Assalamu'alaikum wr.wb.,
Contoh nan sangaik nyato bana nan bisa diambiak di awak jo kajadian di Afghanistan ataupun nan kiniko tajadi di Palestina adolah kaindak badayo-an umaik Islam untuak manggalang parsatuan. Indak manuruik ka'himbauan' Allah untuak 'bapacik arek katali Allah dan jaan bapacah balah'. Banyak nagari-nagari Arab di sabalik Palestina-tu, nan notabene nagari-nagari Islam, ado nan punyo kakuatan, baiak tanago tentara, sanjato, pitih, minyak, tapi lah dibuek lumpuah dek 'hubuddunya', cinto sangaik kadunia dan takuik sangaik ka mati. Itulah dan ditakuikan dek pamimpin-pamimpin Arabtu. Sainggo laluaso Israel, laluaso Amerika, nak mancabiak-cabiak nagari Islam. Padohal Israel alun tantu kabaranti saandaino Palestina salasai dicabiak-cabiakno, mungkin sudah itu parang kadiansuano labiah jauah kabateh nagari Arab nan lain.
Di nagari awakpun alah nampak usaho-usaho nak mamapeh diaia karuah, nan mancari-cari ilik-ilik, mancari-cari tampek kamalaluan jarum. Paralu bana awak rasono manambah kawaspadaan. Caliak contoh mareka malakek-an pitanah ka tigo urang awak di Pilipina jo caro-caro nan sangaik manusuak parasaan. Dalam kaadaan sarupo itu, iyo indak ado lai katampek babaliak salain dari balinduang pado Allah. Mamintak partolongan Allah, mudah-mudahan usaho mungkar dari urang-urang nan baniaik buruak nak marusak umaik Islamko digagalkan Allah. Mudah-mudahan kito umaik Islam manjadi sadar nan bahaso basatu padu mamaciak tali Allah itu sabana paralu supayo urang indak basilanteh angan sajo ka sabagian dari awak.
Dibao pulang kanagari awak, mudah-mudahan anak kamanakan awak bisa awak sadarkan bara gadangno resiko nan kamahadang kalau awak manjauah dari pitunjuak Allah. Nan kadilawan atau nan kamahancuakan awak adolah tanago setan nan indak tangguang-tangguang, jo teknologi tinggino, jo jalur barito (media masa)no, jo kakuatan manusiano, jo parlengkapan parangno dsb-dsb.
Tantangan Palestina, kok indak bana katalok diawak manolong jo tanago (tantu indak kamungkin kalau hanyo angok busuak sajo nan ka dibao kian ka malawan Israel-tu), kok indak bana katalok diawak manolong jo pitih (sabab disabalik awak baserak pula umaik awak nan sadang marintiah manahan sakik jo paruik litak), paliang indak marilah awak tolong jo doa, sabab doakopun marupokan kakuatan. Bisa awak mambaco qunut nazilah, didalam sumbayang fardhu, mandoa maminta tolong ka Allah supayo 'awak' salamaik dari usaho busuak urang-urang kapia.
Wassalamu'alaikum wr.wb.,
Lembang Alam
"J.Dachtar" <[EMAIL PROTECTED]> wrote:
Berbahagialah USA, Israel, Rusia, Pilipina mandapek justifikasi
untuak mambantai umat Islam lewat peristiwa WTC. Sia sajo nan
melakukan, itulah nan sabana pahlawan USA, Israel, Pilipina dan
Rusia.
Do You Yahoo!?
Yahoo! Tax Center - online filing with TurboTax
