Assalamu'alaikum wr.wb. Nan namonyo kaji memang indak ado salasai-salasainyo do. Dan saratuih prosen satiok parumpamaan itu indaklah mungkin do. Kito hanyo maambiak -ambiak parumpamaan nan samo, dan maninggakan nan indak samo ujuik jo mukasuiknyo. Ciek lai, ibaraik urang mambuek gulai tantu sajo indak samato-mato tagantuang dari bumbu- bumbu masaknyo sajo tapi dan urang dapua nan indak nampak dibalakang layar tantulah mamagang perann nan indak saketek dalam manyajikan gulai nan lamak tu... Baitu juo sajo tantang salero satiok awak dalam mancicipi masakan itu , tantu sajo juo babeda dalam magiahkan panilaian lamak atau indak lamaknyo gula itu...
Dan namonyo kaji kalau ado kaji nan labiah elok tantu sajo kaji nan lamo iko kito tinggakan indak kito pakai lai. Samantaro alun ado kaji baru nan labiah elok kaji lamo kito pakai daulu. Adopun tantang "kawin batambuah" adolah istilah nan populer dikampuang awak sajak mulai balakunyo undang-undang perkawinan tahun 1972 nan lalu, dan iko ditujukan bagi laki-laki nan kawin ciek lai. Ambo indaklah manyamokan 100 % perumpamaan sacaro kontekstual dan arti sesungguhnya jo makan batambuah . Makan batambuah dikampuang awak tu adolah suatu keharusan dan etiket dalam perjamuan. Biasonyo kalau awak batamu karumah urang , awak disuruah makan, dan biasonyo tuan rumah salalu manyilakan awak batambuah bilo nasi dipiriang awak abih atau hampia abih dan biasonyo awak atau tamu demi menghargai tuan rumah manambuahkan nasi kapiriangnyo walaupun saketek, ataupun kalau hidangannyo kurang lamak sitamu batambuah juo senek , sakedar penghormatan ka tuan rumah dan seakan-akan inyo sadang basalero makan dirumah nan didatanginyo tu... Tapi kawin batambuah dan istilahnyoko, lobiah diarahkan ka suduik negatifnyo dimano dikampuang awak ka laki-laki nan babini ciek lai sakadar manuruikkan salero, atau dek manampak padusi nan labiah rancak dari amak paja... atau nan tagijau dek nasi angek, samantaro nasi dipiriang indak basi , hanyo dingin senek...maklumlah amak paja lah lamo dipakai, ibaraik jawi gaek nan tarambau dek rumpuik mudo. Tantu sajo "kawin batambuah" indak diajurkan sabagaimano "makan batambuah" dirumah bako nan acok disuruah-suruahkan kamanakan-kamanakan apak awak tu...i...Sakali lai,iko hanyo istilah nan samo tapi jaleh indak bisa dipasamoan samo sakali. Kawin batambuah dikampuang awak salalu dikonotasikan sacaro negatif... (indak dianjurkan) tapi sakali lai kawin batambuah diartikan sacaro positif hanyo sabagai "satu-satu"nyo jalan kalua, dari persoalan iduik barumah tanggo nan kalau indak ditampuah mandatangkan mudaraik dan jatuah kalambah doso. Satu-satunyo jalan, jalan tarakhir dalam keadaan emergensi , sabagaimano satiok urang mamakan ubek adolah urang nan sakik, baitu juo urang nan kawin batambuah samantaro inyo indak sakik (sakadar manuruikkan salero) tantu sajo manjadikan racun dalam kahidupannyo sampai tuo bangka... Indak saketek do poligami dikampuang awak ( terutamo dilakukan dek Buya-Buya, Datuak-Datuak, baitu juo urang-urang bapitih banyak) bukannyo mandatang kabahagiaan dan kepuasan bagi mereka, malah mendatangkan kesengsaraan bagi dirinya dan anak keturunannya dibalakang... Iko gadang kamungkinan disebabkan dek mareka bukanlah urang sakik nan mambutuhkan ubek, bukanlah urang-urang litak nan butuh makan dan alun makan ... tapi adolah urang-urang nan litak sudah makan, bahkan bisa sajo urang nan kakanyangan tapi dek saleronyo tabudua untuak makan indak mampartimbangkan kasehatan lai...Sapiriang sabananyo alah cukuik dan manganyangkan ( paruik ketek), tapi dek manuruikkan salero atau disorong-sorongkan urang juo inyo batambuah juo, mako mambahayokan kasehatannnyo... Sakali lai, makan batambuah dianjurkan samantaro kawin batambuah indak dianjurkan tapi buliah "kalau kalau" memang dibutuhkan atau tapaso...Iko perbedaannyo. Salamaik pagi, Wassalamu'alaikum wr.wb. Adi NS. RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
