----- Original Message ----- From: "Zubir Amin" <[EMAIL PROTECTED]> To: <[EMAIL PROTECTED]> Sent: Sunday, April 21, 2002 3:30 PM Subject: Re: [RantauNet] Ta sio-sio
> > Assalamualaikum wr.wb. Mudah-mudahan Pak Syamsir dan Bung Bandaro > selalu berada dalam limpahan Rahmat dan Karunia Allah rabb ul izzati. Wa'alaikum salam, wr. wb. Amin ya rabbal alamin. Kami di kampuang juo mandoakan samoga Pak Zubir dan adidunsanak sarato jo anak kamanakan nan di rantau tatap dapek rahmat dan hidayatNya, dan tantu salalu sukses. > Untuak Pak Syamsir,perkenalkan diri ambo nan urang Padusunan,Piaman,la- > hia 62 thn nan lalu,dan basawah di Deplu Pejambon,dan kini jadi Wali no- > gari di Marseille. Kok baitu, saamburan awak ko mah Pak Zubir. Ambo baru tangah duo bulan nan lalu mamasuaki usia nan ka 66, cuma tatap sajo sampai kini jadi wali nikah anak-anak ambo. > Kito ceritokan situasi Tn Air nan alah kondusif bagi semua anak2 Re > publik nan dulu takuik pulang dan kito sarankan pulanglah ka Minang dan > bangun nogari awak dengan ilmu nan langka nan mereka miliki.Kaduonyo men > jawab,alah kami sampaikan usul ka Pem Daerah Sumbar,agar tenaga kami da- > pek dimanfaatkan di Sumbar,itu kecek mereka,tapi sampai kini ndak ado ja > waban ka kami-mungkin Pemda Sumbar masih trauma dgn masalah politik masa > lau kali-. Kok masalah mareka adolah masalah politik (mungkin dulu mareka anggota CGMI atau ormas PKI lainnya), memang masih agak sulik urang di kampuang manarimo. > Mereka ini agar dimanfaatkan oleh Fisip Unand,dan > semuanya mau pulang kampuang untuak memajukan Fisip Unand.tapi kesimpu- > lan nan kito dapek,kecek Rektor dan Dekan,kami "ndak ado kepeang" untuak > menggaji mereka,apa betul itu. Pak Zubir tantu faham bana, bahwa Unand ko universitas pamarentah, nan sagalo dosen dan karyawannya digaji pamarentah. Kalau ado dosen nan bukan PNS, honornyo biasonyo diambiak dari SPP mahasiswa, panambah honor nan dari pamarentah nan memang ketek, bahkan mungkin indak ado alokasi dananyo samo sakali. SPP ko lah sambuah nan dibiayainyo, lah co basalimuik kain saruang. Pasti indak mungkin diambiak untuak panggaji dosen tamu, co nan Pak Zubir tawarkan tu. Apo lai, honor mareka tantu indak bisa disamokan jo honor dosen luar biasa lokal, pasti musti ditambah jo biaya akomodasi, transportasi dan servis khusus untuak mareka. Pasti indak bisa didukuang dek dana nan ado. Dosen lua nan biasonyo ditarimo dek PT awak, negeri dan swasta, adolah dosen bantuan panuah dari lembaga suatu sponsor. Nah, kalau Pak Zubir bisa mancarian sponsor nan bisa mendanai mareka ko, ambo yakin, kasadoalahe PT di Sumbar pasti manarimo. Kami di Fak. Sastra UBH baru sajo manarimo satu urang English native speaker nan ka manolongi kami di jurusan Sastra Inggris salamo 3 bulan. Tapi biaya nan dikaluakan UBH relatif minim, dek lah ditangguang dek sponsor nan mandatangkan inyo ka Sumbar. Masalah pitih ko jan dianggap enteang, dek tiok lembaga, pamarentah atau swasta, tantu bakarajo jo planning nan lah tasusun dan indak bisa diurak baitu sajo. Kalau Pak Zubir bisa mandatangkan urang awak nan bisa manolongi UBH dan didukuang dek sponsor untuak jangko waktu tertentu, ambo punyo akses ka pimpinan UBH untuak marambah jalan. Pasti respon pimpinan ko "ketek tapak tangan nyiru kami tampuangan". Kok memang ado adindunsanak jo anak kamanakan nan di rantau nan serius ka mangirim intelektual cap ampu awak nan kini dilua, cubolah programkan sacaro serius, langkok baganok jo proposalnyo, nan jaleh tasurek ado sponsor nan ka maongkoihi mareka salamo manyumbangkan ilimunyo di kampuang. Kok indak ka mambareki kami di kampuang, pasti kami tarimo; tantu untuak bidang-bidang ilimu nan paralu dek kami. Ambo amuah manjamin untuak mauruih di UBH sampai salasai kok ado kamanakan awak nan English native speaker, aratinyo, laia dan gadang di suatu English speaking country, paliang kurang baijazah MA dalam bahaso Inggirih, namuahnyo maaja di jurusan bahaso Inggirih kami di Fak. Sastra UBH untuak jangko waktu tertentu dengan dukuangan satu sponsor, pasti kami tarimo. Tapi kok kami nan ka manggaji, apo lai jo standar gaji lua nagari, tantu iyo managak-an bandera putiah kami. Baa Pak Zubir? Lai ka mungkin Pak Zubir muloi mancari sponsor nan ka mandukuang urang awak untuak mangabdi di kampuang halaman. Lai sasuai tu? mS RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
