Assalamualaikum wr.wb.Semoga limpahan Rahman dan RahimNya selalu
tercurah untuak sanak ambo,H.Arman Bahar di Duri,Riau.
Gadang bana hati ambo nyeh sanak,mandapek respon langsuang dari
urang sakampuang nun jauah di ranah Duri,Riau.Baa mangko baitu,partamo
jarang sekali atau buliah dikatokan sangenek bana,urang Koto Marapak dan
urang Padusunan,apolagi nan salingka IV Angkek Padusunan nan mengeluti
dunia maya Internet ini.Kalau ado mungkin alun sempat mancogok.
Nan kaduo,ambo kiro sanak sasudah pulang dari melaksanakan Haji
baru-baru ko,indak bakacimpuang di Rn ko.tapi tampaknyo anggapan ambo
salah,sanak Arman masih segar bugar eksistensinya di Rn ini.Itu nan mang
gadangkan hati ambo.Lai acok juo sanak pulkam,mancaliak ranah dan tara-
tak Koto Marapak.Ambo tahun 1998 pernah ke Unri,Pekanbaru,berceramah di
FISIP UNRI,Pekanbaru tentang Politik Luar Negeri RI dan berkunjuang ke
Complek Caltex karanno ado adiak misan nan bakarajo disitu.Sempat pulo
singgah dirumah makan ikan Patin,ambo lupo namo jalannyo,sempat pulo ma
kan durian(dasar cangok komah sanak) dipasa,malam hari,io sero bana.
Satantang himbauan ambo ka Arman Bahar Datuak Bandaro(maaf kalau
salah manyabuik) nan manyangkuik sanggahan ambo ateh posting Ronal C.
tarutamo soal pangaratian "harato tambilang ameh",sabananyo nan tapek
marespon adolah sanak nan alah bagulimang sajak ketek dengan petatah pe-
tih nan dimatangkan dengan "pandai mangecek caro adaik" apolagi lah di-
lengkapi dengan gelar penghulu.Kok nan manyangkuik diri ambo,jauh panga
tahuan "pandai mangecek caro awak tu",maklum alun baumua satahun jaguang
alah mangiraik dek untuang jo parasaian ka ranah Betawi.Apolagi nan na
moé gala pasukuan dan kaum,alun ditabalkan lai doh sacaro adaik.Tapi dek
kaum Mandailiang dan para Datuak suku di Padusunan,tampaknyo babega mato
nan banyak,lah tasuduik badan denai,kandak kaum agar ditarimo gala kaum.
Taruih tarang sajo,sanak Arman,dengan segala penghargaan dan kehormatan
kepada keagungan adat istiadat Minang,ambo ndak berminat manyandang gala
kaum itu,sampai kini masih dalam status quo.Risau hati komah sanak.
Supayo sakali marangkuah dayuang,duo tigo pulau talampau,sakali mam
buka puro,duo tigo utang tabaia,ado ciek nan tapikia dek ambo komah sa-
nak yaitu tentang kesiapan "sosialisasi" kembali ka bantuak Nogari dikam
puang awak.
Duo tahun nan lalu,ambo pulkam,dek nan mudo-mudo ambo diminta pandapek
tentang kembali ka bantuak Nogari tu.Nan mudo-mudo ini gamang nampaknyo
sia nan kajadi Wali negeri(bukan kep.Desa/Lurah) dan baa caroé memilih
wali nogari tu dalam semangat Otda tentu.Ambo kecekan,cubolah bahimpun
sagalo cadiak pandai,tarutamo nan mudo-mudo dari ka IV Angkek Padusunan
tu.Duduak baio-io,cari bantuak lamo nan bisa dikambangkan kini.Itu sa-
ran ambo dulu.Ndak tahulah baa perkembangannya kini.
Kok lai ado sanak Arman Bahar punyo saluran di Koto Marapak,ado ran
caknyo di berikan sumbang saran,caro-caro bantuak baliak ka Nogari sapa
rati saisuak.Baralah kalamaknyo baliak,garah dan kucikak sarato sapo jo
himbauan bakumandang tanpa batas korong.Wakatu dulu io balaku"sadancing
bak basi,saciok bak ayam,kateh samo mandaki,kabawah samo manurun,muluik
manih kucindam murah,"kama sajo awak pai di negeri IV Angkek Padusunan
singgah dilapau di Koto Marapak samo sajo awak maraso singgah dilapau di
Kampuang Gadang atau dilapau di Bato atau Batang kabuang.Itu nan sabana
sambah tatuju ka sanak Arman.
kam
puang awak
_________________________________________________________________
MSN Photos is the easiest way to share and print your photos:
http://photos.msn.com/support/worldwide.aspx
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.
Mendaftar atau berhenti menerima RantauNet Mailing List di:
http://www.rantaunet.com/subscribe.php3
===============================================
