Assalamualaikum wr.wb.
On dated 26 Sep.2002,kamanakan Ronal Chandra al wrote:
"...io ambo mensikapi dari sisi lain,karano nan tampak
dikatangahkan dari film tu kritik hangat nan disampai
kan lewat guyon.ijan awak bangih...ambia sei sisi po
sitifnyo...ijan juo awak manutuik mato kok ado hal sa
rupo itu tajadi(datuak2 babini banyak)".
------------------------------------------------------
Ibaraik main silek,caro Bu Nismah manggadokan bola soal"duo datuk"
gadoannyo itu hampia samo jo pandeka tuo malangkah panuah bayang jo isa
raik sambia marantangkan tangan,balapik tangan disarawa gadembong,taka-
juik pihak kawan bamain.Io lah bacirabuik kanakan nan mudo-mudo,manyi-
pak bola tangguang tu.Bu Nismah buliah galak-galak maco menyaksikannyo.
Samulo jo Buyuang ndak akan ikuik dalam bacarabuik bola tu,tapi sa
waktu pulang kantua,lah lapeh rangah sajamang,sambia duduak di beranda
wisma nan ditemani oleh secangkir teh Kayu Aro,ado milis nan masuak dari
kanakan Ronal,nan minta pandapek soal arati korenah rang Minang nan dipi
lin dalam kalimat"kok tahimpik nak diateh,kok takuruang nak dilua" nan
manuruik Ronal artinyo tu berdasarkan penjelasan seorang mamak"urangawak
kok ado masalah harus sanggup tagak dilua dan mancaliak sarato patuik2
masalah dengan tanang indak jo emosi".
Sambia badendang-dendang ayam,jo Buyuang mancubo memenuhi perminta-
an kanakan Ronal.Nan disampaikan Ronal agar kito ko jan capek berang da-
lam menyikapi suatu persoalan,itu adolah pandangan nan sabananyo sebagai
anak mudo Minang.Berang awak,tasingguang awak,datuak-datuak dikecekkan
babini banyak,sah-sah sajo.Tapek bana nan dikecekkan Ronal ambil sajo si
si positifnyo atau menuruik rang palanta ko,cari lah peluang dari kritik
itu bagi kesempurnaan wajah rang Minang.Jaan lansung berang mamburang-sang
sajo,kan baitu Ronal.
Untuak sebagai bahan bandiang sajo,cubolah pelajari sebab-sebab nan
hakiki dari timbulnya perang Paderi.Wakatu parang tu alun ado bangso Lon
do sato lai doh.Awak samo awak tapi lain latar belakanngnyo.Silakan sajo
mancari surang akar sejarah ini.Dengan mendalami sebab-sebab timbulnyo
parang ini akan terjawab praduga Ronal,mungkin ado hal sarupo nan tajadi
aratinyo ado kemungkinan pribadi-pribadi nan bagala Datuak ado nan babi-
labiah dari ampek.Harus disikapi pulo,nan babini banyak tu dalam sinet-
ron Duo Datuak tu,bukan Datuaknyo nan babini,tapi pribadi-pribadi nan ka
batulan bagala datuak anu.Para sanak dan adi dunsanak,kalau bak itu saba
nanyo ndak paralu bana dipermasalahkan.Masalah pribadi lain dengan gala
Datuak-Datuak.Rang palanta ko kok namuah babini banyak,apo sasuai jo aga
mo atau indak,atau jo uu perkawinan,nekat, bisa sajo babini banyak asa
pandai baduto,basilek lidah,taba muko,banyak kepeang,pandai mandok diba-
liak ilalang salai.Kok ndak bisa caro tu,jaan babini banyak,surang sajo
kan cukuik,atau ado induak bareh awak manyuruah makan batambuah kan bu-
liah pulo.Sia tu urangnyo,antahlah lai ka ado zaman kiniko tu.
Khusus mengenai pertanyaan Ronal,lai io sarupo tu arati tahimpik nak
diateh dan takuruang nak dilua.Mengenai masalah ini ado duo versi Ronal,
nan pertamo mungkin nan Ronal tarimo dari"mamak" Ronal tu batua.Masih a-
da versi lain nan agak ekstrim sebagai sindiran ka sifat rang Minang,ti-
dak kasodonyo doh,sifat cudia,nan lari dari raso kebersamaan dan persatu
an,ingin salamat sandiri.Urang disuruahnyo maju,ybs.malah mundur mancari
jalan utuak mandok(lari).Cubolah inokkan bana,kato-kato tu,dimalo urang nan
sadang tahimpik basamo,antah inyo dibawah,ditangah,eh ybs.ingin dia
teh sagalo urang nan tahimpik tu,mangaliciak dan lari dari kebersamaan
dalam kesulitan dan kesengsaraan.Awak lah takuruang basamo,eeh ado kawan
nan ingin barado dilua,dima latak solidaritas perkawanan dan pertemanan,
apo itu ndak cudia namonyotu.Jadi marilah jujur dalam mengartikan sesua-
tu nan manyangkuik baik adat,agamo atau kebiasaan hiduik rang Minang.Be-
rilah rang mudo-mudo kito ko dengan penjelasan nan logis tentang adat is
tiadat,patatah patitih.Mari kito katakan nan bana walaupun pahit diraso-
kan secaro kebiasaan tingkah korenah rang awak Minang.Marilah biasokan
hidup dalam perbedaan,baik alam insani ataupun alam nutural semua diben-
tuk dalam hakiki perbedaan.Resapilah sendiri dengan kepala dingin dan pi
kiran nan tanang.Mungkin,jo Buyuang manulih comanko karano menikmati teh
manih Kayu Aro.Salam hangek untuak kasado alahe.Selamat sore wakatu Mar-
seille(jam.18.30).Ajo Buyuang,Marseille.
_________________________________________________________________
Chat with friends online, try MSN Messenger: http://messenger.msn.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.
Mendaftar atau berhenti menerima RantauNet Mailing List di:
http://www.rantaunet.com/subscribe.php3
===============================================
