Mancaliak banyaknyo komentar tentang hal diateh, samakin tampak baraso pandangan nan mangatokan salah satu unggulan Sumbar di era globalisasi dan otonomi daerah ko adolah di bidang pariwisata paralu bana diinok-manuangkan. Ambo yakin masih banyak contoh jo pangalaman nan sarupo tu, tamasuak dari segi sistim palayanan. Adonyo urang-urang nan disabuik pareman petak tu coma ado nagari di awak. Antah sia nan maagiah mandat ke nyo dan indak ado pulo nan bisa/namuah manertibkannyo. Ka urang-urang nan sarupo tu jaso pelayanan untuk manunjang pariwisata ka dipicayokan? Di Jawa atau Bali indak ado doh urang-urang nan sarupo tu, kecuali petugas terminal dan sopir dan kondektur/stokar oto nan hampie sadonyo ramah-ramah karano ado nan mambinanyo. Dalam bausaho, keuntungan pengusaha ditantukan dari baa inyo mamuaskan pelanggan nan diarokkan ka manggunokan jasonyo. Indak ka salamonyo doh awak bisa manggadang-gadang karano bisa monopoli dan indak salamonyo urang bisa dikalahkan jo caro mambagak. Bagak hanyo dinagari awak, itu namonyo bantuak koncek di bawah tampuruang. Dunia kini indak bisa ditutuik jo balagak paling tahu doh. Jadi sakali lai, bukak lah mato jo pikiran awak. Kalau awak memang samo-samo cinto ka ranah Minang, marilah kito samo saling mambina diri. Jan dipabiakan se nagari awak ramuak co itu dan awak cuma asik maibur diri jo nostalgia-nostalgia nan indak mandorong untuak kamajuan nan ka datang. Kapado baliau-baliau nan baraso mandapek amanah dari rayaik untuk mangalola nagari awak ko, baiyo-iyo banalah kito basamo. Tinggakanlah arogansi kekuasaan ala rejim Orde Baru tu. Rayaik paralu diajak baiyo, caliak banalah baa nan kanyataan di lapangan. Apo lai awak di Minang, banyak potensi pemikiran unggul nan baserakan ditangah rayaik untuk dimanfaatkan dalam pambangunan daerah awak ko. Era baliak ba nagari adolah zaman baliak ka potensi masyarakat. Lah cukuik 40 tahun awak marusak pikiran masyarakat, sahinggo inyo maanggap pambangunan tu cuma tanggungjawab pamerentah. A jadinyo kini? Rayaik maunyo cuma manuntuik ka negara nan lah jaleh sadang manuju kebangkrutan ko. Lai ka takamehi dek angku-angku tu? Mudah-mudahan diskusi ala media net ko bisa bakambang labiah mambumi. Kito tunggu prakarsa untuak "copy darat", batamu di forum nan labiah nyato. Wassalam
RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
