Indak tau nyo kali Fred, kalau standard sarugo nan manantukan tu indak dima asa urang do, tapi baa urangnyo. Kok pakai standard dunia, nan manantukan bukan sia urangnyo tapi dimanyo barado.
Sapuluah tahun nan lalu, pernah ambo badiskusi (tapeknyo maota) jo mhs2. Indonesia. Ondeh mak, kok sudah maota tu dilantak oto pastilah bi masuak sarugo kasado alae. Sabana saulah2 (kok talampau tinggi di-kecekkan idealis). Wakatu basuo baliak di- kampuang eh....lah bi manjadi cingkahak urang lo baliak. Alasannyo rato2 kultur balain jo gaji ketek (apak biai no). Samo lo caritonyo jo urang2 asiang nan lah tabiaso hiduik di balanggu hukum jo sagalo macam aturan nan kadang2 indak masuak aka sampai2 maisok se susahnyo satangah mati (kecek sia pulo ado nagari nan labiah liberal dari nagari awak lai.....o la...la urang maliang se bisa jadi pahlawan), salamo dikampuangnyo ma baraninyo. Kok ado juo nan barani, biasonyo jo caro ma-akai hukum (saroman carito money laundering). Lah di-kampuang awak nyatonyo bisa pulo urang tu ba KUHP ria. Jadi dibolak dibaliak, ujuang2nyo karakter masyarakat tu cuma bisa dibantuak jo hukum nan jaleh. Manusia tu sajak lahie lah mamboak bakat kriminal basaratoan jo bakat jadi urang elok (warisan nabi Adam). Babuih muluik tu ba-teori nan aneh2, kalau urusan nan paliang dasar indak tasalasaian samo se jo ba-caruik2. Bisa2 labiah bongak dari koncek dalam kuali (koncek kok lah taangek pasti malompeknyo, awak lah mangalupak kulik tu bukannyo maloncek malah sibuk manyalahkan sia nan mahiduikkan api sambia mamakiak2 ondeh angek....ondeh angek). Samo lo jo mambuek UU untuak malibas symptom pekat, dima lo kajalan kalau nan mambuek jo nan ka manjalankan sumber panyakiknyo. Kalau ambo nan angku sabuik lah jaleh pengacualian. Walau sajak laie, tumbuah, baranak pinak (eh..eh) di Barat, tatap se indak ka pernah beres. Mungkin tamasuak kategori "kok ka manjadi mancik ketek lah runciang ikua nyo" kali ndak..eh..eh Alah dulu tu Fred, pado baganja jo batang pi api lo incek maniak ko beko lai. The kindest regard JD > Dijawek "Kota Padang" ... > "Urang Padang itu katurunan Nieh mah!". > He .. he .. alah doi pulo nan manantukan asa urang ....! RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
