Iyo pak Bandaro,
Baralek pangulu ditampek ambo, Sabana dijadikan proyek samo nan suko mamakan
tail emas. (terlepas dari kehidupan baliau-baliau tu memang susah, sebab
kabanyakan anak kamanakan jarang mamparatikan mamaknyo). Dulu pangulu ko ado
sawah panggadangan/tanah bengkok, parak cangkeh, parak kopi. Kini kabanyakan
alah abih tajua jo tagadai.
Kalo dikampuang ambo lai juo baralek sarangkek batigo atau balimo,
nan kabau tatap sabanyak pangulu juo dirabahkan. Tapi biaya nan indak taduga
nan banyak kalua, sarupo mambayia utang ka niniak mamak nagari. Contohnyo
utang nan harus dibayia;
Kawin kalua per urang duo ameh.
Umpamo ado dulu salah satu mantan pangulu/almarhum pernah salah
kecek bisa kanai utang pulo tu (tanpa proses dan saksi).
Joadah nan kurang langkok, umpamonyo pisang kurang ciek dalam
sajamba (disambunyikan dek urang nan duduak) bisa tabyia duo ameh pulo atau
labiah.
Dan lain-lain (kalo ambo bukak bana disiko, tanpa ado solusinyo
tantu parcuma).
Pokoknyo banyaklah caronyo untuak mambuek situan rumah supayo banyak
tabayia. Dulu sabalun baralek, baliau-baliau tu sangaiklah mambari
sumangaik. Satalah balek nan tajadi, baru baliu-baliau tu basilanteh angan.
Baliau salalu mangecek "soarih bajawek / pandahulu kito itu juo karajonyo
dulu". Jadi saroman tekek balega, baleh mambalehkan. Nan salalu dikamukan
untuak kato pamungkas " biasonyo iyo baitu" atau " itu kami alah
samufakaik". --- Cik kudo tu iyolah godok (sebuah geng nan selalu
bersandiwara).
Dikampuang ambo pangulu talalu banyak, masak iyo dalam sabuah kanagarian ado
± ampek ratuih pangulu. Sabok salalu dibuliahkan sabuah suku mambuek pangulu
sasuai jo kandak kaumnyo. (izin babari supayo proyek ado taruih). "Jadi
banyak tukang kayu jadi rusak".
Sakian sajo dulu, ambo samo jo mamcabiak baju didado. Tapi kalo lai ado
jalan kaluanyo, bialah ndak ambo kaluakan kasadonyo.
Bayak ma'af.
Wassalam,
Anak urang Labuah luruih.
Intan Bandaro.
-----Original Message-----
From: [EMAIL PROTECTED] [mailto:[EMAIL PROTECTED]]
Sent: Tuesday, December 24, 2002 1:56 PM
To: Amrizal - [North Duri Cogen]
Cc: [EMAIL PROTECTED]; [EMAIL PROTECTED]
Subject: Re: [RantauNet.Com] Mendesak, Refungsionalisasi Peran Ninik
Mamak
-----------------Quoting previous message:-----------------
>Manyolang snek,
>
Ah ....... baru tau ambo ado managakgan datuk nan agak "babaun"
nan sarupo itu.
Salamoko dikampuang ambo Banuampu managakgan ( peresmian ) datuk ado
duo caro.
- Paratamo sacaro massal, ado belasan dtk baru yang mau diresmikan.
Mako nagari mambuek ciek " Alek Managakgan Datuk" sacaro massal,
dipusatkan disatu tampek nan disetujui basamo.
Dana dari warga / dtk yang diresmikan.
- Kaduo bagi nan mampu ( warga suku, atau dari kocek si dtk baru (*))
Maadokan alek managakgan datuk sacaro sandiri.
(*) Biasono dana dari si calon dtk, sorangan.
Wass
Bandaro (52)
Kubang Putiah - Banuampu - Agam
~~~~~~~~~~~~~~~~~~~~~~~~~~~~~~~~~~~~~
Ta
RantauNet http://www.rantaunet.com
Isikan data keanggotaan anda di http://www.rantaunet.com/register.php3
==============================================Tanpa mengembalikan KETERANGAN PENDAFTAR
ketika subscribe,
anda tidak dapat posting ke Palanta RantauNet ini.
Mendaftar atau berhenti menerima RantauNet Mailing List di:
http://www.rantaunet.com/subscribe.php3
==============================================
