Assalamu'alaikum wr.wb., Sanang juo ati mancaliak bola nan ambo opor alah malantun sajak di Bogor, tabang ka Padang disipak jauah pulo dek mak Sati, lah sampai pulo kini di Marseilles (comment allez vous 'nyiak wali Marseilles'? Ca fait des moments qu'on ne vous entend pas, il fait beau a Marseilles ce-jour ci?) sasudah sabaluntu alah sempat pulo malayok ka rantau angku JD di Yuke.
Mangko mah mamak-mamak, dunsanak nan basamo. Kok dikaji-kaji bana tantu iyo gadang sangaik bangkalai nan ka di guliak kalau nagari Minang, nagari urang cadiak-cadiak pandai, nan ka dipeloki. Tapi rasono di hati ambo, angan-angan atau rasian nan ambo sampaikan bukanlah suatu nan indak mungkin takarajoan. Nan paralu bana, iko mancaliak contoh ka nan sudah sabalik nagari, iyolah adono saurang imam nan punyo angan-angan nan sarupo jo rasian ambotu. Contoh nan ambo mukasuik adolah sarupo Park Chung Hee di Korea Selatan, Lee Kwan Yew di Singapura, atau kini Mahathir Muhammad di Malaysia. Urang nan indak banyak kecek tapi banyak karajo. Kadang-kadang iyo agak kareh banak saketek, agak 'pan-den', aratino gadang garegak sainggo nan jadi makmum manuruik, baru lalu karajo tu. Di Indonesia alah panah ado urang sarupo Ali Sadikin walaupun hanyo untuak Jakarta sajo. Lai nampak hasiano tu. Urang sarupo iko nan ambo doa-doakan mudah-mudahan diadokan Tuhan Allah di nagari awak. Urang nan sabana 'committed' untuak mauruih nagari. Kok adolah urang sarupo itu, rasono, indak kasarik bagai urusan mamajuan Sumatera Baraik ko doh. Di awakko, kalau dicaliak-caliak bana, urang banyak, tungkek banyak, nan paralu urang nan kamanurunan lampok sajo lai. Tapi kok indak pandai nan manurunan lampokko, iyo bamalam jadino padi di sawah. Sakitu pulo di ambo katambahno. Wassalamu'alaikum wr.wb. Lembang Alam --- Zubir Amin <[EMAIL PROTECTED]> wrote: > > Assalamualaikum wr.wb. Mudah-mudahan Pak > Syamsir dan Bung Bandaro > selalu berada dalam limpahan Rahmat dan Karunia > Allah rabb ul izzati. > Untuak Pak Syamsir,perkenalkan diri ambo nan urang > Padusunan,Piaman,la- > hia 62 thn nan lalu,dan basawah di Deplu > Pejambon,dan kini jadi Wali no- > gari di Marseille. <dikarek> __________________________________________________ Do You Yahoo!? Yahoo! Games - play chess, backgammon, pool and more http://games.yahoo.com/ RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
