Ambo sapandapek jo sanak Syafrinal Syarien bahwa Tambo Minangkabau adalah produk sastra lisan yang mengandung sejarah bahkan sejarawan Parlaungan HS berpendapat bahwa hanya 2% dari Tambo Minangkabau itu yang merupokan fakta sejarah sedangkan sisanya 98% tenggelam dalam mithos yang melekat dalam dada Rakyat Melayu Minangkabau secara turun temurun dari sejak ber-abad2 yang lalu hingga kini diabad ke 21 ini. Tidak sedikit Anak Bangsa Melayu Minangkabau waktu seminar tersebut berang mamburangsang ka Parlauangan HS yang urang Batak ko, bagak bana inyo ruponyo mangecekkan Tambo Minang yang dibangga2 salamoko isinyo sebagian besar "ota" menurut istilah dunsanak kito Syafrinal aratinyo bana kok lai urang awak nan mangatokan indak saberang kalau urang lain nan mangatokan. Tapi bialah, sadangkan urang cino yang super power bangga jo niniak muyang no barasa dari Dewa Ular Naga Sakti baitu pulo jo urang japang tamasuak super power ekonomi dunia bangga dan hormat ka kaisarnyo yang manuruik mithos kaisarnyo Ameterasu Amagami berasal dari dewa matohari sahinggo mamak2 kito saisuak wakatu dijaman panjajahan japang satiok pagi disuruh apel dek nipon ko hormat (kere') ka matohari pagi, kan indak salah bana kalau kito bangga pulo mampunyai mithos / sastra lisan yang urang suku bangso lain di Indonesia ko alun tantu mempunyai, kito sebagai Anak Bangsa Melayu Minangkabau Masa Kini yang kok lai bana basikola tenggi alun tantu meninggalkan karya abadi seperti Tambo Minangkabau go, paliang2 karya kito baru sampai malapehkan untuang surang2 paliang tenggi berbakti ke anak bini baru nyo. Sastra lisan lain yang bersumber dari rakyat belahan bumi sumatera bagian selatan (Jambi & Palembang) memang mampunyai versi lain, tapi bialah nan jaleh yang lebih populer di Ranah Minang tantu yang keluaran rakyat di Ranah Minang itu sendiri, silahkan yang berikut ini: Niniak Urang Minang Anak Puti Bidodari dari Sarugo (sebuah Mitos) Adopun warih nan bajawek pusako nan batarimo umanaik nan bapakai dari rang tuo dahulunyo, nan sabarih bapantang hilang satapak bapantang lupo, kok hilang nan sabarih ka guru cubo tanyokan kok lupo nan satapak cari tunggue panabangan nyo. Adopun warih nan Bajawek, pituah dek guru mangaji sajak dari Alif, pituah dek mamak babilang sajak dari aso, na aso Allah duo bumi tigo hari nan satu ampek aie sumbayang limo pintu razaki anam budak dikanduang bundonyo tujuah pangkek manusia salapan pangkek sarugo sambilan pangkek Muhammaik kasapuluah Muhammaik jadi, sinan bakato tuhan kito Kun katonyo Allah Fayakun kato Muhammaik Nabikun kato Jibraie yaa Ibrahi kato bumi jo langik Kibrakum kato Adam, jadi sagalo pekerjaan, apo bana nan tajadi, sajak dari Luah dengan Qalam sampai ka Arasy jo Kurisyi wago sarugo jo narako walo nak bulan jo matohari walau ndak langik dengan bumi samuik sameto sakalipun takanduang dalam wahdaniah tuhan, adolah limo parakaro, maanyo nan limo parkaro, tanah baki, tanah baku, tanah hitam tanah merah jo tanah putiah, tanah ditampo dek Jibraie dibaok mangirok kahadiraik tuhan talempa kahateh meja, disinan bijo mangko kababatang sinannyo kapeh kamanjadi banang disitu langik kamarenjeang naiak disitu bumi kamahantam turun disinan ketek mangko kabanamo disinan gadang mangko kabagala disinan Adam nan batamponyo iyo kapanunggu isi duya. Dek lamo bakalamoan dekasa baasa juo dek bukik tumbuakan kabuik dek lauik ampang muaro abih taun baganti taun mangko malahiekanlah ibu manusia Siti