2/2 Paralunyo masalah iko kito bincangkan�! Assalamu'alaikum wr.wb. Pado umumnyo urang-urang Islam nan mampicayoi bahaso Nabi Isa tu iyo masih iduik diateh langik mampakuek asumsi mareka jo apo nan dikutip dek Ulama-Ulama Islam dari ayaik-ayaik Al-Qur�an 18:25, dimano mareka maagiah contoh bahaso memang ado urang-urang dipabiakan lalok dek Tuhan salamo 300-309 taun. Ikolah nan mareka jadikan sabagai pijakan dan landasan bahaso iduiknyo Nabi Isa diateh langik tu , indak paralu diherankan, karano Allah tu Mahakuaso ateh sagalo sasuatu. Jadi kayakinan mareka tantang urang-urang nan takuruang dalam guo Al-Kahfi tu adolah sabana-bana talalok salamo tigoratuih tahun labiah� Salamo itu mareka indak jago-jago do. Sasudah tigoratuih taun barulah mareka tu tajago dari lalok atau pingsannyo. Apokah itu mungkin dan tamakan dek aka awak? Bukankah urang nan pingsan atau lalok sakian lamo tu , pasti mambutuhkan makan dan minum untuak kalangsuangan iduiknyo? Apokah itu mungkin bilo ado urang nan talalok labiah dari sahari duo , dan inyo indak jago , bisa juo batahan untuak iduik padohal inyo indak makan jo minum untuak kalangsuangan iduiknyo labiah lanjuik? Bukankah makan dan minum adolah sarana dan kabutuhan untuak kahidupan juo? Sayang sakali, manga dek indak mareka batanyo sajo ka dotor-dotor, apokah mungkin urang bisa batahan iduik atau pingsan bataun-taun, malabiahi dari umua manusia nan normal pado umumnyo sabalun mampicayoi hal nan mustahil iko? Ado juo dikalangan urang-urang nan mampicayoi Nabi Isa tu masih iduik juo sampai kini diateh langik, dilua bumi bahkan mungkin di planet Mars atau Venus misalnyo indak makan dan indak minum disababkan dek ka Mahakuasaan Allah. Allah tu Mahakuaso dan bisa babuek sakahendakNyo. Dan indak ado nan mustahil dek Allah . Baitu juo maiduikkan urang mati, atau mampadiakan urang iduik taruih dan kamahakuasoan Allah tu dilua jangkauan manusia untuak mamahaminyo. Sayang sakali, mareka memahamkan kamahakuasoan Allah tu dengan kayakinan bahaso bagi Allah samo sakali indak ado nan mustahil untuak dipabuekNyo. Mareka saakan-akan lupo bahaso Allah manatapkan suatu hukum alam nan disabuik jo sunatullah dan sabagaimano dikecekkan dek Tuhan, indak ado parubahahan sunatullah nan dipababuek dek Tuhan tu do. Kalaulah saandainyo memang ado parubahan sunatullah tu dipabuek dek Tuhan , tantu sajo alam samesta dan juo tatasurya ko akan kacau-balau , dan Allah tantu sajo indak kamungkin mangacau-balaukan alam samesta ko. Sasungguahnyo awak indak bisa mambayangkan baa jadinyo dunia ko, kalau saandainyo matoari indak tabik bisuak pagi atau�. Matoari tabik atau kalua dari tampek tabanamnyo. Urang-urang nan alah mati marangkak kalua dari kubua, dan diduikkan baliak�.Allah tantu sajo mahakuaso untuak babuek sarupo itu, namun Inyo pasti indak kamalakukanNyo, karano balawannan jo sunnatulah dan katetapan nan dipabuekNyo Inyo sandiri. Kalaulah kito cubo juo taruih nak baandai-andai untuak manatapkan iduiknyo nabi Isa tu ,tantulah kalau iyo inyo masih iduik pastilah iduiknyo di ateh dunia awakko juo, bumi awakko, namun indak ado awak nan pernah basuo jo baliau atau ado urang mancaritokan pangalamannyo basuo jo Nabi Isa tu. Jadi kalau awak indak pernah basuo jo Nabi Isa dan indak ado juo urang mancaritokan pangalamannyo basuo jo Nabi Isa , dengan dasar apo pulo awak bisa mangecekkan baliau tu masih iduik juo? Kalau indak ado urang nan pernah basuo jo nabi Isa dalam keadaan iduik dizaman awakko , dibumi awakko , iko adolah suatu bukti manunjuakkan bahaso Nabi Isa tu memang alah mati dan indak iduik lai� Pandapek dari Ulama-Ulama awak nan mangecekkan bahaso Nabi Isa tu masih dalam keadaan talalok dan alun dijagokan dek Tuhan lai, hanyolah didasarkan mareka kapado Al-Qur�an 3: 193 pada kato �tawaffa� nan mareka artikan jo wafat atau mati, namun bilo,kato tawaffako basangkuik pauik jo Nabi Isa pado ayaik nan lain, mareka artikan jo �tidua atau �lalok��padohal kaduo kato tawaffa ko samo-samo babunyi wafat. Dan iko indak mungkin, diciek ayaik mareka kecekkan Isa tu alun wafat, atau tatidua , namun kato yang samo pado ayaik nan lain mareka artikan jo wafat atau mati. Hal iko samakin manunjuakkan adonyo kontradisinyo karangko caro bapikia mareka. Dan iko indak mangherankan awak dan tantu sajo pamahaman Islam nan mareka anuik indak talok manangkih hujah-hujjah urang Kristen. Sabananyo bukan Nabi Isa tu nan lalok, tapi Islam mareka tu nan sadang talalok, tantu sajo indak ado punyo kakuatan malawan Kristen nan jago. Sasungguahnyo Nabi Isa tu indak iduik lai, tapi marekalah nan maiduikkan Nabi Isa tu dalam khayalan dan imajinasi mareka. Wassalamu'alaikum wr.wb. Indra Intansati RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
