Tarimo kasih Mak
Namo ambo Alma Wardi bagala Malin Muncak (30), ambo
tingga di Jogja , Ambo aktif di kegiatan LSM dan
berbisnis kecil kecilan.
Kampuang ambo di nagari Gumarang , Kecamatan
Palembayan , Kabupaten Agam .
Lokasinyo , dari Bukittinggi arah ka Padangpanjang di
Banuhampu babelok ka suok , maliwati Balingka sampai
ka Matua , di Matua kalau ka kida ka Maninjau awak
babelok ka kida Maliwati nagari Lawang taruih sampai
ka Palembayan dari sinan taruih naik oto sakitar 1
jam. Dari tapi labuah bajalan kaki di jalan setapak
naik bukit sakitar 2 jam , nah di baliak bukit itulah
kampuang dusun kaciak di tapi rimbo nan langang. ( So
a romantic place ) indak ado listrik indak ado telepon
jalan sajo masih masih tanah sirah.
Kalau patang hari tadanga suaro siamang , di rimbo
masih banyak kandiak ( babi hutan) jo harimau ( tapi
lah lamo indak tadanga kabanyo ). Kalau musim durian
babuah, urang kampuang indak barani ma ambiak durian
runtuh nan sabana lamak , karano harimau sanang pulo
jo durian.
Taringet kampuang sadiah juo hati ko , awak lah bamain
sampai di dunia ‘gaib’ Cyberspace , tapi dunsanak awak
di kampuang masih hidup di jaman Perang Imam Bonjol.
antah bilo internet bisa sampai ka kampuang awak ko ?
Wassalam
Malin Muncak
--- Bandaro <[EMAIL PROTECTED]> wrote:
>
> Untuanglah lai dipintehi.
> Dikami indak bagai doh, biaso tu, talamak manuncik
> kibord.
>
> Dicatanmbo alun ado data Alma (male ??)
> Dima kampuang asa, umua, tingga / aktipitas kini.
>
> Wass
> Bandaro (51thn) asa Kubang Putih - Banuampu -
> parbatasan BT,
> pansiunan, tingga di bgr.
> ~~~~~~~~~~~~~~~~~~~~~~~~~~~~~~
>
__________________________________________________
Terrorist Attacks on U.S. - How can you help?
Donate cash, emergency relief information
http://dailynews.yahoo.com/fc/US/Emergency_Information/
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
