Kpd efi. Mungkin salah alamat. Dipostingkan di balerong RN baliak. mak Ban ~~~~~~~~~~~
-----------------Quoting previous message:----------------- > >Ass.wr.wb > >Bacarito tantang pengalaman ba hari rayo dinagari urang iyo lain2. Iko ado >carito pendek ba hari rayo di Balando. Hari Rayo tahunko jatuahnyo di >Balando tanggal 5 Desember. Kami biasonyo tiok taun, pai sumbayang hari rayo >ka Mesjid Al Hikmah di Den Haag. Jaraknyo dari rumah kami kiro2 100 km. >Musajik tu dulunyo Gereja, kudian dijua dek pastor kaurang awak ( >Indonesia ). Katikotu dapek bantuan dari pemerintahan awak ( masih Soeharto >periode ) untuak mambalinyo, nan akhienyo di resmikan jadi musajik. >Dimusajiktu kini ado untuak anak baraja mangaji, untuak rang balando nan >lah maucapkan duo kalimah shahadat, sataruihnyo wirid2 pengajian nan >diadokan sakali saminggu. Para ibu2 urang awak mambuek makanan, sakali >saminggu bakumpua dimusajik basamo2 sudaro2 nan lainnyo , kalau salasai >bawirid mako makan2. ( saketek tantang musajik dan kegiatan ) >Oh yo karano disiko musim dingin mako jam manahan di bulan puaso >sabantanyo. Sumbayang hari rayo mulainyo pas jam 10.00 wakatu satampek. Kami >barangkek barampek ( Apak Dani�l ,anak Esmeralda, dan Sabrina sarato ambo >amak paja Efi ) dari rumah kiro2 jam 07.30 pagi. Ditangah jalan agak macet, >maklum pagi banyak urang nan barangkek kakarajo. Tapi untuang ndak ado salju >licin dijalanan sarupo tahun2 sabalunnyo nan sangek mambahayokan untuak >urang nan pai2 jo oto. Kami tibo di musajik Al Hikmah kiro2 pukua 09.00. >Syukur masiah ado tampek untuak mangambangkan lapiak sumbayang. Kami cari >tampek disuduik supayo saf urang ndak putuih dek awak mambaok anak ketek >baumua 2 � tahun. Tapi pas awak duduak Sabrina nak ka Apaknyo, sadang >Apaknyo dilantai duo. Untuak nan laki2 dilantai ateh. Untuak padusi dibawah. >Karano banyaknyo urang Sabrina ndak bisa dibao ka Apaknyo, hinggo manangih >kareh2. Tapi untuang pas mulai tagak kasumbayang inyo diam sadiam2nyo. >Alhamdulillah. Ambo dapek sumbayang tanang. Tapi baru sajo salasai sumbayang >diumumkan supayo kami bageser kabalakang, karano ado ronde kaduo nak >kasumbayang dimano dek kabanyakan urang nan datang tampek ndak mancukupi >dari jumlah urang nan datang, mako diduokalikanlah sumbayang haritu. >Salasai sumbayang dan mandanga ceramah takbiran, biaso ado kasampatan pai >basilaturrahmi kekedutaan awak di Den Haag. Disinan taraso awak ndak jauah >doh dari kaluarga, dunsanak. Sabab urang awak bakumpua basamo2 jo bapak >dubes dan ibu marayokan hari besar ummat islam. Basalam2an sasudah tu makan2 >yang didanai dek kedutaan awak. Cuma raso suasana dinagari awak ndak ado. >Sabab dapek makan makan nasi dalam kotak. Ndak ado randang padang, kalio >ayam, lamang tapai, lontong katupek, sarikayo, kacang tojin, rempeyek. >Sabuiklah nan lamak2 di hari rayo. Itu jauah, jauah dari kami. >Tapi sacaro pribadi biasonyo kami alah manyiapkan makanan2 hari rayo >dirumah, sarupo kacang tojin, rempeyek, es teler, kue semprong bali ditoko. >Mambuek randang, kalio ayam, katupek lontong lamang ndak pakai tapai , >hinggo urang2 nan lai bakatauan jo awak datang bahari rayo. Mungkin harirayo >partamo, kaduo atau katigo. >Atau awak nan datang kakarabat2 nan lain. Baitulah tiok tahunnyo suasana >harirayo di Balando, nan ambo jalankan. Mudah2an lain wakaktu lain suasana >awak bacarito nan lain pulo. >Salam kami untuak rang planta sado alahe. > > >Wassalam, > > >Efi > > > > RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
