Ass.Wr.Wb
Manuruik ambo indak baa bagai Sanak Benny sato do....iko khan bukan masalah
urang per-urang, tapi masalah awak basamo nan maraso lai paduli......
Mengenai usalan sanak Benny tuh, ambo iyo sabana suai tuh....mungkin iyo
sarancaknyo di bantuak organisasi Real di tiok-tiok daerah dimana anggota
nan tagabuang di milist ko barado.....
Koq di Jkt, dibantuak pulo lah di Jkt, Koq di Riau di bantuak pulo lah di
Riau tuh, Koq di Lua Nagari di bantua pulo di Lua nagari tuh, tapi tetap
manjadikan Milist Rantaunet untuak komunikasi dan informasi nan paguno
lainnyo.....
Karano dengan adonyo organisasi real ko, akan labiah banyak nan bisa awak
pabuek dari pado sekedar maota-ota di dunia maya ko......kalau di dunia maya
ko bisa juo awak saliang babagi informasi atau lainnyo yang posisitf , namun
tantunyo indak ka sarancak kalau ado organisasi realnyo......dan awak harus
ingek juo, indak kasadonyo generasi sarato urang minang nan bisa bagabuang
di milist ko......mungkin inyo indak mangarati internet bagai, mungkin inyo
alun tau internet bagai, atau alah tau tapi indak punyo komputer, atau indak
ado warnet bagai di tampeknyo dan berbagai hal lainnyo yang indak
mamungkinkan urang-urang minang lainnyo untuak bagabuang di rantau net
ko.....
Jadi kalau hanyo di Milist ko sajo, berarti alun mawakili secara keseluruhan
urang-2 minang, sadangkan nan urang minang tuh khan indak nan ado di milist
ko sajo do, sadangkan urang-2 nan bapotensi tuh khan indak yang di milist ko
sajo, sadonyo bisa bapotensi dan sadonyo bisa berpatisipasi sasuai jo
kemampuannyo surang-surang.....khan nan rang tuo dahulu alah manyabuikkan :
"Nan Buto paambuih lasuang, nan pakak palapeh badie, nan lumpuah panggarao
ayam dan yang binguang suruh-suruahan"
Jadi dengan adonyo organisasi real, mungkin akan labiah banyak yang bisa
ikuik berperan dan berpatisipasi......mungkin nan cadiak jo fikirannyo, nan
kuek jo tanagonyo, nan kayo jo haratonyo, dan nan bagak untuak jadi
keamanan, sarato peran lainnyo yang mungkin bisa di mainkan sasuai jo
kemampuan surang-2.
Disampiang tuh dengan adonyo organisai real ko, mungkin nan tadinyo rang
minang tapacah-pacah bisa disatukan.....
Bisa di caliak kiniko....ko sumbangan dan dana ka kampuang tuh taruih lai
ado di kirim dari parantauan....apokah itu sumbangan bencan alam,
pembangunan mesjid, kelaparan atau nan lainnyo.....minimal nyo sataun
sakali....tapeknyo hari lebaran.....cuma khan urang-urang tuh alah
takalompok berdasarkan daerah asalnyo.....nan payokumbuah alah sibuk jo
payokumbuahnyo, nan b.tinggi alah sibuk jo b.tinggi nyo, nan solok,
b.sangkar, padang, pariaman pun baitu juo......
Dan juo cieklai.....manuruik ambo, apokah dari sumbangan berupa materil itu
cukuik untuak mambantu urang di kampuang, ambo raso alun, karano kalau itu
sajo nan awak sumbangkan, samo sajo awak jo maagiah ikan ka kampuang,
samantaro panciang jo teori caro manangkok ikan tuh indak pernah awak
agiahkan do....sahinggo kalau ikan ka di agiah....bara kasadang .....dan
bilo masonyo urang-2 awak ko ka bisa mandiri, dan manyalasaikan masalah
surang......
Dan bilo masonyo Ranah Minang ka bisa menghasilkan tokoh-tokoh dahulu nan
selalu awak bangga-banggakan.....
sarato bilo kah Batang Tarandam Tuh Ka Tabangkik.......?
Manuruik ambo indak mungkin Batang Tarandam tuh ka tabangkik, kalau yang
bausaho hanyo segelintiran urang......
Walaupun yang segelintiran tuh....adolah urang-2 hebat atau urang-2
tapandang ( Katanya..... )...