Hawa sabanyak 39 urang, mako dikawinkan dari saorang kasaorang dari nan surang ka nan surang nan bunsu indak bajodoh mangko banazalah nabi Adam katiko itu Ya Allah ya rabbil alamin perkenankanlah aku dengan anak cucu aku kasadonyo kandak sadang kabuliah pintak sadang kabalaku mukasuik sadang disampai kan tuhan, bafirman tuhan ka Jibraie, hai malaikaik jibraie mangirok engkau kasarugo nan salapan, kabakan ka anak puti bidodari nan banamo Puti Dewanghari anak dek Puti Andarasan bahaso inyo kadiambiak istri dek Sutan Rajo Alam diateh duya, mako mangiriok lah Jibraie kasarugo nan salapan kamangabakan ka Puti Dewanghari bahaso inyo ka dijadikan istri dek Sutan Rajo Alam diateh duya, mako mamandang lah Puti Dewanghari kaateh duya nampaklah anak Adam diateh alam Sigumawang antaro huwa dengan hiya dikanduang Abun jo Makbun wallahualam gadangnyo hati, mako dikumpuekanlah alat perhiasan kasadonyo, apo alat perhiasan nan dibaok, iyolah payuang panji kuniang payuang bahapik timba baliak lengkap sarato jo marawa kuniang cando kajajakan bertatah intan dengan podi buatan urang disarugo, mako batamulah urang tu dipuncak bukit Qaf.lalu dinikahkan dek kali Rambun Azali dipangka Titian Tujuah dibawah Mejan nan kiramaik dibaka kumayan putiah asok manjulang kaudaro takajuik sakalian malaikaik tacengang sagalo saluruah Bidodari manyemba kilek ateh langik bagaga patuih diateh duya tarang bandarang cahayonyo lapeh kalangik nan katujuah tahantak kahadiraik tuhan sabagai sasi pernikahannyo, dek lamo bakalamoan abih bulan baganti bulan abih taun baganti taun, salah saurang anak cucu baliau nan bagala Sutan Sikandarareni nan manjadi rajo kuaso sadaulat dunia mampunyoi katurunan nan partamo Sutan Maharajo Alif kaduo Sutan Maharajo Depang katigo Sutan Maharajo Dirajo, Sutan Maha Rajo Alif mamarentah Banuruhum, Sutan Maharajo Depang mamarentah dinagari Cino sadangkan Sutan Maharajo Dirajo lapeh kapulau Paco mamarentah di Pariangan Padang Panjang dipuncak gunuang Marapi mambagi nagari manjadi tigo luhak partamo Luhak Tuo Tanah Data kaduo Luhak Agam nan bongsu Luhak Limo Puluah. Perjalanan Sutan Maharajo Dirajo Adaopun Syekh Sikandareni rajo alam nan arih bijaksano, mancaliak anak lah mulai gadang lah masak alemu jo pangaja timbue pikiran dalam dado timbualah niaik didalam hati nak manyuruah anak pai marantau mancari alimu jo pangalaman, mako tapikialah maso itu joa anak nak kadilapeh balie dilauik basa, nampaklah sabatang kayu gadang tumbuah dihulu batang Masie banamo kayu Sajatalobi, daun rimbun rantiangnyo banyak batang panjang luruih pulo, tabik pangana andak manabangnyo kadibuek pincalang tigo buah untuak palapeh anak pai marantau, mako dikumpuekanlah sagalo cadiak pandai ditanah Arab dibaok kapak jo baliuang panabang kayu nantun, lah banyak urang nan manabang lah tujuah baliuang sumbiang lah tigo puluah kapak nan patah kayu nan indak kunjuang rabah, apolah sabab karanonyo rukun saraik alun tabaokkan, datanglah urang cadiak pandai sarato jo urang arih bijaksano maagiah pitunjuak jo pangaja, mako dikumpuakanlah urang katiko itu, didabiah kibasy sarato unto dibaka kumayan putiah asok manjulang kaudaro, urang mandoa kasadonyo, mamintaklah Sutan Sikandareni katiko itu ya Allah ya rabbil alamin perkenankanlah aku manabang batang kayu Sajatalobi untuak mengharungi lauik basa, kandak sadang kabuliah pintak kabalaku, baguncanglah hulu batang Masie gampolah hari tujuah hari tujuah malam sahinggonyo rabahlah batang