Assalamu'alaikum wr. wb.
manjawab nan disampaikan dek angku "J.Dachtar" <[EMAIL PROTECTED]> Syariat Islam JD Dan ndak ada paksaan untuk beragama, dan ndak ada paksaan hukum agama tertentu di-implementasi-kan ke penganut agama lain. LA Ayat Al Quran (Al Baqarah 256) nan mangecekan 'indak ado paksaan dalam baagamo' saharusno dipahami labiah dalam. Indak ado paksaan itu bukan baarati satiok individu buliah bebas sabebas-beabsno kabaagamo atau kaindak sabab ayat tadi manganduang arati pulo bagi nan manyalahi atau kaliru dalam baagamo ado sangsi dari Allah SWT (tantu sajo awak mancaliak dalam konteks Islam). Banyak urang nan 'salah kaprah' mamahami ayat tadi saolah-olah urusan baagamo itu enteang sajo, tasarah masiang-masiang, indak buliah dicikaraui urang lain. JD Itu untuk orang yang sudah memilih. Bagaimana untuk orang yang sejak mulai melihat bumi (mayoritas) sudah dibajui Islam??? LA Bagi satiok anak urang Islam mulo-mulo adolah tangguang jawab urang gaekno untuak maIslamkan satiok individu itu sacaro batua. Iko tangguang jawab mutlak urang tuo, nan indak bisa urang tuo itu balapeh tangan sajo mangecekan itu bukan urusan den. Allah Taala mamarentahkan satiok urang nan bariman (di antaro urang Islam) untuak maambiak barek bana urusan manjago diri jo kaluarga dari api narako sarupo firman Allah Taala di dalam Surek Tahrim (Surah 66 ayat 6). "Hai orang-orang yang beriman peliharalah dirimu dan keluargamu dari siksaan api neraka.... sampai akhir ayat". Jadi saharusno urang indak paralu maraso dirino 'sakadar' dibajui Islam tapi iyobana disiapkan untuak tahinda dari api narako jo caro masuak ka dalam Islamtu sacaro basungguah-sungguah (kaaffah). Bagi urang nan sarupo iko, nan alah dipasiapkan bana untuak manjadi Islamko, saandaino ado kakaliruan nan dipabuekno manjadi tangguang jawab umaik basamo untuak mampelokino, jo nasihat, jo ajakan, jo ancaman, jo hukuman sasuai jo kaparaluanno masiang-masiang. JD Mungkin analoginya kurang pas, kalau kerja dan aturan dibuat oleh manusia, sekalian reward and punishment-nya (ditambah janji Tuhan untuk orang2 yang melanggar commitment). Tapi kalau agama ada hubungan vertikal, yang rewads dan punishmentnya ditentukan hanya oleh Tuhan (kalau di-Al Qur'an urang maninggakan sumbayang ka manarimo hukuman Tuhan, indak paralu pulo ado paraturan tambahan dari manusia mamaso urang sumbayang lewat hukum), ada hubungan antar manusia, dimana rewards dan punishment nya sebagian di-delegasikan Tuhan kemanusia, seperti mancilok, ber-zina dan membunuh (ini yang harus di-terjemahkan cara pelaksanaanya sehingga dapat diterima oleh orang lain). LA Allah SWT mamarentahkan bana untuak mambuek aturan hukum sasuai jo hukum-hukum Allah untuak maatur kahidupan urang-urang nan alah bariman jo agamo Islamko. Bahkan Allah manatapkan urang-urang nan indak managakkan hukum jo hukum Allah tu sabagai 'kafir', 'zhalim' dan 'fasik' di dalam Surah Al Maidah (Surah 5: 44, 45, 47). Lalu baa kalau urang indak maindahkan, atau maanggap enteang sajo? Hiduik juo urang tu, namun urangtu tarancam jo hukuman Allah nantik di akhiraik. Kalau hukuman itu dijalankan di duniako antah itu hukum potong tangan (bagi nan manciluik), antah hukum bunuah (qisas, bagi nan mambunuah), antah hukum rajam (bagi nan bazina) antah hukum dera (bagi nan minum khamar) dsb. dsb. salamo nan manjalani hukumantu ikhlas manarimo hukuman karano Allah, hukuman tadi itu alah salasai diduniako, isuak di akhiraik awakno indak kadituntuik lai doh. Tujuan hukuman, manuruik sistim hukum nan maa sajo adolah untuak maagiah ganjaran jo palajaran bagi nan basalah sarato paringatan bagi urang banyak. Jadi iyo paralu ado 'kekuatan' manusia untuk mangawal tagakno hukum itu tadi. Apo sajo nan dianggap sabagai kasalahan hukum tantu harus dirujuak baliak ka hukum-hukum Allah. Jadi indak sakadar kasalahan antar manusia sajo nan buliah manusia mawakili managakkan hukum nan diparentahkan Allah (kalaupun itu dijalankan). Urang nan indak mambaiakan zakat, urang nan indak puaso tanpa alasan nan dibanakan Islam di bulan Ramadhan, urang nan indak shalat harusno mandapek sangsi hukum juo di duniako. Sabab kasalahan atau palanggaran sarupo itu bisa jadi contoh buruak kaurang lain untuak marusakkan agamo Islam, maenteang-enteangkan agamo Islam. Jaankan urang nan indak shalat, urang nan indak datang shalat bajamaah kamusajik sajo di agiah paringatan kareh dek Rasulullah SAW. Tujuanno apo? Untuak kamashlahatan umaik sacaro manyaluruah. Untuak tagakno agamo Islamko sacaro utuah. Namun tantu sajo panagakan sarupo itu indak mungkin dikarajoan dek urang pribadi-pribadi sajo doh. Tatap paralu ado satu kakuatan nan labiah gadang untuak maaturno, kecekanlah misalno negara, atau mungkin propinsi dst. dst. Wassalamu'alaikum wr.wb., Lembang Alam __________________________________________________ Do You Yahoo!? Try FREE Yahoo! Mail - the world's greatest free email! http://mail.yahoo.com/ RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