Hanyo dek basamo-samolah mako masalah tuh akan capek ka tasalasaian.....kan
pepatah alah manyabuik. "Duduak surang, basampik sampik, Duduak basamo
balapang lapang"
Makonyo dengan ado nyo organisasi real ko, aspirasi akan labiah mudah
tasalurkan.....dan mungkin akan mambuek awak labiah kompak di rantau
ko.....dan akan mambuek silahturahmi rang minang ko akan labiah
arek.....Indak ado lai rang B.tinggi, indak ado lai rang Payo, indak ado lai
rang sangka....atau nan lainnyo.....tapi yang ado hanyo satu.....yaitu "Rang
Awak" , apopun sukunyo dan dari manopun inyo datang, pokoknyo lai dari
sumatera barat.....berarti dunsanak dan berarti inyo adolah urang awak.....
Sagitu sajo dari ambo nyo.....iko hanyo pandapek ambo, indak ado makasuik
maagiah ceramah bagai doo ( jaan ado pulo beko dan salah sangko )....karano
ambo apolah di bandiang jo urang-urang nan ado di palanta ko yang banyak
bakumpua Pakar-2 dari berbagai macam latar belakang, sadangkan ambo hanyo
seorang Fakir nyo, nan masih harus banyak baraja dan baguru jo alam nan
takambang.....
Wassallam,
> assalammualaikum wr.wb.
>
> sabalunnyo ambo minta maaf, kalau saandainyo ambo turuik ikuik campua pulo
masalahko ko..
>
> ambo yakin, indak ado sorangpun di rantau net ko yg punyo niek untuk
babuek sakalamak paruik se di milist ko do, tapi mungkin caro dari uda/uni
se yg babeda-beda..
>
> ambo tamasuak urang yg tabuka' jo masukan, dan ambo indak parnah mamandang
dari sia datangnyo masukan tu do, baiek dari yg ketek atau yg gadang, dan
ambo juo indak parnah mamandang profesi urang, talabiah tingkek
pandidikannyo ataupun "level", karano manuruik ambo itu sangaik "sara" dan
bisa manyingguang "puncak kada" urang..
> kalau awak sadar, masih banyak urang2 awak yg indak sabaruntuang uda/uni
disiko yg bisa mangicok pandidikan tinggi, apokah itu indak buliah maagiah
pandapek disiko?
>
> kalaupun salah atau kasa pandapek urang tu, cubo tanggapi dengan caro yg
labiah "bamoral", indak pulo paralu awak ikuik2 mengecek suman urang tu do,
alah samo pulo awak, jo urang tu mah..
> cubo agiah kritik yg elok, dan ambo raso, pasti urang tu ka manarimo, dan
kalau paralu ka mangaluaan "kasam", indak paralu di posting ka milist,
cukuik ka email pribadi, manuruik ambo itu labiah sopan dan indak mambuek
milist ko manjadi ajang bacakak se do..
>
> manuruik ambo, talapeh dari sopan atau indaknyo caro panyampaian uda Rizal
tu, mungkin ado batuanyo, awak cubo ambia sisi positif nyo sajo yg
negatifnyo awak buang, indak pulo awak paralu mampakecekan urang tu dimuko
urang rami, malu awak..
> mungkin, uda Rizal alun bisa mancaliak contoh kongkrit pagerakan milist ko
lai, baitu pulo ambo, alangkah baieknyo kalau uda/uni yg labiah "senior"
untuk manarangkan baliak ba'a subananyo milist kito ko, buliah adiak2 yg
baru2 ko mangarati pulo saketek, dan ambo raso, indak ado salahnyo, kalau
memang paralu, uda/uni yg labiah senior bisa saketek "memanfaatkan" samangat
idealis dan kreatifitas yg dipunyoi adiak2 yg labiah mudo ko, bia tasalurkan
snek, dan indak mati coitu se do di milist ko..
>
> kalau ambo buliah maambiak contoh, yg paralu kongkritnyo, misalkan soal
"Kristenisasi di Minangkabau", kalau masalahko cuma di otakan di lapau se,
indak kasalasai-salasai masalahko do, iko jaleh2 harus diambiak tindakan
konkritnyo, kalau cuma kritikan lewat email/surek ka gubernur, ambo raso
mungkin ka dianggap angin lalu se kritikan tu nyo..
>
> kalau ambo buliah mausulkan, karano anggota Rantau-Net ko alah lumayan
banyak, ba'a kalau saandainyo, dibantuak sabuah organisasi "real" (yg
sifatnya sukarela dan dibuek parwakilan2nyo untuak satiok daerah/negara), yg
tujuannyo untuak menyikapi satiok perkembangan yg tajadi di Minangkabau, dan
di milist Rantau-Net, buliah agak "mancakau" pulo saketek milist ko...
>
> mungkin sagitu se dulu dari ambo, ambo mohon maaf yg sebesar-besarnyo
kalau saandainyo ado salah2 kecek dari ambo..
>
> wassalam,
> benny yustim
>
> --
>
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
