Ass. ww,
io rancak ide jo pandangan sanak Wahdi
buliah mak langkok sato pulolah awak sakaki bapak/ibu, soal kuricih masuakko
paralu pulo dipikiakan jalan kaluanyo. Pangalaman awak nan baru sakali ka
Pemandian Malibou Anai adolah, ado sekitar 4x mambaia pos kuricih supayo sampai
ka tujuan mulai dari pintu gerbang Malibou. Mungkin faktor pengelolaan dari
kuricihko paralu di paratikan bana dek pengelola tampek wisata. Karano nan
datang bakunjuang untuak wisata itu bukan sajo hanyo urang asiang atau urang
bapitih tapi juo urang kabanyakan bahkan anak mangaji malam atau panti asuhan,
kito dapek mambayangkan bara pitih harus dikaluakan untuak itu kalo mereka
maulang baliak pai ka sinan. Alun pulo lai kok pai ka lokasi wisata nan lain
(istilah kami wakatu mangaji malam saisuak namonyo raun kaliliang manjalang
puaso/hari libur sikola)
sakitu
dulu nan dapek awak sampaikan supayo juo tamasuak jadi paratian kito
basamo.
wassalam
Batuduang Ameh
-----Original Message-----
From: Wahdi Azmi [mailto:[EMAIL PROTECTED]]
Sent: Tuesday, May 21, 2002 11:13 AM
To: [EMAIL PROTECTED]
Subject: Re: [RantauNet] Pengembangan Industri Parawisata di Sumbar
Assalamualaikum, Sato ciek mak.. Ambo tertarik nak baraja jo sumbang pamikiran di dalam masalah pangambangan eco-tourism mak, satokan denai mak, satokan denaaai.. Ambo ado contoh ciek tantang pariwisata di Danau Toba, kok urang inggirih mangecekkan urang disinan lah mambunuah angso nan batalua ameh. Baratuih toko dan usaho lainnya yang manggantuangkan hiduik ka bakeh urang nan datang. Si Amang nan manjua karajinan nan sadang manyeka abu di lapaunyo tu, talampau sibuk manunggu lapaunyo tu, sainggo nan nampak deknyo iyo cuman sakuliliang isi lapaunyo see.. Kok ditanyo apo sabab barangnyo kini kurang laku, jaweknyo memang sakitu rasaki nan diagiah dek Jesus. padohal kalau nyo cubo agak sakali manyusua jalan arah ka medan, ditampek nan agak tinggi tu nampak kuliliang danau, rancak ?? sabana indak doh, Hutan dikuliliang danau toba tu, kini yo lah sabana abih, pinus nyo diambiak ka pambuek karateh, dan kaparaluan urang nan lain. Padohal alasan urang baondoh datang kasinan dulu dek karano alam nyo nan indah jo danaunyo tu, Kok cando iko caronyo sabanta lai aia danau tupun pasti suruik dek ndak ado utan nan manjago stabilitas hidrologinyo. Mudah-mudahan ndak tajadi di maninjau dan singakarak den. Pangalaman tampek lain sarupo tu paralu juo jadi bahan pertimbangan awak jikok kamamulai konsep sustainable based eco-tourisme. Contoh lain nan buruak iyolah bukik lawang di Sumut. tampek urang manikmati keasrian alam disinan lah barubah jadi tampek pambuangan sampah dek pengunjung dan tampek basasakkan sagalo jenis bangunan mulai dari yang ukuran gadang sampai nan sameter, mulai dari ateh sungai sampai kaateh tabiang, iko sadonyo akibaik perencanaan yang sangaik lemah dari pandahulu disinan. Itulah konsekuensi dari pengembangan eco-tourism massa, akibaiknyo pitih nan didapek ndak sabandiang jo tekanan ka alam. Ambo raso alah saatnyo awak manjua sasuatu nan agak eksklusip, urang nan datang ndak paralu rami sangaik tapi pitih nan harus dikaluakannyo ratusan kali lipek dari yang diharokkan dari back packer. Ongkoih untuak datang kamancaliak alam ditampek awakko urang tu harus mangaluakan pitih ribuan dollar, sampai disiko urang tu cuma mambayia Rp 2500 untuk masuak kawasan wisata alam kito, that almost nothing for them. Tapi baitu kito kamanjua maha tantu sadoalahnyo harus dikelola sacaro professional.. sakitu dulu W.A. St. Rj. Imbang
Join Excite! - http://www.excite.com
The most personalized portal on the Web!
