Assalamu'alaikum ww Sanak2 sadonyo ... mambaco barito manganai baliak ka nagari saketek banyaknto iyo manggisia sahinggo ambo ingin mautarokan saketek pandangan yang mungkin kurang pas kareno ambo masih anak mudo kemaren sore.. jadi kalo ado salah2 tolong dibatuakan.
Kadang2 romantisme untuak "baliak" ka sistem nan lah lamo awak tinggakan baiak sukarela maupun tapaso .. sabananyo ado karugiannyo .. salah satunyo yang manjadi pikiran ambo adolah masalah pemilihan penghulu yang didasarkan pada "keturunan". Sistem "katurunan" ko buliah dikato alah gagal dima2 dan samo2 kito tau saat ko yang tabaik adolah adonyo equal opportunity bagi siapo sajo. Jadi siapa sajo yang bakompeten bisa jadi penghulu baik inyo sutan, mantiko, datuak atau sabagainyo bisa duduak sabagai pamimpin nagari. Yang kaduo masalah suku .. iko sabananyo bahayo juo karono kini ado kecendrungan sentimin kasukuan maningkek .. kato urang suku chaniago yang jadi panghulu sukunyo handaknyo .. baitu juo suku patapang, malayu, bugi dsb. Akhirnyo lego pagai nan tajadi. Baitu dulu nanti di sambaung Dt. Bandaro Panjang USA --- maxaciak minang <[EMAIL PROTECTED]> wrote: > > Assalamualaikum Wr.wb. > >>>Ambo urang nan putiak paja alun pandai > manga-manga lai, nak mancubo mananggap peran Nini > Mamak nan bukan Niniak Ngangak.Biaso harimau kalau > mangaum ndak ka manangkok, baitu juo bagi ambo > mengenai Ketua LKAAM Kab. Solok nan baru sajo > dukukhkan. Apo sabab caliak contoh kanan sudah tuah > ka nan manang. dek salamo ko awak alah tanina > bobokan direzim Orba tantu ndak samudah tu pulo > luntur no. Kebanyakan di Ninik Mamak kini bapikia ma > tanah pusako nan ka bisa dijua, atau untuak > mampakayo anak bini. Jariah manantang buliah, > bakarajo dulu baru laporkan hasilnyo ko indak, alun > bajalan alah bakecekan sampai, karajokan dulu > konsolidasi tu iyo lai bisa atau indak kok lai bia > kajadi contoh bagi anak jo kamanakan. Disampiang tu > peran ninik mamak nan bakatokan akan dilaksanakan > sesuai fungsi no perlu diperjelas atau digarih > bawahi, sebab acok bana dikatokan peran ninik mamak > nan ka dsesuiakan fungsi no nyato no nol koma nol, > hanya sebuah harapn untuak mancapai sesuatu dalam > sesaat. Elok lah ninik mamak kini ndak usah > malontarkan banyak komitmen > nan akhir no jadi permen . > >>>>Karano awak alah mancanangkan program babaliak > kanagari, elok ninik mamak tu mengembalikan fungsi > dasar minangkabau sapanuah no, nan jaleh barani kini > ninik mamak nan dikampuang maubah namo Sulik Aie ka > bahaso minangkabau, Muaro Labuah, atau Padang > Sibusuak kalau ndak ka bisa contoh ketek tu baranti > untuak mengaluakan komitmen nan tagageh. Baitu juo > urang gadang basa batuah nan dikantua, dilabuah, > dipasa dan lapau mulai pulo lah baliak maimbau gala > no sasuai peran hidup diranah minangkabau, disitu > baru adat bisa dipakai limbago dituang. Kamudian > dapek kumbali berperan apo nan disabuik duduak sama > randah tagak samo tinggi, jan sarupo kapatang ko > sagan awak a no pejabat terhormat, atau a no urang > kayo, jaleh bertabrakan jo kaidah adaik minangkabau > "Adaik basandi syarak, syarak basandi kitabullah" > bukan "Adaik basandi siarak, siarak basandi carai". > Nan tasirek disinan bahaso diadaik minangkabau ndak > urang nan diistimewakan melainkan disagani dek adaik > tu sendiri, seperti dianjuang basa, diambak gadang, > didaulukan salangkah, diting > gikan sarantiang namun dalam keputusan diambiak > dalam kesapakatan musyawarah melalui buliak aie dek > pambuluah, bulek kato dek mupakaik, jadi bukan ninik > mamak batangan basi jadi dalam adaik minangkabau > semua masyarakat dipandang samo peran dan hak no. > Baitu itu juo Syarak (Syari'a) agamo tu mamandang > samo dihadapan Allah Swt. didulukan salangkah katiko > jadi imam atau khatib sasudah tu kedudukan beliau > tetap samo jo manusia lain baik rasaki, jodoh jo > mauik. > >>> Sebagai urang minangkabau tantu memilik > identitas nan jaleh, baik itu nan dilewakan dalam > marawa gadang katiko tagak pangulu, bisa pulo > katiko a no barumah tanggo katiko baralek. Tapi > mambaco ucapan mamak Tungku Lareh ko ado saketek nan > indak terfilter ucapan dari pembesar dikampuang tu, > ambia contoh apo nan diucapkan oleh Wabup kalau ambo > paratikan wa a no ndak urang minangkabau atau alun > barumah tanggo atau wa a no padusi, baa sabab masih > paja kaciak ndak bagala mungkin dalam pemerintahan > berfungsi penuh tapi dalam tatanan adat minangkabau > alaun. Buliah memberikan ungkapan tapi tunjuakan > jati diri si gala angku Elfi Sahlan tu. Mako no > mulai dari kini sabaiak no ninik mamak nan dilantik > berpegang pado kaidah adaik nan sabana no, yaitu > Adaik basandi Syarak, Syarak basandi Kitabullah, > dimano kamanakan barajo kamamak, mamak barajo > kapangulu, pangulu barajo ka alue jo patuik, alue jo > patuik barajo jo kato bana, kato bana barajo ka nan > kuaso. Jan sampai ninik mamak barajo jo kato bini, > jo anak atau jabatan atau kato no surang sahi > nggo ndak ka basuo alue jo patuik tapi patuik > dialue, nan labiah maalue kamanakan jo patuik > dimamak. > Sahinggo tu nan dapek amboa agiah dipalanta ko, > labiah jo bari maaf ambo ko kurang bisuka didapua > dimasak pulo baliak, rila kan ambo untuak paramisi > dari dunsanak daulu lah takantuak matoko. > Wassalamualaikum Wr.Wb. > [EMAIL PROTECTED] > > > > > > --------------------------------- > With Yahoo! Mail you can get a bigger mailbox -- > choose a size that fits your needs > __________________________________________________ Do you Yahoo!? Yahoo! Mail Plus - Powerful. Affordable. Sign up now. http://mailplus.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
