----- Original Message ----- From: Muchlis Hhamid <[EMAIL PROTECTED]> To: <[EMAIL PROTECTED]> Cc: Mohammad Irfan <[EMAIL PROTECTED]>; <[EMAIL PROTECTED]> Sent: Friday, December 21, 2001 3:46 AM Subject: Re: Re[1] [RantauNet] - tarimo kasih sanak
Sanak Muchlis dan sanak kasadonyo Tarimo kasih, ambo juo manyampaikan salamaik ari rayo tambah salamaik taun baru 2002. Di cc milis sanak ado namo Mohammad Irfan, apo sanak awak ko SMP nyo di Danguang-Danguang ? Ari rayo di Parancih (Paris), pagi sambayang di kantua Kedutaan, lai panuah, sudah tu pai ka rumah Pak/Ibu Duta, barisuaknyo makan-makan baliak di kantua Kedutaan. Lai juo basuo babarapo urang awak, tapi satiok ambo babaso Minang jawabnyo baso Indonesia dan ado pulo kawan ambo dari Jawa nan mandanga ambo babaso Minang jo kawan urang awak tu, mangatokan "Jangan berbahasa Tarzan, lho" Ambo bukan anti baso Indonesia, tapi baso daerah adolah salah satu kakayaan awak sabagai bangso Indonesia (dalam Bhineka Tunggal Ika), dan sabagai urang Minang.. Ko ado ciek nan ambo cainan bana di nagari urang. Sapakan nan lalu ambo singgah di bandara Barcelona (Spanyol) dalam perjalanan ka Sevilla. Di Bandara Barcelona, maklumat ditulih dalam tigo bahaso, salah satunyo bahaso Inggirih (di tangah), nan duo lai indak jaleh dek ambo doh. Nan partamo jo nan katigo, ampia samo, ujuang-ujuang katonyo sajo nan babeda. Ambo kiro nan partamo, baso Spanyol, nan katigo indak tau, mako ambo tanyo. Jawabnyo: nan partamo baso Katalan (baso daerah) nan katigo baso Spanyol. Jadi beda baso Katalan jo baso Spanyol mungkin samo jo beda Baso Indonesia jo baso Minang. Di negara Inggirih (Wells), sagalo maklumat dan brosur-brosur ditulih dalam baso daerah dan baso Inggirih. Cainan bana ambo, kok dibuek baitu pulo di daerah awak sainggo baso Minang ko indak ilang dan dikataui dek sagalo urang nan datang ka nagari awak. Baa tu dek sanak. Sampai di siko dulu - Wassalam Idar > Yth Idar Islami, > Kami manyambuik salam taragaknyo jo kampuang halaman, dari rantau nan jauh. > Selamat bagabung, semoga rindunyo taubek. > Ambo tingga di Jakarta, jadi dakek dari kampuang. Asa ambo dari Solok, > kampuang di Muaro Paneh. > Selamat Idul Fitri. Baa suasana hari rayo di Parancih. > Salam, > Muchlis > > RantauNet http://www.rantaunet.com > > > > > > > RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
