Assalammualaikum wr.wb.
sabalunnyo ambo batarimo kasih banyak, atas tanggapan positif dari uda-uda jo uni-uni
disiko, tarutamo uda Bandaro dan uda Rizal..
(.......ambo kuduang pulo snek.......)
>
>AB:
> Tujuan miling list Rantaunet ko lah ado di "Sekapur Sirih"
> silahkan caliak di burando (homepage) Rantaunet.
> Apo nan katangah dek Benny ( gala sia garan ???) sabana idealis,
> batua, padek, ambo dan sanak nan lain pasti satuju dan mandukuang.
> Apo nan katangah dek Benny io itulah nan harus wak lakukan.
>
> Cuma .......... nah iko ikuano nan indak lamak.
> Babarapo kendala :
> 1. Nan sato disiko banyak nan mamakai "plat sirah", alias
> manumpang jo bendi kantua. Wakatu untuak manyilau balerong
> Rn ko banyak nan indak saratuh persen kontinyius, banyak
> nan basambiagan.
> Nan plat hitam, dari rumah, ado babarapo dan indak pulo
> kasadono 100% maadok ka isi posting.
> 2. Nan paliang PANTIANG.
> Indak ado nan "sempat" manjadi moderator.
> Babarapo buah pikiran nan dipalegakan ado nan "masak",
> nan bisa dimanpaatkan bagi Pemda atau badan / organisasi.
> Untuak itu marilah salah saurang diantaro kito, diharokgan
> bisa maluangkan wakatu untuak manjadi moderator.
>
BY:
Tarimo kasih banyak ambo sampaikan ateh panjalehan uda Bandaro, dan ambo cukuik
mangarati kendala yang diadoi anggota milist kito ko, yang punyo kasibukan
masiang-masiang di bidangnyo, dan manuruik ambo, itu bisa kito maklumi basamo, mungkin
itu pulo yg bisa kito jadian kakuatan dari milist ko.
Cubo uda Bandaro jo uda/uni bayangkan, saandainyo kito bisa mangumpuakan dan
mamanfaatkan pamikiran2 dari uda-uda jo uni-uni yg ado di milist ko, yg nota bene
adalah ahli dibidangnyo masiang-masiang, ambo optimis, pasti milist ko akan maju
pesat, yg pantiang kan niek dulu, kalau kendala, beko pulo ituang balakangan.
Yang paralu kini kito pikiakan adalah, ba'a caronyo mambantuak/maramu organisasi
"real" dengan "gaya" rantaunet, yang mamanfaatkan sagalo kalabihan dan kakurangan yang
awak punyoi, sahinggo manjadi satu kasatuan yg utuah yg dapek manyumbangkan ide,
pikiran dan tanago kito basamo, untuak mambangun nagari kito tacinto.
(......ambo kuduang pulo snek lai......)
>
>AB:
> Nan real nan lah dilakukan balerong Rantaunet, diantarono :
>- Mambuek petisi ka pemda B Tinggi tantang kabakaran pasa ateh.
>- Mambuek petisi ka Pemda Sumbar satantangan maksiat di Sumbar.
>- Pernah dilakukan partamuan Rantaunetter ( thn 2000) di rumah
> A Bandaro - Bogor, dihadiri kiro-kiro 20an Rnetter.
>
>- Manyumbang musibah oleh Rantauntter ;
> * kelaparan di Lunang Silaut ( PesSel) ( sabalun iko ado pulo
> sumbangan tapi ambo lupo)
> * Galodo Sumbar,
> * Gampo di Bengkulu.
>
>- Bea Siswa oleh Rantaunet Foundation (RF)
> Ado " Dana Abadi " ( dari Rantaunetters) , Sept 2001 sajumlah
> Rp 15.4 juta ( dikelola oleh A Bandaro Bogor), dimano dulu hasil
> bulanan DA tu untuak bea siswa bagi anak ( Minang) nan kakurangan.
> Kini sedang dalam proses si panarimo bea siswa tsb.
>
BY:
Contoh yg uda Bandaro sabuikkan diateh tadi, adolah contoh nyato dari kainginan dari
anggota rantaunet untuak mangabdi ka kampuang halaman, walaupun tapisah jarak jo
waktu, tapi masih sempat untuk bapartisipasi untuak mambangun/mambantu kampuang
halaman.
Itu awal yang rancak bana, tingga kito taruihkan sajo lai....
>
>Nan katangah dek Benny sabana ideal.
>Untuak itu marilah kito mahimbau kapado Rantaunetter untuk
>sato katangah untuak makordinir / me-organize usulan dari Benny ko.
>Nan ambo lah mandapek tugas sabagai pangalola Dana Abadi RF
>dan ketua KTT ( Komisi Tata Tertib Rn)
BY:
Ambo, satuju bana tu uda Bandaro...
Buliah sakalian baraja pulo ambo ka yg tuo-tuo...
>Data Benny alun ado diambo, minta tolong ka Japri
>kampuang - dimaa kini - aktipitas ???
BY:
kalau lai indak ba'a, perkenankan ambo untuak mampakenalkan diri baliak..
Nama : Benny Yustim
Gelar (kalau ada) : -
Suku : Jambak
Nagari Asal : Padang
Pekerjaan : Broadcast Network - Indovision,Digital TV (Jakarta)
Alamat sekarang : Villa Tangerang Regensi I NC IV no.15 Tangerang
Wassalam,
byustim
Make a difference, help support the relief efforts in the U.S.
http://clubs.lycos.com/live/events/september11.asp
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
