Dunsanak sadonyo jo adik Fendi Koto,
Sato ambo saketek. Kenalan dulu lah awak ndak? Ambo Heri , urang Tabiang, Koto Tangah. Alah sakian tahun di kampuang urang, di Parancih. Kabatulan ambo karajo di KBRI, dibagian Perdagangan (ambo hanyo pagawai ketek nan direkrut di siko),ndak jauh dari bakaik urang Minang doh.
Ambo sungguah tatariak bana jo karajo adiak Fendi Koto (ambo panggia adiak sajo kan ndak baa doh?, karanoambo labiah saketek umua jo Fendi) nan mangambangkan pertanian organik. Ambo alah lamo mancari model pertanian macam iko. Cubolah agiah tahu ambo apo nan ditanam, apo kiro kiro lai bisa diekspor? Ambo di siko bia mancaliak an ka sia barang ko bisa diadok an.
Iyo banyak nan ka mamatahan samangaik awak di milis ko ambo caliak, tapi jaan lah sampai putus aso. Di rimbo, ndak sadonyo samo, ado nan kuek ado nan lamah, ado nan tinggi , ado nan randah. Jadi ndak usah lai batangka awak samo awak. Marilah kito bangun nagari awak jo kamampuan nan ado di awak masiang masiang.
Ambo tunggu bana balasan dik Fendi. Kalau ado dokumen nan ka di kirim, bisa dikirim ka tampek ambo karajo sajo atau ka rumah ambo buliah juo.
Sakalian ambo numpang tanyo ka sanak sadonyo, ambo ado permintaan dari mahasiswa parancih di bidang jurnalistik. Inyo ingin bana praktek atau magang di Padang. Inyo alah ka Padang jo mentawai tahun kapatang. Alah jatuah hati lo inyo jo kampuang awak. Apo ado sanak nan bisa bantu , baik untuk di Haluan, Mimbar Minang atau Singgalang? Atau koran lainnyo di Padang? Magangnyo kalau bisa alah mulai Mei ko. Inyo indak minta bayaran doh. Inyo datang jo biayanyo surang. Iduik di Padang jo biayanyo surang. Kalau ado nan mambantu mancarian atau manampuang inyo salamo magang, tarimo kasiah bana. Inyo rencana magang sampai awal Agustus karano September alah mulai kuliah baliak.
Apo ado nan bisa bantu? Tarima kasiah banyak sabalunyo ambo ucapkan.
Adiak Fendi, ambo tunggu bana info nyo.
Salam dari nagari ambo nan jauah.
Heri Tanjuang.
Join the world�s largest e-mail service with MSN Hotmail. Click Here
RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
