Ass, WrWb, Dunsanak di palanta RN nan dirahmati Allah SWT,
Sadang rami nampaknyo palanta awak ko mambicarokan soal Refungsionalisasi Peran Ninik Mamak. Cukuik rancak topik ko. Ado ciek "oleh-oleh" wakatu pulang lebaran kapatang ko. Wakatu ambo melewati sabuah nagari tetangga di Luhak Tanah Data, ambo mancaliak banyak marawa nan tapasang dan ambo baco sabuah spanduk gadang nan babunyi "Batagak Gala" dan disabuikkan namo-namo nan ka dilantik tu nan ado sakitar 9 urang. Satelah melewati nagari tu ambo batanyo dalam hati maa nan batua Batagak Gala atau Batagak Penghulu. Kalau Batagak Gala berarti ini acara peresmian gala adat..dan kalau soal gala manuruik ambo indak jauah beda banyak jo seremonial wisuda nan acok kito caliak. Lain pulo kalau manuruik ambo curitonyo Batagak Penghulu..kalau nan iko batua-batua Peresmian/pelantikan pelantikan penghulu baru nan akan mamimpin anak kamanakan dalam kaumnyo. Pertanyaan ambo apo samo batagak gala jo batagak penghulu..? Pertanyaan ko muncua karano ambo caliak sabagian urang awak alah mangganggap gala adat itu identik jo gelar kebangsawanan. Bahkan ado nan manyabuikkan gala adat/penghulu samo jo gala-gala kebangsawan dari suku-suku lain. Dan nan ambo caliak kini baitu mudahny urang maagia gala tu adat tu..asa lai urangnyo punyo power baik dari sisi kekuasaan, kekayaah atau intelektual bisa sajo urang tu mandapekkan gala adat..padahal bisa dicaliak peran urang nan diagiah gala tu indak ado untuak kaumnyo. Dan ado pulo gala tu diagiah ka urang "lua". Mungkin ado diantaro dunsanak nan bisa manjalehkann soal ko..? Wassalam RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
