Assalamu'alaikum wr. wb. Ma sagalo adidunsanak jo anak kamanakan di sagalo suduik bumi Allah ko,
Parcobaan ambo ma-MP3-kan sagalo kaset saluang nan masih ado di ambo (sambuah nan lah raik salamo ko) sabanyak 12 buah, 86 lagu (2 diantaronyo masiang-masing lk 30 minik, 1 folder dari 1 kaset, khusus instrumental, saluang tungga), alhamdulillah, malam ko berhasil. Salasai, dan lah ambo cubo. Padek. Cuma dek kasetnyo gado-gado, indak dari ciek produser rekaman, suaronyo bavariasi pulo. Alhamdulillah, dek diopor jo compo digital nan cap ampu, lai indak tadanga di ambo nan lah mulai pakak-pakak daun pimpiang ko, lasienyo kecek kami di Sungai Pua, noise janyo rang rantau Ajo Duta. Sagalo adidunsanak nan lah babisiak di japri, tolong kirimkan alamaik poih nan jaleh. Ambo usaokan maansua-ansua mambuek kopinyo (iko kopi putiah, indak kopi sabuak doh), dan ambo sugiroan mangirim malakik ari Satu bisuak. Supayo jan tagaduah bana ota urang di lapau, adidunsanak nan ka babisiak ka ambo, tolong jan "dituncik" sen reply imelko, beko tadanga lo di nan lain. Wassalam, mak Sati RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
