):
> > Gala "Bunduang" (*) dihadiahkan ka Hartini (bini Sukarno).
> >Laikolah efekno ka awak ???
> >
> X_________________________Sjamsir Sjarif
> Indonesian Translator and Cultural Consultant
> http://www.usindo.net/hambo
> Tel (831)-426-1333 Fax (831)-426-8907
> ~~~~~~~~~~~~~~~~~~~~~~~~~~~~~~~~~~~~~~~~
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
|
