Re: [RantauNet] Urang Baru + cari pangarang Minang

[jean.reibaud]

Sanak Melvi Yendra Ambo  urang asli Payakumbuah pulo (mudiak), Ambo panah pai ka Situjuh kiro-kiro duo taun nan lalu, tampak ado tugu paringatan paristiwa 15 Januari tu, kok raso ati Ambo, mungkin ado arsip tantang sajarah tu di kantua wali nagari di Situjuh. Dalam daftar bacaan buku "Rebellion and integration" kalau ndak salah ado di sabuik buku tantang Situjuh dan peristiwa 15 Januari 1949. Eloklah tu dicari kini-kini manganai sajarah tu, sabab kiniko mungkin masih ado nan iduik, urang-urang nan mangalaminyo.   Ambo bakarajo di Perpustakaan Universitas bagian bahaso Indonesia di Paris, kok lah siap novel tu nanti agiah tau lah Ambo, awak simpan ciek di perpustakaan ko. Kami sampai kini mamasan buku lewat Gramedia. Biasonyo nan kami bali /simpan adolah buku-buku :novel nan banilai sastra, sejarah, kebudayaan, ekonomi dan pemerintahan. Kok sabalun ko, sanak lah ado manulih nan lain, atau pangarang Minang nan lain nan sanak tau, agiah taulah Ambo, jalehkan namo pangarangnyo, penerbit dan taunnyo sarato ISBN kalau ado. Banyak nan mangecekkan, kini indak banyak lai pangaraang dari Minang, saroman zaman Balai Pustaka. Mungkin itu bana, tapi maa tau, mungkin juo, dek urang Minang tu kini indak lai mancantumkan gala, sainggo urang indak tau lai, apo inyo urang Minang. Baitu juo ka sanak-sanak nan lain, kok ado nan tau pangarang-pangarang Minang, ambo ingin manyimpan buku-bukunyo di perpustakaan di Paris ko, tarimo kasih untuak informasi.   Kok buliah tau, apo Melvi Yendra asa Situjuh ? Soalnyo ambo mancari kawan namonyo, Wazniwati Bahar (panggilan Way), asa Situjuah Padang Kuniang, tamatan SAA Bkt taun 1972, kalau ndak salah inyo kawin taun 1973 dan tingga di Jakarta, kakaknyo banamo Filda, panah maaja di Tabek Patah, sudah tu mungkin pindah ka Batusangka, ambo taragak bana dapek kaba dari kawan ambo ko, sabab acok ambo barasian jo inyo. Kok ado sanak nan tau jo inyo, tolong agiah tau ambo. Sakitu selah dulu, panjang amek biko.   Idar Islami, Pitopang Ampanggodang - Kab. 50 Kota.   ----- Original Message ----- From: melvi yendra To: [EMAIL PROTECTED] Sent: Monday, December 31, 2001 3:36 AM Subject: [RantauNet] Urang Baru Assalamu'alaikum wr wb. Sanak kasadonyo, Perkenalkan, ambo Melvi Yendra, urang baru di rantau-net. Baru saminggu ko ambo sato bukak-bukak web rantau-net lewat yahoogroup dan baru kini posting ka milis kito ko. Ambo asli Pikumbuah tapi lahia di Batusangka 26 tahun nan lalu. Ambo alah satahun tamaik dari Teknik Mesin Unand. Sempat satangah tahun di Malaysia mancari-cari es-duo (tapi alun ado rasaki) dan kini tasampang di sebuah penerbitan di Jakarta sabagai Editor. Untuak samantaro jadilah. Sabananyo ambo punyo Uni (uni dapek gadang) di siko. Namonya Uni Imun. Uni Imun kini di Inggris, ikuik suaminya nan sadang es-tigo sekalian maambiak es-tigo pulo. Ambo alah lamo tau jo Uni Imun, sajak samo-samo nulis-nulis carito pendek di majalah Annida sapuluah tahun nan lalu. Ambo indak tau, apo Uni Imun masih aktif di milis awak ko. Tapi ado ciek nan mangganja dek ambo. Ambo ingin bukak e-mail dan posting lewat yahoogroup sajo, soalnyo ada sapuluah milis nan ambo ikuti kini. Tapi lah ambo cubo-cubo ma-setting keanggotaan ambo lewat My Membership, tapi indak bisa. Bahkan di yahoogroup tu status ambo masih di-pending. Bisa ndak Moderator manolong ambo? Ha, iko ado ciek lai nan ka ambo minta-i tolong ka sanak kasadonyo. Ambo sadang manulis novel sejarah tentang 'Tambiluak' (kalau sanak urang Pikumbuah, sanak mungkin pernah mandanga carito Tambiluak nan Pangkhianat Bangsa dari daerah Situjuah Batur). Ambo alah hunting di Google, tapi indak banyak nan ambo dapekkan. Sakironyo ada dunsanak nan punya bahan tantang kejadian penyerbuan Balando ka desa Situjuah Batur tanggal 15 Januari 1949 (kejadian nan manewaskan Khatib Sulaiman katiko itu) tolong agiah-agiah kaba ka ambo. Aa, sampai di siko dulu perkenalan dari Ambo. Wassalam, Melvi Yendra Do You Yahoo!? Send your FREE holiday greetings online at Yahoo! Greetings.