kayu nantun, mako datanglah urang nan baalimu maambiak daun jo batangnyo, daun diramu manjadi dawaik kulik diolah jadi karateh kapanulih Quran tigopuluah juih untuak mangaji dek umaik nan banyak, kulik batangnyo diolah manjadi kain untuak sumbayang panyambah Allah dengan rasul. Lah rabah kayu Sajatalobi, batangnyo dikarek tigo kapambuek pincalang tigo buah, sabuah kapincalang Sutan Maharajo Alif nan cieklai untuak Sutan Maharajo Depang ciek pulo untuak Sutan Maharajo Dirajo, hari patang malampun tibo dipanggie anak kasadonyo diagiah pitujuak jo pangaja sarato baka pai marantau. Tantangan Sutan Majo Alih diagiah baka Mangkuto Ameh Sijatajati, sadangkan Sutan Majo Depang diagiah baka pakakeh tukang, adopun Sutan Majodirajo dibakali kitab barisi undang didalamnyo. Ayam bakukuak subuah pun tibo pagi datang matohari tabik, barangkeklah anak katigonyo marantau kakampuang urang, adopun tantang Sutan Maharajo Alif tambonyo ditutuik samantaro, sadangkan Sutan Maharajo Depang carito dihantikan sampai disiko, salorong pado Sutan Maharajo Dirajo taruih balaie ka Pulau Andaleh nangko, sabalun Sutan Maharajo Dirajo pai mahadang silauik lapeh mandapek kawan nan banamo Syekh Shole nan bagala Cati Bilang Pandai urang nan cadiak candokio sarato arih bijaksano barasa dari hulu sungai Masie, dalam pajalanan singgahlah Sutan di tanah Parsi, Himalaya, India, Campo jo Siam, mandapek pulo kawan nan diangkek manjadi kapalo dubalang, nan surang bagala Harimau Campo nan kaduo Kambiang Hutan nan katigo Kuciang Siam ampek bilangan jo Parewa nan bagala Anjiang Mualim. Adopun Cati bilang pandai, pandai manarah manalakang pandai manjarum manjarumek pandai mamati jo aie liua pandai manyisia dalam aie pandai manembak dalam kalam, kalam kapiek gilo buto, basilang sajo palurunyo lah kanai sajo disasarannyo, pandai mambuek sambang loji pakai pasak datang dari dalam alun diraiah lah tabukak lah tibo sajo dijangkonyo, baitu pulo si Harimau Campo, urang bagak dari India, badan babulu kasadonyo, urang takuik malawannyo makan tangannyo bak cando guruah, capek kakinyo bak cando patuih tibo digunuang gunuang runtuah tibo dibatu batu tambuih pandai manyambuik jo manangkok bisa mangipeh jo malapeh pandai basilek jo balabek jikok malompek bak cando kilek, kok disabuik tantang si Kambiang Hutan, bak batanduak dikapalonyo pandai balari ditangah rimbo tau di padang nan baliku tantu jo tanjuang nan babalik tau jo lurah nan babatu tau jo aka nan kamambalik, babanak ka ampu kaki, barajo di hati basutan di mato kareh hati Allahurabi, kok pakaro hetong di balakang, dikaji pulo tantang si Kuciang Siam, kok manyuruak dihilalang sahalai, maambiak indak kahilangan, bantuak bak cando singo lalok, santiang manipu jo manepong, kok malangkah indak balasia, malompek indak babuni, kunun lidahnyo indak baense, muluik manih bak tangguli kok manggauik indak mangasan, lah padiah sajo mangko ka tau, baitu pulo tantang si Anjiang Mualim, Parewa nan datang dari Himalaya, mato sirah bak cando sago gigi tajam babiso pulo, angoknyo tahan larinyo kancang, pandai maintai di nan tarang pandai mahangok dalam boncah, sabalun sampai pantang manyarah, pandai manikam jajak tingga, jajak ditikam mati juo, bahiduang tajam bak sambilu, bia kampuang lah papaga, inyo lah dulu sampai didalam. Catatan: � Mangkuto Ameh Sijatajati yang berbentuk tanduk diabadikan masyarakat menjadi tudung kepala kaum Bundo Kanduang di Ranah Minang. � Sutan Sikandar Reni dalam al Qur'an