Tanggal 2 Juli 2002 Mak Ban mangatokan :
>Kpd sanak Winaswin
>Umumnyo rantaunnetters "indak berani" mambukak attachment.
>Biasonyo langsung didelete, ....... as always I did.
>Dan juo "kebiasaan" di Rantaunet ; adolah tdk mengirim attachment ke
>ML Rantaunet.
>2 kali posting anda penting. >Kami minta tolong utk di kopi pastekan sajo.
>'mokasi
>
>mak Ban ( 52), Bogor
>~~~~~~~~~~~~~~~~~~~~~
>
>> Ass.w.w, Ma'af talambek - dek alun tau aturan RN, jadi ambo kopi paste kan baliak.
> Kok ka dicubo juo - paliang beda samiang.
>> Iko utk nan alun tau sen. Wass.w.w.
>>-----
Ma sagalo adi dunsanak nan ambo amba gadang,Assalamualaikum w.w.,
Hari Raba�a bisuak, tanggal 3 Juli, pk. 12.00 wakatu Makkah matohari �barado�
satantang kota Mekkah jadi tapek di ateh Ka�bah. Indak bara lamo lapeh tu masuak
wakatu luhua di sinan.
Koq ado diantaro dunsanak nan jadi anggota panitia pembangunan musajik, ikolah wakatu
nan tapek untuak manantukan arah Kiblat. Jan sampai musajik lah salasai, arah
kiblatnyo ma-ereng dari dindiang musajik; tapaso pakai cello-tape/lakban manandoi saf
di karpet.
Ba-a caronyo? Ibaratkan matohari tu saroman balon-iklan gadang nan ta-julua di-ateh
kota Mekkah. Sasuaikan ukatu Mekkah tu ( pk 12.00 ) jo wakatu dima dunsanak barado. (
di Batawi nan beda 4 jam : jadi pukua 16.00 WIB ). Tunggu wakatu nan tapek tu, ambiak
galah, diri-kan tagak luruih 90� di tampek nan kanai cahayo matohari. Bayangan galah
nan ba-rupo garis luruih di tanah / lantai tu merupokan arah kiblat nan tapek.
Tando-i bayangan tu jo cat atau di semen bia nak jaleh indak ka barubah-ubah lai.
Bilo ka manantukan arah kiblat, ikuti sejajar jo tando nan lah ado tu.
Ambo harokkan dunsanak lai mangarati mukasuik gaek, sebab kalau di kiro2kan sen arah
Kiblat ke Barat bisa2 ka Amrik pai-nyo atau kalau talalu mereng ka ateh kan bisa jadi
sampai ka Vatikan atau ka Rusia.
Ba�a mangko co itu? Bumi nan �bulek� ko, wakatu mangaliliangi matohari ( salamo
sa tahun ) malenggang lenggok co rang padusi turun ka ngarai. Di caliak dari Bumi,
Matohari malinteh naik ka ateh sampai ka garih 23�� Lintang Utara, dari sinan baliak
turun sampai di 23�� Lintang Selatan; co itu miang taruih bakapanjangan sampai
Kiamaik hari.
Kiniko nyo sadang turun ka-baruah - dalam �perjalanan� dari 23�� LU ka 23�� LS. Kota
Mekkah ado di 21�� LU ( tapeknyo 21� 25�� LU ). Jadi Matohari dalam �perjalanannyo�
dari Utara saat nyo melinteh titiak atau garih 21 darajaik 25 minik tu, ukatu itu lah
cahayo matohari tapek diateh kota Mekkah. Sbg. catatan dalam sa tahun kota Mekkah
�diliwati� matohari duo kali: tgl 3 Juli dan tgl 11 Juni
Koq indak talakik mancubonyo, mungkin dek ta-lambek buka imel, jan pulo ba-ketek hati,
kan bisa di cubo tgl. 11 Juni tahun di muko. Catat sen di almanak nan katibo
Cuma caro ko balaku utk belahan bumi nan sadang kanai cahayo matohari yg sadang barado
diateh Mekkah; untuak nan di sa-baliak bumi? Iyo indak tantu di gaek doh. Iko dari
ctt. pengajian hr.Minggu tgl.18 Mei 97 di Masjid Agung Sunda Kelapa ( tampek
bakumpua-nyo urang awak nan di Jkt.), dgn penceramah Drs. H. Wahfiudin, MBA., wakia
Abah Anom � TQN - Tsm.
Sakitu dulu dari ambo, nan pasti kebenaran dari Allah, koq keliru karano
tangan nan mamacik pituluik lah mangguretek . . . Wassalam w.w.,
Muncak gaek � tabek dalam, batawi.
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.
Mendaftar atau berhenti menerima RantauNet Mailing List di:
http://www.rantaunet.com/subscribe.php3
===============================================
