----- Original Message ----- From: "Abrar Yusuf" <[EMAIL PROTECTED]> To: <[EMAIL PROTECTED]> Sent: Thursday, July 04, 2002 7:32 AM Subject: Re: [RantauNet] Banten Membaca ... Perpustakaan?
> ---------- Original Message ---------------------------------- > From: "Sjamsir Alam" <[EMAIL PROTECTED]> > Reply-To: [EMAIL PROTECTED] > Date: Wed, 3 Jul 2002 16:55:49 +0700 > [abr]: Mungkin selama seperempat abad ini pendidikan untuk memanfaatkan perpustakaan belum banyak berhasil. Mungkin guru tidak pernah menyuruh muridnya ke perpustakaan. Mungkin PR yang diberikan Cikgu tidak memerlukan perpustakaan. 1. Baa lo guru ka manyuruah murik baraja di perpustakaan? Isi perpustakaan sikola cuma buku teks nan tamusaua jo istilah "buku paket". Perpustakaan sikola mangandalkan pengembangan koleksinyo cuma dari kiriman pamarentah. Dan ... kiriman pamarentah ko ampia sadonyo buku paket. Ampia indak ado buku referensi lain. Sikola ka mambali? Dari ma pitihnyo? Anggaran rutin? Iyo lai ado, tapi cuma cukuik untuak pambali, mungkin, indak sampai 10 buah buku. Lai tau angku-angku, bahaso, kutiko ambo jadi bujang salamaik mauruih perpustakaan sikola di Kanwil Depdikbud saisuak, anggaran perpustakaan ko jadi ciek jo pakaian pisuruah kantua? Jumlahnyo tiok triwulan? Na'uzubillah kaciaknyo. Kok sadonyo dibalian ka pakaian pisuruah, indak sampai pambali duo tigo stel doh. 2. Guru ka manyuruah murik mambaco bahan pengayaan di perpustakaan? Guru ko kan murik juo sabalun jadi guru. Kutiko mareka jadi murik, mareka indak pernah disuruah gurunyo saroman itu. Di IKIP? Samo tau sen lah awak, labiah-labiah sajak IKIP mancetak guru massal di taun 1970-80an. Mancetak ribuan guru jo program D1, D2 jo D3 ko proyek miliaran rupiah. Ma lo ka talakik dek dosen IKIP mangarajoan saroman itu? Kini tiok rombongan belajar gadangnyo allahu rabbi. Baa lo ka manggubaloan mahasiswa sampai mamareso apo mareka lai mambaco di perpustakaan? Mungkin dosennyo sajo indak pernah ka perpustakaan, dek ari mareka lah abih maaja di PTS. Masalah perpustakaan ko lah karuah dari ulu. Lah kusuik co sarang tampuo. Tiok urang, tiok pejabat bapidato mangecekan "perpustakaan adolah jantuangnyo pendidikan". Tapi tibo di APBS, jantuang ko indak basuo doh. Kok ka basuo juo jumlahnyo sagadang bijo bayam, kok indak ka sagadang mato pinjaik. Sajak duo bulan nan lalu ambo dimintak dek kapalo MAN nan gadang di kota Padang jadi "konsultan" perpustakaan sikolanyo. Dari awa ambo lah bapaik-paik. Kutiko tu baliau lah bajanji ka bausao samaksimal mungkin mamanuahi kebutuhan minimal. Sasudah bajalan kiro-kiro sabulan, kutiko petugas paralu komputer, ambo mintak ciek unit dari 6 unit nan ado di sikola tu. Mulo-mulo sambuah alasannyo indak bisa. Dek disasakan juo, diparentahannyo anak buahnyo maantaan ciek unit. Sasudah ambo pareso, nan diagiahannyo komputer nan paliang kuno dari nan anam tu. Ambo bae marabo. Baru ditukainyo jo nan agak lumayan. Ambo curitoan iko sakadar contoh kasus. mS RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
