Assalamualaikum wr wb, Kapado dunsanak rantau net kasanono,
Atas namo anak-anak alm Bpk Harmaini St Mangkuto, kami mangucapkan banyak tarimo kasih kapado seluruh dunsanak dibalerong ko nan manarimo email duka cita kami dan mandoakan keselamatan almarhum ayahanda kami. Mudah-mudahan doa dunsanak kasadono sampai kahadapan Allah Swt, Amin ya rabbal alamin. Ado saketek carito nan ingin ambo bagi di kasampatan iko. Urang tuo kami marantau ka bumi Kalimantan dengan itikat mancari rajaki untuk manyakolahkan kami, anak-anakno. Sacaro kabatulan indak ado karik karabaik langsuang baik dari pihak orang tuo padusi atau laki-laki nan samo-samo marantau ka Kalimantan Barat. Jadi kami manjadi kaluarga tunggal di Kalimantan. Kalaulah ado nan dianggap kaluarga, hanyolah sasamo urang awak (samo barasal dari Sumatra Barat) atau urang suku lain nan elok sikapno ka kami. Dengan izin Allah, urang tuo padusi maninggal 6 tahun nan lalu di Pontianak dan alah pulo dimakamkan di Pontianak. Dan dengan kuasa Allah pulo, urang tuo laki-laki diambia pulo oleh Allah kini di Pontianak dan kami antakan ka hadapan Allah di Pontianak pulo. Mandapek musibah macam iko, iyo indak ado kaluarga langsuang nan mandampingi. Tapi Allah Maha pengasih lagi maha penyayang. Indak pulo Ia membiarkan kami talunta-lunta indak ado nan mamparatikan. Pamakaman urang tuo kami kaduono banyak dibantu oleh hamba Allah lain nan kabatulan tingga dakek kami. Disiko taraso bana nan namonyo "hablum minnan nas". Manuruik kato urang-urang nan mambantu pamakaman kaduo urang tuo kami, baik 6 tahun nan lalu maupun kini ko, mereka ikhlas mambantu karano urang tuo kami samaso hiduik no alhamdulillah basikap elok, lemah lembut dan santun ka kasado urang nan dikenal no. Urang tuo kami alhamdulillah salalu mangadapankan sikap tenggang rasa dan saling manghormati. Hal ikolah nan akhirno mambantu kami pado saat dicuboi Allah. Urang sapasa mambantu tanpa diminta, urang sakampung tampaik tingga manolong indak maminta balas. Padahal urang-urang tu indak ado sangkuik paut kaluarga jo awak. Ado urang Bugis, urang Jawa, Urang Melayu Kalimantan, Urang Dayak bahkan sampai urang Cino basamo-samo maanta sampai ka makam, samo-samo mandoa tahlilan (kecuali Dayak dan Cina) dan banyak lai bantuan lain. Indak ado ragu tantu kasadono balaku atas izin Allah Swt dan izin Allah turun karano hubungan sesamo hamba Allah barlangsuang elok. ALHAMDULILLAH DAN SEMOGA AMAL BAIK ORANG-ORANG YANG MEMBANTU KAMI SAAT MENDAPAT MUSIBAH ITU MENDAPAT PAHALA YANG SETIMPAL DISISI ALLAH SWT, AMIN, AMIN, AMIN YA RABBBAL ALAMIN. Wassalamualakum wr wr, Dessy RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
