Assalamu'alaikum WW
Ambo bialah ndak galak do Kanda Firdaus.. tatap cool jo senyum manis sajo...
:-))
Segi positif dari ambo, baa kalau Sanak Rijal iko kito promosikan jadi ketua
atau pimpinan dari team penggerak "rantau-net dalam hal nan nyato" indak
hanyo di dunia maya sajo... dek performa dari Sanak Rijal iko tampanyo iyo
langkok bana, idealis indak diragukan lai, kamauan full speed panuah bana,
kareh hati indak ado nan mamatahkan, ka turun-tangan kok dibaco dari
tulisannyo iyo amuah bana, pendidikan ambo raso memadai, intelektualitas
padek bana, soal agamo wallahualam bissawab namun takilek lai pulo, kok soal
bacarito atau sifat persuasif-nyo dari ota nyo bisa dinilai lah, kok
pandangan ka muko (perfektif) ambo raso lai luas dan berbobot... apo lai nan
kurang??...
Mungkin kini awak alias kito bisa mamulai baliak usao-usao nan salamo iko
indak ado penggeraknyo dan mungkin juo bisa mambuek Sanak Rijal iko bisa
maujudkan idealisnyo dan idealis kito di rantaunet nan salamo iko bajalan
baensuik-ensuik...
Ka saluruah adidunsanak nan lain , Mak Sati, Mak Ban, Nyiak Sunguik, Ajo
Duta, Ustadz Khairi, Bunda Ben, Uni Des, Ustadz Pudin "rang pasaman", Kanda
Hendra, Uni Evi, Kanda Elthaf, Uni Rita,Bapaknda Erwin, Uda Afrizal, Kanda
Dedi N, Sanak Ari, Sanak Daniel, Dinda Yeni sarato adidunsanak nan lain
nan indak ambo sabuik namo sarato gala, rasonyo itulah usulan ambo , dan
ambo raso kito bisa samo manarimonyo...
Dan tanggapak dan pandangan adidunsanak ambo mohon karano bak kecek papatah
urang tuo-tuo, basilang kayu dalam tungku mako apo ndak-nyo nyalo..
Wassalam
Z Chaniago - Palai Rinuak
"mungkin hanya dengan kata-kata bisa membagi suka dan duka"
dari salah satu lagu karangan Sam Bimbo
======================================================================
Alam Takambang Jadi Guru
======================================================================
>From: Firdaus Ibrahim <[EMAIL PROTECTED]>
>
>Tagalak gadang ambo mambaco turo-turo adiak mbo ko.
>Hmmmm... sabana kritis.
>Ado nan batua dari kritikan adiak-adiak nan masih
>idealis ko, tapi indak sadonyo batua.
>
>Makonyo kalau masuak karumah urang, awak basimanih
>dulu, ijan urek lihia tu di karehkan.
>
>Iko carito dari mbo saketek nan masih ambo ingek walau
>ambo panah lamo absen di RN.
>Di RN ko awak indak ma-ota sajo doh diak.
>
>Awak panah saweran mambantu sanak-sanak awak nan kanai
>musibah di kampuang. Nan ambo tahu di Sijunjuang dan
>musibah banjir di Padang. Awak panah ma-agiah pandapek
>dari warga RN ka Gaduang Bagonjong di Padang tu (Gub),
>nan ma-antakan langsuang Mak Sati.
>Rantaunet-fund juo ado anak asuah nan sadang sikola di
>Padang, dll.
>
>Jadi kok ado rasaki nan balabiah, bisa di kontak Mak
>Sati atau Mak Bandaro untuak kegiatan awak tu. Kalau
>ingin mambantu musajik nan sadang dibangun Mak Sati
>masih manunggu uluran tangan awak-awak.
>
>Awak disiko juo ba-silahturahmi. Jadi masuak kategori
>untuak mambuek sasamo minang kompak. Ma-a tau ado
>informasi nan sangaik baguno dek awak nan dilewakan di
>siko. Kok ado partamuan Rantaunet... datang dih.
>
>Manganai manutuik pelajaran agamo indak harus di IAIN
>sajo doh diak. Lai tau adiak jo Uda Ustad Khairi
>Yusuf. Kok adiak hebat jo bidang agamo dan duniawi
>tantu bisa tambah mantap yo ndak ?
>
>Jadi indak usahlah di karehkan juo urek lihia tu.
>Ambo partamo masuak dulupun alah elok-elok kanai
>kipang dek Mak Jusfiq nan lelo-lelo tu, tapi ambo
>usahokan tatok "cool". Jadi liek dululah suok kida dan
>danga ota urang dulu... kok ado nan sasuai jo awak...
>satolah maota.
>Indak karugi bana doh kapalo tu dingin doh diak.
>
>Ba-a sabab... urang bisa manilai sia (atau level) awak
>jo caro awak mengecek yo ndak ?
>
>Wassalam.
>Firdaus MG.
>
>--- Muhammad Rijal <[EMAIL PROTECTED]> wrote:
> > Ado tambahan dari ambo saketek.....
> > Batua urang awak minang ko indak kompak.....Ota
> > sajonyo nan gadang surang-surang ( walaupun indak
> > kasadonyo )....
> > Caliak sajolah banyak nan maagiah tau inyo alah
> > sukses kiniko....inyo alah hebat kiniko....dima di
> > amerika ambo disiko kiniko.....dima di jerman ambo
> > disiko kiniko....atau sabagainyo....
> > Tapi giliran manyumbang tanago, fikiran atau
> > harato......abih ogah kasadonyo.....ilang puncak
> > iduang kasadongyo.....mode iko nan banyak urang awak
> > tuh....mangkritik urang katuju bana dek
> > nyo....giliran karajo....abih rematik
> > kasadonyo......
> > Mangecek paliang santiang kasadonyo.....iko
> > baiko...itu baitu......
>
>
>__________________________________________________
>Do You Yahoo!?
>Get email alerts & NEW webcam video instant messaging with Yahoo! Messenger
>http://im.yahoo.com
>
>RantauNet http://www.rantaunet.com
>
>Isikan data keanggotaan anda di http://www.rantaunet.com/register.php3
>===============================================
>Mendaftar atau berhenti menerima RantauNet Mailing List di
>http://www.rantaunet.com/subscribe.php3
>
>ATAU Kirimkan email
>Ke/To: [EMAIL PROTECTED]
>Isi email/Messages, ketik pada baris/kolom pertama:
>-mendaftar--> subscribe rantau-net [email_anda]
>-berhenti----> unsubscribe rantau-net [email_anda]
>Keterangan: [email_anda] = isikan alamat email anda tanpa tanda kurung
>===============================================
_________________________________________________________________
Get your FREE download of MSN Explorer at http://explorer.msn.com/intl.asp
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
