Ma sagalo adidunsanak jo anak kamanakan di sagalo suduik bumi Allah ko, Assalam'alaikum wr. wb.
Alhamdulillah, dengan mangucapkan syukur ke hadirat Allah swt., saruan ambo lai dijawek dek salah surang adidunsanak, hamba Allah (baitu baliau bapitaruah ka ambo), nan lah bainfaq sabanyak US$ 200,- dan lah ambo tarimo tadi pagi dalam bantuak rupiah malalui rekening ambo di BCA, manjadi sabanyak Rp 1.790.050,-. Dek pitaruah nan bainfaq musti ambo sarahan ka panguruih musajik dalam bantuak barang, sasudah barundiang jo panguruih, sasuai jo kabutuhan lah dibalian ka atok genteng metal warna biru merek Hanna dengan harago khusus untuak mesjid Rp 15.500,- per piece, sahinggo dapek sabanyak 115 pieces (28,75 meter bujua sangka) dan langsuang dibao ka musajik. Beko malam ka disarahan sacaro resmi ka panguruih mesjid dihadapan jamaah shalat tarwih. Ateh namo panguruih dan jamaah mesjid Nurul Huda, Wisma Tabing Indah, ambo mangucapkan tarimo kasih banyak, mudah-mudahan Allah swt. akan mambaleh jo rahmat dan hidayah bakatarusan ka dunsanak ambo nan lah bainfaq ko. Indak abih-abih ambo manalantangan tapak tangan ka adidunsanak jo anak kamanakan nan lain nan lai bamukasuik ka bainfaq, basadaqah, bazakat dsb.nyo, masuakan juo lah musajik kami ko ka dalam daftar nan ka manarimo. Wa billahi taufiq wal hidayah Wassalamu'alaikum wr. wb. Salam, mS RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
