Ass.ww
Batua tu sanak Damres.
Ujan ameh dinagari urang, ujan batu dinagari awak. Dulu uwak disuruah tatap
mamiliah kampuang awak. Tapi kini iyo nampaknyo labiah elok mamiliah ujan
ameh, walau mambaia jo ameh pulo.
Masaalah preman ko iyo agak sakik kapalo awak maindakannyo. Diambo nan juo
banyak pai batugh kalua, iyo tapaso maraso curiga taruih ka urang lain. Apo
nan dikecekan urang labiah elok dicari pembandingnyo, walau ka bajalan agak
jauah. Untuak jarak jauah kadang ambo labiah sanang jo bis dari pado jo
taksi, nan dibelokanno ditangah jalan, kok malang bisa dibantainyo dari
kuduak.
Kalau ka bapaian dinagari awak, iyo sarancakno indak usah mamakai jaso urang
lain nan indak paralu bana. Bao barang-barang nan bisa dijinjiang surang
sajo.
Wass.ww
-----Original Message-----
From: [EMAIL PROTECTED] [mailto:[EMAIL PROTECTED]]
On Behalf Of Damres Uker
Sent: Thursday, August 23, 2001 12:33 PM
To: [EMAIL PROTECTED]
Subject: RE: [RantauNet] MimbarMinang.com - Beritamemalukanprilakupejabat
sumbar
Sabananyo paremanko iyo lah manjamur indak di Padang sajo. Tapi saluruh
masyarakai Indonesia nan bantuak itu. Ambo juo ado pangalaman dari singapur
baliak ka rumah anak bini di Bangkahulu. Katiko di singapur walau pitih abih
untuak taksi dan panginapan tapi ati ko sanang mangaluakannyo.
Pas sampai di Batam, taraso bana nagari awak ko indak basopansantun bantuak
di nagari urang. Baru sajo kito kalua dari terminal ferry (Sekupang) tas
awak ko lah dielo urang. Kamaa ikua awak pai diikuiknyo pulo. Iyo ngeri kito
di buek nyo. Macam-macam nan ditanyonyo, mulai dari supir taksi, dan ado
pulo nan sakedar nak maota mancari kawan (tapi ujuang-ujuangnyo) maajak
minum, sampai lalok dirumahnyo kalau kito amua (gratis keceknyo). Urangnyo
indak hanyo urang awak sajo, tapi sagalo suku.
Lah lapeh dari kajaran urang di ferry Batam, bisuaknyo ambo ka Jambi jo
ferry juo.
Baru sampai di Kuala Tungkal, kajadian nan samo tajadi pulo. Ongkos Tungkal
Jambi hanyo Rp15.000,-, Tapi ambo harus bayar Rp 115.000,-. Iko karano urang
loket (Manila Jaya) di tungkal itu tau ambo nak ka Bengkulu. Jadi keceknyo
oto inyoko punyo jalur langsuang jo oto nan ka Bengkulu (kerjasama
keceknyo).Padohal ongkos ka Bangkulu Rp.
65.000,- sajo
Lah sampai di Jambi ambu diturunkannyo di muko loket IMI, dan hari lah
maghrib, disitu ado
pulo taksi gelap (urang awak), nan maantaan ambo ka loket nan ka Bengkulu
sekitar satu
kilometer sajo. Jarak sadakek itu
inyo minta Rp. 30.000,- (inyo batigo diateh oto itu). Mulonyo ambo indak
amua mambayia tapi dipksonyo. Dan loket itu bukan loket nan ka Bangkulu tapi
hanyo sampai di jalan lintas sajo.
Jadi kalau soal pangua mamangua ko iyo lah tajadi di saluruah nagari, mulai
dari ateh sampai ka bawah. Indak pandang bulu. Apo urang kampuang atau urang
lain, di kota gadang atau ketek, samo sajo. Itulah pangalaman ambo pulang
dari Australia babarapo bulan nan lalu. Jadi nan paralu dek urang awak kini
hanyo ciek yaitu "pitih".
Padahal kalau dipikia-pikia pitih nan abih dari Batam sampai ke Bangkulu
indak sabanyak nan abih di Singapur. Tapi perasaan kito iyo sabana taganggu,
mulai raso takuik, marah, kesal, banci dan sagalo parasaan nan indak elok.
Sadiah kito mancaliak parangai urang urang ko.
Cubolah dek sanak saudaro sakali-sakali pai manggunokan angkutan umum ko,
baa bana kahidupan nantajadi disitu. Padohal umumnyo masyarakai awak
mengandalkan jaso angkutan umum dan palayanan umum ko. Maa tau para pejabat
masalah iko. Mereka tu kan kalau pai-pai pakai pesawat terbang dan pelayanan
kelas satu. Kalau di nagari urang palayanan umum ko nnn manjadi nomor satu,
baa dek dunsanak tu, iyo tabaliak kaji kito kan??
Wassallam,
Damres
At 03:56 PM 20/08/2001 +0700, nizarwan wrote:
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