disebut Raja Iskandar Zulkarnain yang artinya Raja yang mempunyai dua tanduk atau Alexander The Great King of Macedonia Mudah2an Ota Urang Minang diatas ado gunonyo, ambiak miang sado nan paralu, dih. wasalam & Regards Arman Bahar Piliang Malin Bandaro mailto:[EMAIL PROTECTED] -----Original Message----- From: Evi [mailto:[EMAIL PROTECTED]] Sent: Saturday, September 22, 2001 8:29 AM To: [EMAIL PROTECTED] Subject: Re: [RantauNet] Tanduak Hewan di TAMBO Minang Dunsanak, menarik juga, karena Lapau merupakan lahan subur untuk manambo atau maota, saya tertarik juga dengan masalah tanduk ini untuak di tambokan di hari Sabtu pagi yang cerah ini. Sepertinya nyiak muyang awakko mempunyai persoalan yang tak terselasaikan seputar masalah tanduak yang lama kelamaan tampaknya menjadi simbol obsesi tersendiri di Ranah Minang,yo. Tanduak kabau mungkin mengejawantah pada gonjoang rumah gadang, tapi bagaimana pula dengan tanduak ruso yang didongengkan orang dalam cerita Sang Sapurba?Saya pernah di dongengi seperti ini: Once upon a time, seorang Poyang yang berasal dari negeri Hindu mendarat di ke tanah emas hijau dan kemudian bermukim di kawasan Bukit Siguntang- Palembang. Disana ia kawin dengan Puteri si Lebar Daun. Dasar seorang petualang(penakluk?), tak cukup hanya berkembang biak dengan satu puteri dan sejengkal tanah di Bukit Siguntang, kemudian dia meneruskan perjalanan sampai ke Sungai Indragiri dan terus marambah masuk ke tanah Minangkabau. Karena ia datang dengan mahkota bercabang seperti tanduk rusa, maka oleh penduduk asli dia disebut sebagai Rusa yang datang dari laut.Banyak kecek, menang pengalaman dan tahu bagaimana caranya memanangkan pertarungan, Sang penakluk yang sekarang di beri nama Sang Sapurba kemudian diangkat menjadi raja dan mendapat seorang puteri yang paling cantik plus paling bahenol untuk kembali dikawini: Indo Jelita. Dari perkawinan inilah lahir raja beneran (sepanjang tambo tentu saja) yang bergelar Paduka Basa alias Datuk Ketemanggungan. So, jika Zulkarnaen atau si Alexander yang berasal dari Eropa memang pernah sampai merangsak benua India, mungkin ota orang minang bahwa nenek moyang mereka adalah Alexander the Great mungkin ada benarnya. Setidaknya, walau bukan keturunan langsung, mereka pernah mendengar cerita-cerita bernada heroik yang mungkin juga di bawa oleh para prajurit bertopi; anak buah Zulkarnaen yang kabur dari medan perang.Tetapi menjadi orang taklukan dan keturunan sang penakluk adalah cerita yang berbeda. Evi ----- Original Message ----- From: Syafrinal Syarien <[EMAIL PROTECTED]> To: <[EMAIL PROTECTED]> Sent: Saturday, September 22, 2001 8:53 PM Subject: Re: [RantauNet] TAMBO Minang > Tambo itu produk dari budaya Minang nan banyak berdasarkan sastra lisan > (hehehehe...iko istilah ilmiah snek ha). > Istilah kasa-e, tambo tu asal-e dari produk ota. > Mangko-e banyak isi tambo tu indak jauah dari ota. > > (Note: ota tidak sama dengan "orang tua asuh"). > ----- Original Message ----- > From: "Alma Wardi" <[EMAIL PROTECTED]> > To: <[EMAIL PROTECTED]> > Sent: Friday, September 21, 2001 11:18 AM > Subject: [RantauNet] TAMBO Minang > > > kalau urang minang sejarahnyo dari Iskandar Zulkarnain > > , bararti jauh marantau nyo > > > > Zulkarnain bahasa arab artinyo punyo duo tanduak dan > > itu adalah topi nya orang viking di Eropa sana ? > > > > mungkin ado yg bisa manjalehkan ? > > > > Malin Muncak RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
