[EMAIL PROTECTED]; wrote:
TAHANTI LANGKAH TANGAH GALANGGANG
Assalamualaikum Wr.Wb.
Partamo ambo minta maaf kamamak urang gadang basa batuah, urang cadiak elok budi, nan didahulukan salangkah, nan ditinggikan sarantiang, diambak gadang dianjuang tinggi nan ado dimimbar rantaunet ko. Bukan dikacak langan la balangan, bukan pulo resek batih lah batih, dek urang nan baru mudo matah pangalaman kurang pangana pun singkek, acok tataruang dibatu kaciak, acok taimpok di batu gadang.
Ado nan dalam pado itu, singguang jo gisia nan ndak ditampek no, senjang guntiang tukang jaik, sarik dek mambilai banang nan tarantang rila ambo maminta ka dunsanak sado no, maaf nan baribu kali maaf. Dek palanta marupokan tampek duduak atau tampek maota pulang dari sawah dek rambang patang mairiang sanjo manunggu tabuah mugarik tibo mako biaso duduak urang dikampuang di palanta, mako sambuah lah nan takana jo sambuah pulo iko jo iten nan basabuik, manolah dalam nagari sambuah silang sangketo nan disalasaikan, dima karuah nan kajaniah, kusuik nan kasalasai.
Satantang kuritik nan ditujukan kapado ambo atau tagah kadiri ambo bialah suruik ambo malangkah dari pado ganjua banang nan tarantang, silau mato beko dalam bajalan, dek paham urang mudo paham nan ado dalam Al,Qur�an yaitu Ilmu tu yo maha , pangatahuan tu baharago itulah nan ambo lakukan, tujuan lain sampaikan kebenaran walau pahit atau walau satu ayat kalau lah kebenaran adaik nan ambo berikan ko maraso tasingguang puncak intelektual dunsanak, ambo mohon rila dimaafkan. Akhir no hinggo disiko lah ambo basamo dipalanta, harapan ambo semoga palanta rantaunet melahirkan urang-urang intelektual nan tau kampuang jo nagari nan paham adaik nan jo syarak nan mangarati itam jo putih nan maukua dinan panjang nan mambagi dinan saetek nan jadi guru anak kamanakan..
Wassalamualaikum Wr.Wb.
_________________________________________________________________
MSN 8 with e-mail virus protection service: 3 months FREE*.
http://join.msn.com/?page=features/virus&xAPID=42&PS=47575&PI=7324&DI=7474&SU=
http://www.hotmail.msn.com/cgi-bin/getmsg&HL=1216hotmailtaglines_eliminateviruses_3mf
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.
Mendaftar atau berhenti menerima RantauNet Mailing List di: http://www.rantaunet.com/subscribe.php3
===============================================
With Yahoo! Mail you can get a bigger mailbox -- choose a size that fits your needs
